ಕೃಷಿ ಉತ್ಪನ್ನ ಬೆಲೆ ತಿಳಿಯಲು ಎಐ ಸಿದ್ಧ !

ತಾಲೂಕಿನ ಅಗಸಗಿ ಗ್ರಾಮದ ಲೀಲಾವತಿ ವೆಂಕಟೇಶ ಕರಗುಪ್ಪಿಕರ ಪ್ರೌಢಶಾಲೆಯ 9ನೇ ತರಗತಿಯ ಲಕ್ಷ್ಮೀ ಈರಯ್ಯ ಹಿರೇಮಠ, ಅರ್ಚನಾ ಕಲಗೌಡ ಪಾಟೀಲ ಹಾಗೂ ಮೀನಾ ಹನುಮಂತ ದಳವಾಯಿ ಸಿದಟಛಿಪಡಿಸಿದ ಈ ಪ್ರಾಜೆಕ್ಟ್ ಈಚೆಗೆ ದೆಹಲಿಯಲ್ಲಿ ನಡೆದ ಎಐ ್ಯೂಚರ್ ಸ್ಕಿಲ್ಸ್ ಹ್ಯಾಕಥಾನ್-2026ರಲ್ಲಿ ಟಾಪ್ 10ರಲ್ಲಿ ಸ್ಥಾನ ಪಡೆದಿದೆ.

ಮಾರ್ಗದರ್ಶಕ ಸಿದ್ದಗೌಡ ಪಾಟೀಲ ಸಲಹೆಯಂತೆ ವೆಬ್ ಪೋರ್ಟಲ್ ಸಿದಟಛಿಪಡಿಸಿರುವ ವಿದ್ಯಾರ್ಥಿನಿಯರು, ಮುಂದಿನ ದಿನಗಳಲ್ಲಿ ಒಂದು ಮೊಬೈಲ್ ಆ್ಯಪ್ ಸಿದಟಛಿಪಡಿಸಿ, ಆ ಮೂಲಕ ಮುಂದಿನ ಆರು ತಿಂಗಳಲ್ಲಿ ವಿವಿಧ ಬೆಳೆಗಳ ಬೆಲೆಯ ಸಂಪೂರ್ಣ ಮಾಹಿತಿ ಲಭ್ಯವಾಗುವಂತೆ ಮಾಡುವ ಉದ್ದೇಶ ಹೊಂದಿದ್ದಾರೆ. ಇದು ಸಾಧ್ಯವಾದಲ್ಲಿ ರೈತರಿಗೆ ಬಹೂಪಯೋಗಿ ಆಗಲಿದೆ. ಇದರಲ್ಲಿ ಬೆಲೆಗಳ ನಿಖರತೆ ಶೇ.85ರಿಂದ 90ರಷ್ಟು ಸ್ಪಷ್ಟವಾಗಲಿದೆ ಎಂಬುದು ಮಾರ್ಗದರ್ಶಕ ಸಿದ್ದಗೌಡರ ಅಭಿಪ್ರಾಯ.

ಈ ಪ್ರಾಜೆಕ್ಟ್‌ನಲ್ಲಿ ಬೆಳಗಾವಿ ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯ ಐದು ವರ್ಷಗಳ ಅಂಕಿ ಅಂಶಗಳನ್ನು ವಿಶ್ಲೇಷಣೆ ಮಾಡಲಾಗಿದ್ದು, ಮುಂದಿನ ಆರು ತಿಂಗಳವರೆಗೆ ಬೆಲೆ ಎಷ್ಟಿರುತ್ತದೆ ಎಂಬ ಮಾಹಿತಿಯನ್ನು ಪೋರ್ಟಲ್ನಲ್ಲಿ ಸೇರಿಸಲಾಗಿದೆ. ಪ್ರಾಯೋಗಿಕವಾಗಿ ಟೊಮ್ಯಾಟೊ ಆಯ್ಕೆ ಮಾಡಿಕೊಂಡಿದ್ದು, ನವೆಂಬರ್ ತಿಂಗಳಲ್ಲಿ ಒಳ್ಳೆಯ ದರ ಸಿಗಲಿದೆ ಎಂದು ತೋರಿಸುತ್ತಿದೆ. ಹೀಗೆ, ಇಡೀ ರಾಜ್ಯ ಮತ್ತು ದೇಶಕ್ಕೆ ಅನ್ವಯವಾಗುವಂತೆ ಎಲ್ಲ ಬೆಳೆಗಳ ಬೆಲೆಯ ಕುರಿತು ತಮ್ಮ ಆ್ಯಪ್‌ನಲ್ಲಿ ರೈತರಿಗೆ ಸುಲಭವಾಗಿ ಮಾಹಿತಿ ಲಭ್ಯವಾಗಲಿದೆ.

ಮುಂದಿನ ಆರು ತಿಂಗಳಲ್ಲಿ ಯಾವ ಉತ್ಪನ್ನಕ್ಕೆ ಬೆಲೆ ಸಿಗುತ್ತದೆ ಎಂದು ನೋಡಿಕೊಂಡು ರೈತರು ಬೆಳೆ ಬೆಳೆಯಬಹುದಾಗಿದೆ. ಮುಂದೆ ಇದನ್ನು ಇನ್ನಷ್ಟು ಅಭಿವೃದ್ಧಿಪಡಿಸಿ, 8 ರಾಜ್ಯಗಳ ವಿವಿಧ ಬೆಳೆಗಳ ಬೆಲೆ ಎಷ್ಟಿರುತ್ತದೆ ಎಂಬ ಮಾಹಿತಿ ಆಯಾ ಪ್ರಾದೇಶಿಕ ಭಾಷೆಯಲ್ಲೇ ತಿಳಿಯುವಂತೆ ಮಾಡಲಿದ್ದಾರೆ.