ಲಕ್ಕೂರು:ಮಾಲೂರು ತಾಲೂಕು ಲಕ್ಕೂರು ಗ್ರಾಮದ ಬಾರ್ನಲ್ಲಿ ಮಿಕ್ಚರ್ ಕೊಡಲಿಲ್ಲ ಎಂಬ ಕಾರಣಕ್ಕೆ ಬಾರ್ ಕ್ಯಾಷಿಯರ್ನನ್ನು ಕೊಲೆ ಮಾಡಲಾಗಿದೆ.
ಹಾಸನ ಮೂಲದ ಕುಮಾರ್(45) ಕೊಲೆಯಾದವರು. ಆರೋಪಿ ಲಕ್ಕೂರು ಗ್ರಾಮದ ಸುಭಾಷ್ ತಲೆಮರೆಸಿಕೊಂಡಿದ್ದಾನೆ.
ಕೊಲೆಯಾದ ಕುಮಾರ್ ಹಾಸನದಿಂದ ಬಂದು ಲಕ್ಕೂರಿನಲ್ಲಿ ನೆಲೆಸಿದ್ದು, ಬಾರ್ನಲ್ಲಿ ಕೆಲಸ ಮಾಡುತ್ತಿದ್ದರು. ಭಾನುವಾರ ರಾತ್ರಿ ಮದ್ಯ ಸೇವನೆ ಮಾಡುವ ವೇಳೆ ಆರೋಪಿ ಮಿಕ್ಚರ್ ಕೇಳಿದ್ದಾನೆ. ಈ ವೇಳೆ ಹಣ ನೀಡುವಂತೆ ಕ್ಯಾಷಿಯರ್ ಕೇಳಿದಾಗ ಇಬ್ಬರ ಮಧ್ಯೆ ವಾಗ್ವಾದ ನಡೆದಿದೆ. ಇದಾದ ನಂತರ ಕ್ಯಾಷಿಯರ್ ಮನೆಗೆ ಹೋಗುವುದನ್ನೇ ಕಾದು ಮನೆಯವರೆಗೂ ಹಿಂಬಾಲಿಸಿದ್ದಾನೆ. ಇನ್ನೇನು ಮನೆ ಬಾಗಿಲು ತೆಗೆದು ಒಳ ಸೇರುವಷ್ಟರಲ್ಲಿ ಸುಭಾಷ್ ಬಂದು ಕ್ಯಾಷಿಯರ್ ಪತ್ನಿ, ಮಕ್ಕಳ ಎದುರೇ ಚಾಕುವಿನಿಂದ ಇರಿದು ಪರಾರಿಯಾಗಿದ್ದಾನೆ. ತೀವ್ರ ರಕ್ತಸ್ರಾವವಾಗಿ ಆತ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಮೃತದೇಹವನ್ನು ಮಾಲೂರು ತಾಲೂಕು ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀೆ ನಂತರ ಕುಟುಂಬಕ್ಕೆ ಹಸ್ತಾಂತರಿಸಲಾಗಿದೆ. ಮಾಲೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.