ಕುರುಗೋಡಿನಲ್ಲಿ ಆವಿಷ್ಕಾರ ವೇದಿಕೆಯಿಂದ ಕುವೆಂಪು ಸ್ಮರಣ ದಿನ ಆಚರಿಸಲಾಯಿತು. ಎಐಕೆಕೆಎಂಎಸ್ ಜಿಲ್ಲಾ ಕಾರ್ಯದರ್ಶಿ ಗುರಳ್ಳಿ ರಾಜ, ಯುವ ಜನ ಸಂಘದ ಕೋಳೂರು ಪಂಪಾಪತಿ, ವಿದ್ಯಾರ್ಥಿಗಳು ಇದ್ದರು.
ಕುರುಗೋಡು: ವಿಶ್ವಮಾನವ ಪರಿಕಲ್ಪನೆ ಬಿತ್ತಿದ ಕುವೆಂಪು ಅವರ ಆಶಯ ಪಾಲಿಸುವ ಮೂಲಕ ಪ್ರತಿಯೊಬ್ಬರೂ ಉತ್ತಮ ಸಮಾಜ ನಿರ್ಮಾಣಕ್ಕೆ ಪಣ ತೊಡಬೇಕು ಎಂದು ಎಐಕೆಕೆಎಂಎಸ್ ಜಿಲ್ಲಾ ಕಾರ್ಯದರ್ಶಿ ಗುರಳ್ಳಿ ರಾಜ ಹೇಳಿದರು.
ಪಟ್ಟಣದಲ್ಲಿ ಆವಿಷ್ಕಾರ ವೇದಿಕೆಯಿಂದ ಆಯೋಜಿಸಿದ್ದ ಕುವೆಂಪು ಸ್ಮರಣ ದಿನ ಕಾರ್ಯಕ್ರಮದಲ್ಲಿ ಭಾನುವಾರ ಮಾತನಾಡಿದರು. ಕುವೆಂಪು ಎಲ್ಲ ಪ್ರಕಾರದ ಸಾಹಿತ್ಯದಲ್ಲಿ ಕೃಷಿ ಮಾಡಿದ್ದಾರೆ. ಮನುಜಮತ ವಿಶ್ವಪಥ ಎಂದು ಸಾರಿ ಸಮಾಜಕ್ಕೆ ಸಂದೇಶ ನೀಡಿದ್ದಾರೆ. ಜಾತಿ, ಮತ, ಪಂಥಕ್ಕೆ ಆದ್ಯತೆ ನೀಡದೆ ಮಾನವೀಯ ಧರ್ಮ ಮೇಲು ಎಂದು ಸಾರಿದ್ದಾರೆ. ಕುವೆಂಪು ಅವರ ಸಾಹಿತ್ಯ ಎಲ್ಲ ವರ್ಗ ಹಾಗೂ ವಯೋಮಾನದವರಿಗೆ ಅನ್ವಯವಾಗುವಂತೆ ವಿಶಾಲ ವ್ಯಾಪ್ತಿ ಹಾಗೂ ಆಯಾಮ ಒಳಗೊಂಡಿದೆ ಎಂದರು.