ಪ್ರಮುಖ ಮುಖ್ಯಾಂಶಗಳು
ಹಗರಿಬೊಮ್ಮನಹಳ್ಳಿ:
ಕರ್ನಾಟಕ ರಾಜ್ಯ ವೀರಶೈವ ಲಿಂಗಾಯತ ಪಂಚಮಸಾಲಿ ಸಂಘದ ಅಧ್ಯಕ್ಷ ಸೋಮನಗೌಡ ಪಾಟೀಲ್ ಅವರನ್ನು ಅಧಿಕಾರದಿಂದ ಪದಚ್ಯುತಗೊಳಿಸುವ ವಿಚಾರವಾಗಿ ಹಮ್ಮಿಕೊಳ್ಳಲಾಗಿದ್ದ
ರಾಜ್ಯ ಕಾರ್ಯಕಾರಿಣಿ ಸಭೆಯು ಭಾನುವಾರ ಪಟ್ಟಣದ ಹರ ದೇಗುಲದ ಕಲ್ಯಾಣ ಮಂಟಪದಲ್ಲಿ ಅತ್ಯಂತ ಮಹತ್ವದ ಬೆಳವಣಿಗೆಗಳೊಂದಿಗೆ ಜರುಗಿತು. ಸಭೆಯಲ್ಲಿ ಅಧ್ಯಕ್ಷ ವಿರುದ್ಧ ಅವಿಶ್ವಾಸ
ನಿರ್ಣಯ ಮಂಡಿಸಲಾಯಿತು.
ಮಾಧ್ಯಮಗಳನ್ನು ಬಳಸಿಕೊಂಡು ಸಣ್ಣತನ ಪ್ರದರ್ಶಿಸಿರುವ ಅವರು ತಮ್ಮ ನಿರ್ಣಯದ ಮೂಲಕ ಪದಾಧಿಕಾರಿಗಳನ್ನೇ ಉಚ್ಚಾಟಿಸಿರುವುದಾಗಿ ಬಿಂಬಿಸುತ್ತಿದ್ದಾರೆ ಎಂದು ತೀವ್ರವಾಗಿ
ಕಿಡಿಕಾರಿದರು.
ಸದಸ್ಯತ್ವವೇ ಇಲ್ಲದ ವ್ಯಕ್ತಿಯೊಬ್ಬ ಅಕ್ರಮ ಕೂಟವನ್ನು ಕಟ್ಟಿಕೊಂಡು ಸಮಾಜವನ್ನು ವಿಭಜಿಸುವ ಹುನ್ನಾರ ನಡೆಸಿದ್ದಾರೆ. ಈಗಾಗಲೇ ನಿರ್ಣಯಿಸಿದಂತೆ ಅವಿಶ್ವಾಸ ಮಂಡನೆಯ ನೋಟಿಸ್
ನೀಡಲಾಗುವುದು, ಏಳು ದಿನಗಳ ಒಳಗಾಗಿ ಉತ್ತರಿಸಬೇಕು. ತಪ್ಪಿದ್ದಲ್ಲಿ ಮುಂದಿನ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಎಚ್ಚರಿಸಿದರು.
ಗೊಂದಲ ಸೃಷ್ಟಿಸಲು ಪಟ್ಟಭದ್ರ ಹಿತಾಸಕ್ತಿಗಳು ಹಾಗೂ ಕಾಣದ ಕೈಗಳು ಕೆಲಸ ಮಾಡುತ್ತಿವೆ. ಸಮುದಾಯದ ನೈತಿಕ ಸ್ಥೈರ್ಯ ಕುಗ್ಗಿಸಲು ಯತ್ನಿಸುತ್ತಿರುವವರಿಗೆ ಪಾಠ ಕಲಿಸಲಾಗುವುದು
ಎಂದರು.
ಉಮಾಪತಿ, ಜ್ಯೋತಿ ಪ್ರಕಾಶ, ಚಂದ್ರಶೇಖರ ಪೂಜಾರ್, ಸಿದ್ದೇಶ ಬೇಗೂರ್, ಪಿ.ಜಿ. ಶಿವಕುಮಾರ, ಚಂದ್ರಪ್ಪ ಶಿವಮೊಗ್ಗ, ಮಲ್ಲಣ್ಣ ಬೋಸನೂರು, ಸಿ.ಸಿ. ಕರಡಿಕಲ್, ಮಂಜುನಾಥ ಗೌಡ,
ಹಾಗೂ ಫೋಟೋ ವೀರೇಶ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.