ಬಾಲಕಲ್ಯಾಣ ಕೇಂದ್ರದಲ್ಲಿ ಕುಮಾರಿಕಾ ಪೂಜೆ

ಹುಬ್ಬಳ್ಳಿ: ಇಲ್ಲಿಯ ಸೇವಾಭಾರತಿ ಟ್ರಸ್ಟ್ ನ ಮಾತೃಛಾಯಾ ಬಾಲಕಲ್ಯಾಣ ಕೇಂದ್ರದಲ್ಲಿ ಲಲಿತಾ ಪಂಚಮಿ ಪ್ರಯುಕ್ತ ಮಕ್ಕಳಿಂದ ಕುಂಕುಮಾರ್ಚನೆ ಹಾಗೂ ಕುಮಾರಿಕಾ ಪೂಜೆ ನೆರವೇರಿಸಲಾಯಿತು.

ಅತಿಥಿಯಾಗಿದ್ದ ಹೇಮಾ ದೇಸಾಯಿ ಅವರು ಮಾತನಾಡಿ, ಬೆಳೆಯುವ ಸಿರಿ ಮೊಳಕೆಯಲ್ಲೇ ನೋಡು ಎನ್ನುವಂತೆ ಮಕ್ಕಳಿಗೆ ಈ ಸಂಸ್ಕಾರ ದೊರೆಯುತ್ತಿರುವುದು ಸಂತೋಷದ ಸಂಗತಿ ಎಂದರು.

ಮಹಿಳೆಯರು ದಾಂಡಿಯಾ ಕಾರ್ಯಕ್ರಮ ಪ್ರಸ್ತುತಪಡಿಸಿದರು. ಬಾಲ ಕಲ್ಯಾಣ ಕೇಂದ್ರದ ಅಧ್ಯೆ ಕಮಲಾ ಜೋಶಿ, ವೀಣಾ ಮಳಿಯೆ, ನಂದಾ ಸವಡಿ ಉಪಸ್ಥಿತರಿದ್ದರು.

ರತ್ನಾ ಮಾತಾಜಿ ವಂದಿಸಿದರು. ಬಡಾವಣೆ ಮಕ್ಕಳು ಸೇರಿ ವಿವಿಧೆಡೆಯಿಂದ ಚಿಣ್ಣರು, ಮಹಿಳೆಯರು ಪಾಲ್ಗೊಂಡಿದ್ದರು.