ಬಾಳೆಹೊನ್ನೂರು: ರೋಗಿಗಳಿಗೆ ಮರುಜನ್ಮ ನೀಡುವುದೇ ವೈದ್ಯ ವೃತ್ತಿ ವಿಶೇಷ ಎಂದು ಹಿರಿಯ ಕ್ರೀಡಾಪಟು ಒ.ಡಿ.ಸ್ಟೀಫನ್ ಹೇಳಿದರು.
ಸೀಕೆಯ ಶಾಲೋಮ್ ಆಯುರ್ವೇದಿಕ್ ಆಸ್ಪತ್ರೆಯಲ್ಲಿ ಸೋಮವಾರ ವೈದ್ಯರ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿ, ನಾವೆಲ್ಲ ಪ್ರಪಂಚಕ್ಕೆ ಬರಲು ದೇವರು ಕಾರಣರಾದರೆ, ವೈದ್ಯರು ಚಿಕಿತ್ಸೆ ನೀಡಿ ಜೀವನ ಸುಂದರವಾಗಿರಿಸುತ್ತಿದ್ದಾರೆ ಎಂದರು.
ಭಾರತೀಯ ಸಂಸ್ಕೃತಿಯಲ್ಲಿ ಆಯುರ್ವೇದ ವೈದ್ಯ ಪದ್ಧತಿಗೆ ವಿಶೇಷ ಮಹತ್ವವಿದೆ. ಯಾವುದೇ ಭಯ, ತೊಂದರೆಗಳಿಲ್ಲದೆ ಆಯುರ್ವೇದ ಚಿಕಿತ್ಸೆ ಪಡೆದುಕೊಳ್ಳಬಹುದು ಎಂದು ಹೇಳಿದರು.
ತುರ್ತು ಪರಿಸ್ಥಿತಿಗಳಲ್ಲಿ ಜೀವ ರಕ್ಷಣೆ ನೀಡುವ ವೈದ್ಯರನ್ನು ಗೌರವಿಸುವುದು ನಮ್ಮ ಆದ್ಯ ಕರ್ತವ್ಯ. ವರ್ಷದಲ್ಲಿ ಒಂದು ದಿನ ಮಾತ್ರ ಅವರಿಗೆ ಗೌರವ ಸಲ್ಲಿಸಿದರೆ ಸಾಲದು. ನಿರಂತರವಾಗಿ ಮನದಲ್ಲಿ ಸ್ಮರಿಸಬೇಕು ಎಂದರು.
ಶಾಲೋಮ್ ಆಯುರ್ವೇದಿಕ್ ಕೇಂದ್ರದ ಮುಖ್ಯಸ್ಥ ವಿನ್ಸಿ ದುಮ್ಮಿಂಗ್ ಲೋಬೋ, ಆಯುರ್ವೇದ ವೈದ್ಯ ಎಲ್ಡೋಸ್, ಕಾಫಿ ಬೆಳೆಗಾರ ಕೃಪಾಲ್ ಗೌಡ, ರವಿ ಸೂರ್ಯ ಇದ್ದರು.