ಆನೇಕಲ್: ಪಟ್ಟಣದ ಹೊಸೂರು ಮುಖ್ಯ ರಸ್ತೆಯಲ್ಲಿ ಮಂಗಳವಾರ ಸಿಮೆಂಟ್ ಮಿಕ್ಸರ್ ಲಾರಿ ಚಕ್ರದ ಹಿಂಬದಿಗೆ ಪ್ರಯಾಣಿಕರಿದ್ದ ಆಟೋವೊಂದು ಸಿಲುಕಿ ಸಂಪೂರ್ಣ ನಜ್ಜುಗುಜ್ಜಾಗಿದ್ದು, ಚಾಲಕ ಮತ್ತು ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.ಹೊಸೂರು ಮಾರ್ಗವಾಗಿ ಆನೇಕಲ್ಗೆ ಬರುತ್ತಿದ್ದ ಸಿಮೆಂಟ್ ಮಿಕ್ಸರ್ ಲಾರಿ ಹಾಗೂ ಆಟೋ ನಡುವೆ ಡಿಕ್ಕಿಯಾಗಿದೆ. ಈ ವೇಳೆ ಹಿಂಬದಿಯ ಎಡ ಭಾಗದ ಚಕ್ರಕ್ಕೆ ಆಟೋ ಸಿಲುಕಿ ಸಂಪೂರ್ಣ ಜಜ್ಜಿದೆ. ಆಟೋ ಮುಂಭಾಗ ತುಂಡಾಗಿ ಬೇರ್ಪಟ್ಟಿದೆ. ತಕ್ಷಣ ಚಾಲಕ ಆಟೋದಿಂದ ಕೆಳಗೆ ಇಳಿದು ಪ್ರಯಾಣಿಕರನ್ನು ಪಾರು ಮಾಡಿದ್ದಾನೆ. ಆನೇಕಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.