ಮಡಿಕೇರಿ:
ಕೊಡಗು ಸೇನಾನಿಗಳ ನಾಡು ಎನ್ನುವ ಹೆಗ್ಗಳಿಕೆ ಪಡೆದುಕೊಂಡಿದೆ. ಫೀ.ಮಾ. ಕಾರ್ಯಪ್ಪ, ಜ. ತಿಮ್ಮಯ್ಯರಂತಹ ಕಲಿಗಳನ್ನು ಸೇನೆಗೆ ಕೊಟ್ಟಿರುವ ಹೆಮ್ಮೆ ಕೊಡಗಿನದ್ದು. ಸಾಮಾನ್ಯವಾಗಿ ಮನೆಗೆ ಒಬ್ಬ ವ್ಯಕ್ತಿ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿರುತ್ತಾನೆ ಎನ್ನುವುದು ಇಲ್ಲಿಯ ಪ್ರತೀತಿ. ದೇಶ ಸೇವೆ, ಶೌರ್ಯಕ್ಕೆ ಜಿಲ್ಲೆ ಹೆಸರು ಮಾಡಿದೆ.
ಪಂಜಾಬ್ ಹೊರತುಪಡಿಸಿದರೆ ಅತ್ಯಧಿಕ ಸಂಖ್ಯೆಯಲ್ಲಿ ಯೋಧರನ್ನು ಕೊಡಗು ನೀಡಿದೆ. ಸೇನೆಗೆ ಮಕ್ಕಳನ್ನು ಕಳುಹಿಸುವುದೆಂದರೆ ಪೋ?ಕರಿಗೆ ಅದೊಂದು ಪ್ರತಿ?್ಠೆ ಮತ್ತು ಹೆಮ್ಮೆಯ ವಿ?ಯ. ಕೊಡಗಿನ ಮನೆಗಳಲ್ಲಿ ದೇಶ ರಕ್ಷಣೆಯ ಬಗ್ಗೆ ಒಂದಿಲ್ಲೊಂದು ವೀರತೆಯ ಕಥೆಗಳು ಕೇಳಿಬರುತ್ತವೆ.
ಆದರೆ ಈಗ ಕಾಲ ಬದಲಾಗಿದೆ. ಇತ್ತೀಚಿನ ವ?ರ್ಗಳಲ್ಲಿ ಕೊಡಗಿನಿಂದ ಸೇನೆಗೆ ಸೇರುವವರ ಸಂಖ್ಯೆ ಕಡಿಮೆ ಆಗುತ್ತಿದೆ ಎನ್ನುವ ಮಾತಿದೆ. ಆಧುನೀಕತೆ, ಜಾಗತೀಕರಣದ ಪ್ರಭಾವವೂ ಇದಕ್ಕೆ ಕಾರಣ ಆಗಿರಬಹುದು ಎನ್ನುವ ವಿಶ್ಲೇ?ಣೆ ಕೇಳಿಬರುತ್ತಿದೆ.
ಸೇನೆಗೆ ಆಯ್ಕೆ ಪ್ರಕ್ರಿಯೆ ನಡೆಯುವ ಸಂದರ್ಭದಲ್ಲಿ ಕೊಡಗಿನ ಹುಡುಗರ ಹಾಜರಾತಿ ಪ್ರಮಾಣ ಕಡಿಮೆ ಕಂಡು ಬರುತ್ತಿದೆ. ಆಯ್ಕೆ ಶಿಬಿರಕ್ಕೆ ಹಾಜರಾದವರಲ್ಲಿ ಬಹುತೇಕರು ಸೇನೆಗೆ ಆಯ್ಕೆ ಕೂಡ ಆಗುತ್ತ್ತಿಲ್ಲ. ದೈಹಿಕ ಸದೃಡತೆ ಕಡಿಮೆ ಆಗುತ್ತಿರುವುದು ಕಂಡುಬರುತ್ತಿದೆ.
ಐಟಿ ಉದ್ಯೋಗ, ಸ್ಥಳೀಯವಾಗಿ ಲಭ್ಯವಿರುವ ಉನ್ನತ ವಿದ್ಯಾಭ್ಯಾಸದ ಅವಕಾಶ, ಶ್ರಮವಿಲ್ಲದ ಸುಖಿ ಜೀವನದ ಪರಿಕಲ್ಪನೆ ಹೀಗೆ ಹಲವು ಕಾರಣಗಳು ಸೇನೆ ಬಗೆಗೆ ಯುವಕರ ತುಡಿತ ಕಡಿಮೆ ಮಾಡಿರಬಹುದು ಎನ್ನುವ ಮಾತುಗಳು ಕೂಡ ಕೇಳಿಬರುತ್ತಿದೆ. ಇದಕ್ಕೆ ಸಂಬಂಧಿಸಿದಂತೆ ವಿಜಯವಾಣಿ ಓದುಗರು ಹಂಚಿಕೊಂಡಿರುವ ಅಭಿಪ್ರಾಯಗಳು ಇಲ್ಲಿದೆ.
ಹೆಚ್ಚಿನ ಯುವಜನತೆಯಲ್ಲಿ ತಾಳ್ಮೆ ಮತ್ತು ರಿಸ್ಕ್ ತೆಗೆದುಕೊಳ್ಳುವಂಥ ಮನೋಭಾವ ಕಡಿಮೆಯಾಗುತ್ತಿದೆ. ದೈಹಿಕ ಶ್ರಮದ ಕೆಲಸಗಳನ್ನು ಇ?್ಟಪಡದೆ, ಕಂಪ್ಯೂಟರ್ ಪರದೆ ಮುಂದೆ ಕುಳಿತು ಕೆಲಸ ಮಾಡುವತ್ತ ಒಲವು ತೋರುತ್ತಿದ್ದಾರೆ. ಸೇನೆಯ ಕುರಿತು ಸೂಕ್ತ ಮಾಹಿತಿಯ ಕೊರತೆ ಇದೆ. ಶಾಲಾ- ಕಾಲೇಜು ಹಂತದಲ್ಲಿಯೇ ವಿದ್ಯಾರ್ಥಿಗಳಲ್ಲಿ ದೇಶಾಭಿಮಾನ ಬೆಳೆಸುವ ವೈವಿಧ್ಯ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಬೇಕು. ಸೇನೆಗೆ ಸೇರಲು ಆಸಕ್ತರಾಗಿರುವವರಿಗೆ ಪರೀಕ್ಷೆ ಎದುರಿಸಲು ಅನುಕೂಲವಾಗುವಂತೆ ಕೊಡಗಿನ ಒಳಗಡೆಯೇ ಉತ್ತಮ ಕೋಚಿಂಗ್ ಸಿಗುವಂತಾಗಬೇಕು.
ಪ್ರಾಥಮಿಕವಾಗಿ ಪೋಷಕರು ಮತ್ತು ಶಿಕ್ಷಕರು ವಿದ್ಯಾರ್ಥಿಗಳಲ್ಲಿ ದೇಶಪ್ರೇಮ ಮತ್ತು ಸೇನೆಯ ಬಗ್ಗೆ ಒಲವು ಮೂಡುವಂತೆ ಪ್ರರೇಪಿಸಬೇಕು. ಮಕ್ಕಳ ದೈಹಿಕ ಶಿಕ್ಷಣ ಮತ್ತು ಕ್ರೀಡೆಗೆ ಹೆಚ್ಚು ಪ್ರೋತ್ಸಾಹ ಕೊಟ್ಟು ಮಕ್ಕಳನ್ನು ದೈಹಿಕವಾಗಿ ಸದೃಢರಾಗುವಂತೆ ನೋಡಿಕೊಳ್ಳಬೇಕು. ಎನ್ಸಿಸಿ ಮತ್ತಿತರ ಶಿಸ್ತಿನ ಶಿಕ್ಷಣ ನೀಡುವಂತಾಗಬೇಕು. ಸೇನೆಗೆ ಸೇರುವುದಕ್ಕೆ ಸಂಬಂಧಿಸಿದ ದೈಹಿಕ ಮತ್ತು ಮಾನಸಿಕ ಪರೀಕ್ಷೆಗಳ ತಯಾರಿಗೆ ತರಬೇತಿ ಕೊಡಬೇಕು.