ಅಪ್ಪು ಪ್ರೇಮ ಮೆರೆದ ಆಟೋ ಚಾಲಕ ಕನ್ನಡ ನಾಗರಾಜ್...!

ಪುನೀತ್ ಜನ್ಮದಿನಕ್ಕಾಗಿ ಉಡುಪಿಯಿಂದ ಹಾವೇರಿಗೆ ಆಟೋದಲ್ಲಿ ಪಯಣಿಸಿದ ಚಾಲಕ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಲಕ್ಷಾಂತರ ಕನ್ನಡಿಗರ ಹೃದಯ ಗೆದ್ದ ನಟ ಪುನೀತ್ ರಾಜಕುಮಾರ್ ಕಾಣದಂತೆ ಮಾಯವಾದರೂ ಸಹ ಅವರ ಮೇಲಿರುವ ಅಭಿಮಾನ ಇನ್ನೂ ಮಾಯವಾಗಿಲ್ಲ. ಅವರ ಅಭಿಮಾನಿಗಳಿಗೆ ಅಪ್ಪು ಅವರನ್ನು ಮರೆಯಲಾಗುತ್ತಿಲ್ಲ.

ಹಾವೇರಿಯಲ್ಲಿ ಪುನೀತ್ ರಾಜಕುಮಾರ್ ಅವರ 50ನೇ ಜನ್ಮದಿನೋತ್ಸವ ಆಚರಿಸಲಾಗುತ್ತಿದೆ ಎಂಬ ಸುದ್ದಿ ತಿಳಿದ ಉಡುಪಿಯ ಗರಡಿಮಜಲಿನ ಆಟೋ ಚಾಲಕ ಕನ್ನಡ ನಾಗರಾಜ್ ಅವರು ಭಾನುವಾರ ತಮ್ಮ ಆಟೋದಲ್ಲಿ ಹಾವೇರಿಯತ್ತ ಪಯಣ ಬೆಳೆಸಿದ್ದಾರೆ.

 ಆಟೋಗೆ ಅಲಂಕಾರ

ಕನ್ನಡ ನಾಗರಾಜ್ ಅವರು ಅಪ್ಪು ಅವರ ಅಭಿಮಾನಿಯಾಗಿದ್ದು ತನ್ನ ಆಟೋವನ್ನು ಸಂಪೂರ್ಣ ಅಪ್ಪು ಚಿತ್ರದಿಂದಲೇ ಅಲಂಕರಿಸಿದ್ದಾರೆ. ಕನ್ನಡದ ಬಾವುಟಗಳಿಂದ ಮತ್ತು ಅಪ್ಪು ಅವರ ವಿವಿಧ ಪೋಸ್ಟರ್ ಅಳವಡಿಸಿದ್ದಾರೆ ಆಟೋಕ್ಕೆ ಭುವನೇಶ್ವರಿ ಎಂದು ಹೆಸರಿಟ್ಟಿರುವ ಅವರು, ಸಂಗೊಳ್ಳಿ ರಾಯಣ್ಣನ ಭಾವಚಿತ್ರವನ್ನು ಲಗತ್ತಿಸಿದ್ದಾರೆ. ಹಳದಿ-ಕೆಂಪು ಬಣ್ಣದ ಅಂಗಿ ತೊಟ್ಟು ಆಟೋದಲ್ಲಿ ಹಾವೇರಿಗೆ ತೆರಳಿದ್ದಾರೆ.

ಮಾದರಿಯಾದ ಅಭಿಮಾನ