ಕಾರವಾರ: ವಕೀಲ ಹಾಗೂ ನೋಟರಿ ಪ್ರದೀಪ ತಾಂಡೇಲ ಅವರ ಕಚೇರಿಗೆ ವ್ಯಕ್ತಿಯೊಬ್ಬ ಬಂದು ಗಲಾಟೆ ಮಾಡಿದ್ದು, ಈ ವ್ಯಕ್ತಿಯ ವಿರುದ್ಧ ಕಾನೂನು ಕ್ರಮಕೈಗೊಳ್ಳಬೇಕು ಎಂದು ಜಿಲ್ಲಾ ವಕೀಲರ ಸಂಘದ ಸದಸ್ಯರು ಜಿಲ್ಲಾಧಿಕಾರಿ ಹಾಗೂ ಹೆಚ್ಚುವರಿ ಎಸ್ಪಿಗೆ ಮನವಿ ಸಲ್ಲಿಸಿದರು.
ಸಂಘದ ಸದಸ್ಯ ಪ್ರದೀಪ ತಾಂಡೇಲ ಅವರಿಗೆ ಕಳೆದ ಜುಲೈ 21ರಂದು ವಿನಾಯಕ ತಾಂಡೇಲ್ ಹಾಗೂ ಆತನ ಜತೆಗೆ ಇದ್ದ ವ್ಯಕ್ತಿ ಕರೆ ಮಾಡಿ ಜೀವ ಬೆದರಿಕೆ ಹಾಕಿದ್ದಾನೆ. ಜುಲೈ 22ರಂದು ಕಚೇರಿಗೆ ಬಂದು ಗಲಾಟೆ ಮಾಡಿದ್ದಾನೆ. ಈ ಬಗ್ಗೆ ಪ್ರದೀಪ ತಾಂಡೇಲ್ ಅವರು ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಈ ಬಗ್ಗೆ ಸೂಕ್ತ ಕ್ರಮಕೈಗೊಳ್ಳಬೇಕು ಎಂದು ಮನವಿ ಪತ್ರದಲ್ಲಿ ತಿಳಿಸಲಾಗಿದೆ. ಅಧ್ಯಕ್ಷ ಕೃಷ್ಣಾನಂದ ನಾಯ್ಕ, ಕಾರ್ಯದರ್ಶಿ ಎನ್.ಆರ್. ದೇಶಭಂಡಾರಿ, ಕಾರ್ಯದರ್ಶಿ ದರ್ಶನ ಗೌಡ ಇದ್ದರು.