ಮಂಜುನಾಥ ಎಸ್. ಅಂಗಡಿ ಧಾರವಾಡ
ಜಿಲ್ಲೆಯ ಪ್ರಮುಖ ಕೈಗಾರಿಕಾ ಪ್ರದೇಶವಾಗಿರುವ ಬೇಲೂರು ಇಂಡಸ್ಟ್ರಿ. 1986ರಲ್ಲಿ ಆರಂಭವಾದ ಕೈಗಾರಿಕಾ ಪ್ರದೇಶದಲ್ಲಿ ಬಗೆಹರಿಯದಷ್ಟು ಸಮಸ್ಯೆಗಳಿವೆ. ಈವರೆಗೂ ಕೈಗಾರಿಕಾ ಪ್ರದೇಶದ ಕೆಜೆಪಿ ಆಗದಿರುವುದು ಆಶ್ಚರ್ಯದ ಸಂಗತಿ. ಇದರಿಂದ ಮೂಲ ಉತಾರದಲ್ಲಿ ಸಂಬAಧಪಟ್ಟ ಕೈಗಾರಿಕೆಯವರ ಹೆಸರು ಬಾರದೆ ಕೆಐಎಡಿಬಿ ಹೆಸರು ಬರುತ್ತಿರುವುದಿಂದ ಕೈಗಾರಿಕೆಗಳ ಮೇಲೆ ಸಾಲ ಪಡೆದು ಉದ್ಯಮಗಳನ್ನು ನಡೆಸುವ ಕೈಗಾರಿಕೋದ್ಯಮಿಗಳಿಗೆ ತೊಂದರೆಯಾಗುತ್ತಿದೆ.
ಕೈಗಾರಿಕಾ ಪ್ರದೇಶದ ಕೆಜೆಪಿಗೆ ಕ್ರಮ ಕೈಗೊಳ್ಳಬೇಕು ಎಂಬ ಬೇಡಿಕೆ ದಶಕಗಳಿಂದ ಸ್ಪಂದನೆ ಸಿಕ್ಕಿಲ್ಲ. ಸ್ಥಳೀಯ ಗ್ರಾಮ ಪಂಚಾಯಿತಿಗಳಿAದ ನೀಡಲಾಗುತ್ತಿರುವ ಇ- ಸ್ವತ್ತು ಪ್ರಮಾಣ ಪತ್ರಗಳನ್ನು ಕೆಐಎಡಿಬಿಯಿಂದ ನೀಡುವ ವ್ಯವಸ್ಥೆಯಾಗಬೇಕು. ಜೊತೆಗೆ ಬೇಲೂರು ಕೈಗಾರಿಕಾ ಪ್ರದೇಶವನ್ನು ಕೈಗಾರಿಕಾ ಟೌನ್ಶಿಪ್ ಕಾಯ್ದೆಗೆ ಒಳಪಡಿಸಬೇಕು ಎಂಬುದು ಕೈಗಾರಿಕೋದ್ಯಮಿಗಳ ಬೇಡಿಕೆ.
ಬೇಲೂರು ಕೈಗಾರಿಕಾ ಪ್ರದೇಶದಲ್ಲಿ ಟಾಟಾ ಹಿಟಾಚಿ, ಟಾಟಾ ಮಾರ್ಕೋಪೋಲೊ, ಟಾಟಾ ಮೋಟರ್ಸ್, ಫ್ಲೀಟ್ ಗಾರ್ಡ್, ಆರ್ಎಸ್ಬಿ ಟ್ರಾನ್ಸ್ಮಿಶನ್, ಯುನಿ ಅಬೆಕ್ಸ್, ಶಿಲ್ಪಾ ಮೆಡಿಕಲ್ಸ್ನಂಥ ಬೃಹತ್ ಕೈಗಾರಿಕೆಗಳಿವೆ. ಒಟ್ಟಾರೆ ಸಣ್ಣ ಮತ್ತು ಬೃಹತ್ ಕೈಗಾರಿಕೆ ಸೇರಿ 590 ಇಂಡಸ್ಟಿÃಸ್ಗಳಿವೆ. ಆದರೆ, 450 ಮಾತ್ರ ಕಾರ್ಯನಿರ್ವಹಿಸುತ್ತಿವೆ. ಈ ಎಲ್ಲ ಕೈಗಾರಿಕೆಗಳು ಸೇರಿ ದಿನನಿತ್ಯ ಸುಮಾರು 20,000 ಕಾರ್ಮಿಕರು ಕಾರ್ಯನಿರ್ವಹಿಸುತ್ತಿದ್ದಾರೆ.
ಉತ್ತರ ಕರ್ನಾಟಕದದಲ್ಲೇ ಬೃಹತ್ತಾದ ಬೇಲೂರು ಕೈಗಾರಿಕಾ ಪ್ರದೇಶ ಈವರೆಗೂ ಕೆಜೆಪಿ ಆಗಿಲ್ಲ. ಕೈಗಾರಿಕಾ ಟೌನ್ಶಿಪ್ ಕಾಯ್ದೆಗೆ ಒಳಪಟ್ಟಿಲ್ಲ. ತ್ಯಾಜ್ಯ ವಿಲೇವಾರಿಗೆಂದೇ ಮೀಸಲಿರುವ ಸುಮಾರು 30 ಎಕರೆ ಪ್ರದೇಶ ಬಳಕೆಯಾಗುತ್ತಿಲ್ಲ. ವಸತಿ ಸಂಕೀರ್ಣಗಳ ನಿರ್ಮಾಣಕ್ಕೆ ನಿವೇಶನಗಳ ಹಂಚಿಕೆಯಾಗುತ್ತಿಲ್ಲ. ಹಾಳಾದ ರಸ್ತೆ, ಚರಂಡಿ, ಬೀದಿದೀಪ ವ್ಯವಸ್ಥೆ ಸುಧಾರಣೆ ಆಗಬೇಕು. ಅನಧಿಕೃತ ಕೈಗಾರಿಕೆಗಳ ಮೇಲೆ ಅಧಿಕಾರಿಗಳು ಕಾನೂನು ಕ್ರಮ ಜರುಗಿಸಬೇಕು. ವಿದ್ಯುತ್ ಉಪ ಕೇಂದ್ರಗಳ ಸ್ಥಾಪಿಸಿ ಅಡೆತಡೆ ಇಲ್ಲದೆ ವಿದ್ಯುತ್ ಪೂರೈಸಬೇಕು.