ಕಾರ್ವಿುಕರ ಮಕ್ಕಳಿಗೆ ತಲುಪದ ಶೈಕ್ಷಣಿಕ ಕಿಟ್

ಕರಿಯಪ್ಪ ಅರಳಿಕಟ್ಟಿ ರಾಣೆಬೆನ್ನೂರ

ಸರ್ಕಾರ ಕಾರ್ವಿುಕರ ಮಕ್ಕಳಿಗೆ ಅನೇಕ ಯೋಜನೆ, ಸೌಲಭ್ಯ ಕಲ್ಪಿಸಿದೆ. ಆದರೆ, ಅಧಿಕಾರಿಗಳ ನಿರ್ಲಕ್ಷ್ಯಂದ ಅವು ಕಾರ್ವಿುಕರ ಮಕ್ಕಳಿಗೆ ತಲುಪುತ್ತಿಲ್ಲ. ಕಾರ್ವಿುಕರ ಮಕ್ಕಳಿಗೆ ಶೈಕ್ಷಣಿಕ ಕಿಟ್ ವಿತರಣೆ ಎರಡ್ಮೂರು ತಿಂಗಳಿಂದ ಆಗದಿರುವುದು ಇದಕ್ಕೆ ಉದಾಹರಣೆಯಾಗಿದೆ.

ರಾಜ್ಯ ಸರ್ಕಾರ ಕಾರ್ವಿುಕ ಇಲಾಖೆಯಿಂದ ಎರಡ್ಮೂರು ತಿಂಗಳ ಹಿಂದೆಯೆ ಜಿಲ್ಲೆಯ ರಾಣೆಬೆನ್ನೂರ, ಹಿರೇಕೆರೂರ, ಬ್ಯಾಡಗಿ, ಹಾನಗಲ್ಲ, ಹಾವೇರಿ ಸೇರಿ 8 ತಾಲೂಕುಗಳಿಗೆ ತಲಾ ಒಂದು ತಾಲೂಕಿಗೆ 187ರಂತೆ ಒಟ್ಟು 1,500 ಕಿಟ್​ಗಳನ್ನು ಕಳುಹಿಸಿದೆ. ಅವುಗಳನ್ನು ಈಗಾಗಲೇ ಮಕ್ಕಳಿಗೆ ವಿತರಣೆ ಮಾಡಬೇಕಿತ್ತು. ಆದರೆ, ಅಧಿಕಾರಿಗಳ ನಿರ್ಲಕ್ಷ್ಯಂದ ಇಂದಿಗೂ ಕಿಟ್​ಗಳ ವಿತರಣೆ ಆಗಿಲ್ಲ.

ಜಿಲ್ಲೆಯ ಸರ್ಕಾರಿ ಶಾಲೆಯಲ್ಲಿ 6ರಿಂದ 8ನೇ ತರಗತಿ ಓದುತ್ತಿರುವ ಕಟ್ಟಡ ಕಾರ್ವಿುಕರ ಮಕ್ಕಳಿಗೆ ನೀಡಲು ಕಿಟ್​ಗಳು ಪೂರೈಕೆಯಾಗಿವೆ. ಶಾಲೆ ಜೂನ್​ನಲ್ಲಿ ಪ್ರಾರಂಭವಾಗಿದ್ದು, ಈಗಾಗಲೇ ಅರ್ಧದಷ್ಟು ಶೈಕ್ಷಣಿಕ ವರ್ಷ ಮುಗಿಯುತ್ತ ಬಂದಿದೆ. ಆದರೆ, ಅಧಿಕಾರಿಗಳು ಈವರೆಗೂ ಕಿಟ್​ಗಳನ್ನು ವಿತರಿಸದ ಕಾರಣ ಆಯಾ ತಾಲೂಕಿನ ಕಾರ್ವಿುಕ ನಿರೀಕ್ಷಕರ ಕಚೇರಿಯಲ್ಲಿ ಕೊಳೆಯುವಂತಾಗಿದೆ.

ನಕಲಿ ಕಾರ್ಡ್​ನಿಂದ ತಲೆಬಿಸಿ

ಸರ್ಕಾರದ ಆದೇಶದಂತೆ 8ನೇ ತರಗತಿ ಓದುತ್ತಿರುವ ಕಟ್ಟಡ ಕಾರ್ವಿುಕರ ಮಕ್ಕಳಿಗೆ ಶೈಕ್ಷಣಿಕ ಕಿಟ್ ವಿತರಿಸಬೇಕು. ಕಿಟ್​ಗಳು ಉಳಿದರೆ 6 ಮತ್ತು 7ನೇ ತರಗತಿ ವಿದ್ಯಾರ್ಥಿಗಳಿಗೆ ವಿತರಿಸಬೇಕು ಎಂದಿದೆ. ಆದರೆ, ಜಿಲ್ಲೆಯಲ್ಲಿ 2 ಲಕ್ಷಕ್ಕೂ ಅಧಿಕ ಕಾರ್ವಿುಕರ ಕಾರ್ಡ್​ಗಳಿವೆ. ಅದರಲ್ಲಿ ಕಾರ್ವಿುಕರಲ್ಲದವರೇ ಹೆಚ್ಚಿದ್ದಾರೆ. ಆದ್ದರಿಂದ ಸದ್ಯ 8ನೇ ತರಗತಿಯ ಅರ್ಹ ಮಕ್ಕಳಿಗೆ ವಿತರಿಸಲು ಕಿಟ್​ಗಳ ಕೊರತೆ ಎದುರಾಗಿದೆ. ಹೀಗಾಗಿ, ಯಾರಿಗೆ ಕಿಟ್ ವಿತರಣೆ ಮಾಡಬೇಕು ಎಂಬ ಗೊಂದಲ ಅಧಿಕಾರಿಗಳಿಗೆ ಎದುರಾಗಿದೆ.

ಕಿಟ್​ನಲ್ಲಿ ಏನೀರಲಿದೆ...?

ನೋಟ್​ಬುಕ್, ಡ್ರಾಯಿಂಗ್ ಬುಕ್, ಪೆನ್ನು, ಪೆನ್ಸಿಲ್ ಬಾಕ್ಸ್, ಸ್ವೆಟರ್, ಸ್ಕೂಲ್ ಬ್ಯಾಗ್, ಊಟದ ಬಾಕ್ಸ್, ನೀರಿನ ಬಾಟಲಿ ಸೇರಿ ಇತರ ಒಟ್ಟು 35 ಬಗೆಯ ಸಾಮಗ್ರಿಗಳು ಸೇರಿ ಅಂದಾಜು 7,500 ರೂ. ಮೌಲ್ಯದ ವಸ್ತುಗಳು ಶೈಕ್ಷಣಿಕ ಕಿಟ್​ನಲ್ಲಿವೆ. ಇದರಿಂದ ಮಕ್ಕಳಿಗೆ ಒಂದು ವರ್ಷಕ್ಕೆ ಬೇಕಾಗುವ ಎಲ್ಲ ಶೈಕ್ಷಣಿಕ ಸಾಮಗ್ರಿಗಳು ದೊರೆಯಲಿವೆ.