ಅಂಕೋಲಾ: ಕಾರವಾರದಲ್ಲಿ ಇತ್ತೀಚೆಗೆ ನಡೆದ ಎನ್ಸಿಸಿ ವಾರ್ಷಿಕ ತರಬೇತಿ ಶಿಬಿರದಲ್ಲಿ ಜಿ.ಸಿ. ಕಾಲೇಜ್ನ 20 ಕೆಡೆಟ್ಗಳು ವಿಶೇಷ ಸಾಧನೆ ಮಾಡಿದ್ದಾರೆ.
ಉ.ಕ.ಜಿಲ್ಲೆಯ 18 ಕಾಲೇಜುಗಳು ಸೇರಿ 500 ಕೆಡೆಟ್ಗಳು ಶಿಬಿರದಲ್ಲಿ ಪಾಲ್ಗೊಂಡಿದ್ದರು.
ವಿವಿಧ ಕ್ರೀಡೆಗಳು, ಸೇನಾ ಕವಾಯತು, ಶಸ್ತ್ರಾಸ್ತ್ರ ತರಬೇತಿ, ಫೈರಿಂಗ್, ಮ್ಯಾಪ್ ರೀಡಿಂಗ್ ಹಾಗೂ ಸಾಂಸ್ಕೃತಿಕ ಸ್ಪರ್ಧೆಗಳಲ್ಲಿ ಜಿ.ಸಿ. ಕಾಲೇಜಿನ 20 ಕೆಡೆಟ್ಗಳು ಭಾಗವಹಿಸಿದ್ದರು. ಅವರಲ್ಲಿ ಸಾರ್ಜಂಟ್ ಜಾಹ್ನವಿ ಮೋರೆಚರ್ಚಾ ಸ್ಪರ್ಧೆಯಲ್ಲಿ (ಪ್ರಥಮ), ಸಿಪಿಎಲ್ ನಾಗಶ್ರೀ ನಾಯ್ಕ ಕ್ವೀಜ್ನಲ್ಲಿ (ದ್ವಿತೀಯ), ಸಮನ್ವಿತಾ ಎನ್., ಮೇಘಾ ಎನ್., ಸೌಂದರ್ಯ ಆರ್., ತುಕಾರಾಮ ಕೆ., ಲಕ್ಷ್ಮಣ ಕೆ, ಸಾಹು ಪಟಕಾರೆ ಮುಂತಾದ ಕೆಡೆಟ್ಗಳು ಸಾಹಸ ಕ್ರೀಡೆಯಲ್ಲಿ ಸಾಧನೆ ಮಾಡಿದ್ದಾರೆ. ಜೂನಿಯರ ಅಂಡರ ಆಫೀಸರ್ ಸೌಂದರ್ಯ ಆರ್., ಅವರು ತಮಿಳುನಾಡಿನ ನೀಲಗಿರಿ ಪರ್ವತ ಶ್ರೇಣಿಯಲ್ಲಿ ಏರ್ಪಡಿಸಿದ್ದ ರಾಷ್ಟ್ರಮಟ್ಟದ ಟ್ರೆಕಿಂಗ್ ಕ್ಯಾಂಪ್ಗೆ ಆಯ್ಕೆಯಾಗಿ ಭಾಗವಹಿಸಿರುವುದು ಗಮನಾರ್ಹವಾಗಿದೆ. ವಿದ್ಯಾರ್ಥಿಗಳ ಸಾಧನೆಗೆ ಪ್ರಾಚಾರ್ಯ ಡಾ.ಎಸ್.ವಿ. ವಸ್ತ್ರದ, ಎನ್.ಸಿ.ಸಿ.ಅಧಿಕಾರಿ ಹರಿಪ್ರಸಾದ ದೇಸಾಯಿ ಮತ್ತು ಆಡಳಿತ ಮಂಡಳಿಯ ಮೆಚ್ಚುಗೆ ವ್ಯಕ್ತಪಡಿಸಿದೆ.