ಹಾವೇರಿ: ಜೀವನದಲ್ಲಿ ಜುಗುಪ್ಸೆಗೊಂಡು ಯುವಕನೊರ್ವ ಬೆಂಕಿಹಚ್ಚಿಕೊಂಡು ಸಾವನ್ನಪ್ಪಿದ ಘಟನೆ ಹಾವೇರಿ ಜಿಲ್ಲೆಯಲ್ಲಿ ನಡೆದಿದೆ. ಹಾವೇರಿ ಜಿಲ್ಲೆ ರಾಣೇಬೆನ್ನೂರ ತಾಲ್ಲೂಕಿನ ಯರೇಕುಪ್ಪಿ ಗ್ರಾಮದಲ್ಲಿ ಬೆಳಗಿನ ಜಾವ ಈ ಆತ್ಮಹತ್ಯೆ ಆಗಿದೆ. ದೇವರಾಜ ಜಗದೇವಪ್ಪ ಹಾದಿಮನಿ (29) ಮೃತ ದುರ್ದೈವಿಯಾಗಿದ್ದಾನೆ.
ಮೃತನು ಸುಮಾರು 3-4 ವರ್ಷಗಳಿಂದ ಯಾವುದೋ ವಿಷಯದಲ್ಲಿ ಮಾನಸಿಕ ಮಾಡಿಕೊಂಡು ಸದಾ ಒಂಟಿಯಾಗಿರುತ್ತಿದ್ದನಂತೆ. ಹೀಗಾಗಿ ಇಂದು ಬೆಳಗಿನ 7:30 ರ ಸುಮಾರಿಗೆ ಯುವಕ ತನ್ನ ವಾಸವಿದ್ದ ಮನೆಯಲ್ಲಿ ಪೆಟ್ರೋಲ್ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದರಿಂದ ಸ್ಥಳದಲ್ಲಿ ಸಾವನ್ನಪ್ಪಿದ್ದಾನೆಂದು ಮೃತನ ತಂದೆ ದೂರು ನೀಡಿದ್ದಾರೆ.
ಈ ಸಂಬಂಧ ಹಲಗೇರಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.