ವಿದ್ಯುತ್​ ಸ್ಪರ್ಶಿಸಿ ಚಿರತೆ ಸಿಲುಕಿ ಸಾವು

* ಪೊಲೀಸರಿಗೆ ಶರಣಾದ ರೈತ

ಮಾಗಡಿ: ಬೆಳೆ ರಕ್ಷಣೆಗೆಂದು ಅಳವಡಿಸಿದ್ದ ತಂತಿಯಿಂದ ವಿದ್ಯುತ್​ ಸ್ಪರ್ಶಿಸಿ ಚಿರತೆ ಸಿಲುಕಿ ಮೃತಪಟ್ಟಿದ್ದು, ಘಟನೆಯಿಂದ ಭಯಗೊಂಡ ರೈತ ಜಮೀನಿನಲ್ಲೆ ಕಲೇಬರ ಹೂತುಹಾಕಿ ಪೊಲೀಸರಿಗೆ ಶರಣಾಗಿದ್ದಾನೆ.

ತಾಲೂಕಿನ ಮರಲಗೊಂಡಲ ಗ್ರಾಮದ ನಿವಾಸಿ ಉಮೇಶ್​ (46) ಜಮೀನಿನಲ್ಲಿ ಗೆಣಸುಬೆಳೆದಿದ್ದು, ಕಾಡು ಹಂದಿಗಳು ಬೆಳೆ ನಾಶ ಮಾಡುತ್ತಿದ್ದ ಹಿನ್ನೆಲೆಯಲ್ಲಿ ಬೆಳೆ ಸುತ್ತ ಅಳವಡಿಸಿದ ವಿದ್ಯುತ್​ ತಂತಿಗೆ ಶನಿವಾರ ರಾತ್ರಿ 4 ವರ್ಷದ ಚಿರತೆ ಮೃತಪಟ್ಟಿದೆ. ಇದರಿಂದ ಭಯಗೊಂಡ ರೈತ, ಮೃತ ಚಿರತೆಯನ್ನು ಜಮೀನಿನಲ್ಲಿ ಗುಂಡಿ ತೋಡಿ ಮುಚ್ಚಿ ಭಾನುವಾರ ಪೊಲೀಸ್​ ಠಾಣೆಗೆ ಶರಣಾಗಿದ್ದಾನೆ.

ಪೊಲೀಸರು ಅರಣ್ಯಾಧಿಕಾರಿಗಳಿಗೆ ವಿಷಯ ಮುಟ್ಟಿಸಿ ಉಮೇಶನನ್ನು ಒಪ್ಪಿಸಿದ್ದಾರೆ. ಆರ್​ಎಫ್​ ಚೈತ್ರಾ, ಡಿಆರ್​ಎಫ್​ ಶೋಭಾ ಸ್ಥಳ ಪರಿಶೀಲಿಸಿ, ಚಿರತೆ ಕಳೇಬರ ಹೊರತೆಗೆದು ಮರಣೊತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.