ಮಂಗಳೂರು: ಬುರ್ಕಾ ಬಟನ್ನಲ್ಲೂ ಅಕ್ರಮವಾಗಿ ಚಿನ್ನ ಸಾಗಾಟ ಮಾಡುವ ವಂಚಕರ ಜಾಲ ಪತ್ತೆಯಾಗಿದೆ.
ದುಬೈಯಿಂದ ಮಂಗಳೂರಿಗೆ ಬುರ್ಕಾದ ಬಟನ್ನಲ್ಲಿ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದ 5.34 ಲಕ್ಷ ರೂ. ಮೌಲ್ಯದ ಚಿನ್ನವನ್ನು ಕಸ್ಟಮ್ಸ್ ಅಧಿಕಾರಿಗಳ ತಂಡ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಪತ್ತೆ ಮಾಡಿದೆ.
24 ಕ್ಯಾರೆಟ್ ಪರಿಶುದ್ಧತೆಯ 100 ಗ್ರಾಂ ಚಿನ್ನವನ್ನು ಸಣ್ಣ ರಿಂಗ್ ಆಕಾರದಲ್ಲಿ ಅಳವಡಿಸಿ ಸಾಗಾಟ ಮಾಡಲಾಗುತ್ತಿತ್ತು ಎಂದು ಕಸ್ಟಮ್ಸ್ ಅಧಿಕಾರಿಗಳು ತಿಳಿಸಿದ್ದಾರೆ.