ರಬಕವಿ ಬನಹಟ್ಟಿಯಲ್ಲಿ ಸಂಭ್ರಮದ ಈದ್ ಮಿಲಾದ್
ರಬಕವಿ/ಬನಹಟ್ಟಿ : ಅವಳಿ ನಗರದಲ್ಲಿ ಭಾನುವಾರ ಮುಸ್ಲಿಮರು ಸಂಭ್ರಮದಿಂದ ಈದ್ ಮಿಲಾದ್ ಹಬ್ಬ ಆಚರಿಸಿದರು.
ಬೆಳಗ್ಗೆ ಬನಹಟ್ಟಿಯ ಸರ್ಕಾರಿ ಪಪೂ ಕಾಲೇಜು ಎದುರಿಗಿನ ಜಾಮಿಯಾ ಮಸೀದಿಯಿಂದ ಆರಂಭಗೊಂಡ ಮೆರವಣಿಗೆ ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿತು.
ಜಾಮಿಯಾ ಮಸೀದಿ ಮುಸ್ಲಿಂ ಜಮಾತ್ ಅಧ್ಯಕ್ಷ ಡಾ.ಅಕ್ಬರ್ ತಾಂಬೋಳಿ ಮಾತನಾಡಿ, ಕೋವಿಡ್ನಿಂದಾಗಿ ಎರಡು ವರ್ಷ ಹಬ್ಬ ಆಚರಿಸಿರಲಿಲ್ಲ. ಈ ಬಾರಿ ಸಂಭ್ರಮದಿಂದ ಹಬ್ಬ ಆಚರಿಸುತ್ತಿರುವುದು ವಿಶೇಷವಾಗಿದೆ. ಪ್ರತಿಯೊಬ್ಬರೂ ಪ್ರವಾದಿ ಮುಹಮ್ಮದ್ರ ತತ್ವಾದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು ಎಂದರು.
ಮಸೀದಿಗಳಲ್ಲಿ ಸಾಮೂಹಿಕ ಪ್ರಾರ್ಥನೆ, ಕುರಾಣ ಪಠಣ, ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.
ಅಂಜುಮನ್ ಎ ಇಸ್ಲಾಂ ಸಮಿತಿ ಅಧ್ಯಕ್ಷ ಬುಡನ್ ಜಮಾದಾರ್, ಮಲ್ಲಿಕ್ ಬಾರಿಗಡ್ಡಿ, ಮೆಹಬೂಬ್ ತಾಂಬೋಳಿ, ಫಿರೋಜ್ ಜಕಾತಿ, ಅಜೀಜ್ ಶೇಖ, ಸಲೀಂ ಜಕಾತಿ, ಚುಸ್ತಿನಿಯಾ ಮೊಮಿನ್, ಖಾಜಾ ಜಕಾತಿ, ಮೆಹಬೂಬ್ ಫಿರಜಾದೆ, ಹಸನ್ ಮೊಮಿನ್, ಸಿರಾಜ ಮಳಲಿ, ಅಬೂಬಕರ್ ಗಾಡಬೋಲೆ ಮತ್ತಿತರರಿದ್ದರು.