ಚಿತ್ರದುರ್ಗ: ಕೆಇಬಿ ಸಿಬ್ಬಂದಿಯ ಬೇಜವಾಬ್ದಾರಿತನಕ್ಕೆ ಅಮಾಯಕ ಬಾಲಕನೊಬ್ಬ ಬಲಿಯಾಗಿದ್ದಾನೆ. ಒಂಬತ್ತು ವರ್ಷದ ಬಾಲಕನೊಬ್ಬ ವಿದ್ಯುತ್ ಶಾಕ್ಗೆ ಒಳಗಾಗಿ ಪ್ರಾಣ ಕಳೆದುಕೊಂಡಿದ್ದಾನೆ. ಚಿತ್ರದುರ್ಗ ಜಿಲ್ಲೆಯಲ್ಲಿ ಇಂಥದ್ದೊಂದು ಅವಘಡ ಸಂಭವಿಸಿದೆ.
ಚಿತ್ರದುರ್ಗದ ಸಾದಿಕ್ ಬಡಾವಣೆ ವಾಸಿ ಮಣಿಕಂಠ (9) ಸಾವಿಗೀಡಾದ ಬಾಲಕ. ವಿದ್ಯುತ್ ಕಂಬದಿಂದ ನೇತಾಡುತ್ತಿದ್ದ ತಂತಿಯೊಂದರ ಸ್ಪರ್ಶದಿಂದಾಗಿ ಈ ಅವಘಡ ಉಂಟಾಗಿದೆ. ಇದನ್ನು ಅಅವೈಜ್ಞಾನಿಕವಾಗಿ ಅಳವಡಿಸಲಾಗಿತ್ತು.
ಬೀದಿ ದೀಪ ಆನ್-ಆಫ್ ಮಾಡುವ ಸಲುವಾಗಿ ಈ ವಿದ್ಯುತ್ ತಂತಿಯನ್ನು ಕೆಇಬಿ ಸಿಬ್ಬಂದಿ ಇಳಿಬಿಟ್ಟಿದ್ದರು. ಬಾಲಕನ ಸಾವಿಗೆ ಸಿಬ್ಬಂದಿಯ ನಿರ್ಲಕ್ಷ್ಯವೇ ಕಾರಣ ಎಂದು ಬಾಲಕನ ಪಾಲಕರು ಆಕ್ರೋಶ ವ್ಯಕ್ತಪಡಿಸಿದ್ದು, ಸಂಬಂಧಿಕರು ಮತ್ತು ಸ್ಥಳೀಯರು ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿ ಸೂಕ್ತಕ್ರಮಕ್ಕೆ ಆಗ್ರಹಿಸಿದರು.