ತುಮಕೂರು: ಫೇಸ್ಬುಕ್ನಲ್ಲಿ ಬಂದ ಜ್ಯೋತಿಷಿಯೊಬ್ಬರ ಜಾಹೀರಾತು ನಂಬಿ ಕೌಟುಂಬಿಕ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಹೋದ ಉದ್ಯಮಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ನಗರದ ಕೆಇಬಿ ಲೇಔಟ್ ಸಪ್ತಗಿರಿ ಬಡಾವಣೆ ನಿವಾಸಿ, ಉದ್ಯಮಿ ವಿಜಯ್ಬಾಬು ಎಂಬುವರ ಮನೆಯ ಕೌಟುಂಬಿಕ ಸಮಸ್ಯೆ ಪರಿಹಾರಕ್ಕೆ ಫೇಸ್ಬುಕ್ ಜಾಹೀರಾತು ನೋಡಿ ಜ್ಯೋತಿಷಿಯ ಮೊರೆಹೋಗಿದ್ದರು. ಶಂಕರಶರ್ಮ ಮತ್ತು ಮಾದವರಾವ್ ಎಂಬುವವರು ಸಮಸ್ಯೆಗೆ ಪರಿಹಾರ ಸೂಚಿಸುವುದಾಗಿ ನಂಬಿಸಿ ಪೂಜೆ, ಹೋಮ, ಹಾಗೂ ವಿವಿಧ ಪೂಜಾ ಕೈಂಕರ್ಯಗಳ ನೆಪದಲ್ಲಿ ಹಂತಹಂತವಾಗಿ ಉದ್ಯಮಿ ಬಳಿ ವಿವಿಧ ಬ್ಯಾಂಕ್ ಖಾತೆಗಳಿಂದ 46 ಲಕ್ಷ ರೂ. ಪಡೆದಿದ್ದಾರೆ.
ಹಣ ಪಡೆದು ಯಾವುದೇ ಪೂಜೆ ಮಾಡದೆ ಮೊಬೈಲ್ ಸ್ವಿಚ್ಡ್ ಆಫ್ ಮಾಡಿಕೊಂಡು ಕಾಣೆಯಾಗಿದ್ದರಿಂದ ವಿಜಯ್ಬಾಬು ಅವರು ಸಿಇಎನ್ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.