ಆನೇಕಲ್: ಡಿ.27ರ ರಾತ್ರಿ ಹೆದ್ದಾರಿಯಲ್ಲೇ ಬೆಳ್ಳಂದೂರಿನ ಅರ್ಚನಾ ರೆಡ್ಡಿಯನ್ನು ಬರ್ಬರವಾಗಿ ಕೊಂದ ಆರೋಪಿ ನವೀನ್ನ ಹಿನ್ನೆಲೆ ಕೇಳಿದ್ರೆ ಶಾಕ್ ಆಗ್ತೀರಿ.
ಗಂಡನಿಂದ ವಿಚ್ಛೇದನ ಪಡೆದಿರುವ ಅರ್ಚನಾಗೆ ಕೆಲ ವರ್ಷಗಳ ಹಿಂದೆ ಜಿಮ್ ಟ್ರೈನರ್ ನವೀನ್ನ ಪರಿಚಯ ಸಂಬಂಧಕ್ಕೆ ತಿರುಗಿತ್ತು. ಜಿಮ್ ಟ್ರೈನರ್ ಆಗಿದ್ದ ನವೀನ್ ಇದ್ದಕ್ಕಿದ್ದಂತೆ ಕೋಟ್ಯಧೀಶನಾದ. ಅರ್ಚನಾಳ ಹಿಂದೆ ಬಿದ್ದು ಆಕೆಯ ಹಣದಿಂದ ರಾಯಲ್ ಲೈಫ್ ನಡೆಸುತ್ತಿದ್ದ. ಕಳೆದ ವರ್ಷ ಜನವರಿಯಲ್ಲಿ ತನ್ನ ಬರ್ತ್ ಡೇ ಅನ್ನು ಜಿಗಣಿಯ ಪ್ರಮುಖ ಬಡಾವಣೆಯೊಂದರಲ್ಲಿ ಗ್ರ್ಯಾಂಡ್ ಆಗಿ ಆಚರಿಸಿಕೊಂಡಿದ್ದ. ಆ ವೇಳೆ ಅರ್ಚನಾ ರೆಡ್ಡಿ ಕೂಡ ನವೀನ್ ಜತೆ ಇದ್ದಳು. ತದನಂತರ ಅರ್ಚನಾ ದೂರವಾಗ್ತಿದ್ದಂತೆ ಆಕೆಯ ಮಗಳು ಯುವಿಕಾ ರೆಡ್ಡಿಯ ಜತೆ ಸಲುಗೆ ಬೆಳೆಸಿಕೊಂಡಿದ್ದ. ಅಷ್ಟೇ ಅಲ್ಲ, ಇತ್ತೀಚಿಗೆ ನವೀನ್ ಪುಡಿರೌಡಿಗಳ ಸಂಪರ್ಕವನ್ನೂ ಬೆಳೆಸಿದ್ದ.
ಅರ್ಚನಾ ದುಡ್ಡಿನಿಂದ ಐಷಾರಾಮಿ ಜೀವನ ನಡೆಸುತ್ತಿದ್ದ ನವೀನ್, ಕೆಲ ಪುಡಿರೌಡಿಗಳನ್ನು ಮೇಂಟೇನ್ ಮಾಡುತ್ತಿದ್ದ. ಅರ್ಚನಾಳ ಹಣಕಾಸು ವ್ಯವಹಾರದಲ್ಲೂ ಮೂಗು ತೂರಿಸುತ್ತಿದ್ದನಂತೆ. ರೌಡಿಯೊಬ್ಬನ ಜತೆ ಅರ್ಚನಾ ರೆಡ್ಡಿ ಆಪ್ತತೆ ಬೆಳೆಸಿಕೊಂಡದ್ದು ನವೀನ್ಗೆ ಸಹಿಸಲಾಗಿರಲಿಲ್ಲ. ಅರ್ಚನಾ ರೆಡ್ಡಿ ಹೆಸರಲ್ಲಿದ್ದ ಕೋಟ್ಯಂತರ ಮೌಲ್ಯದ ಆಸ್ತಿ ನವೀನ್ನ ಕಣ್ಣನ್ನು ಕುಕ್ಕುವಂತೆ ಮಾಡುತ್ತಿತ್ತು. ದಿನಕಳೆದಂತೆ ನವೀನ್ನನ್ನು ಅರ್ಚನಾ ಮನೆ ಕೆಲಸದವನಂತೆ ಬಳಸಿಕೊಳ್ಳುತ್ತಾ, ಆತನಿಂದ ದೂರವಾಗಲು ಯತ್ನಿಸುತ್ತಿದ್ದಳು. ಇದನ್ನು ಅರಿತು ಆಕೆಯ ಮಗಳ ಮೇಲೆ ನವೀನ್ ಕಣ್ಣು ಹಾಕಿದ್ದ. ಯುವಿಕಾಳ ಜತೆಗೆ ಅತಿ ಸಲುಗೆಯಿಂದ ಇದ್ದ. ಬೆಂಗಳೂರು ಸುತ್ತಮುತ್ತಾ ಯಾವುದೇ ಜಿಮ್ಗಳಿಗೆ ಹೋದರೂ ಅಲ್ಲಿಗೆಲ್ಲಾ ಅರ್ಚನಾಳ ಮಗಳು ಯುವಿಕಾ ರೆಡ್ಡಿಯನ್ನು ನವೀನ್ ಕರೆದೊಯ್ಯುತ್ತಿದ್ದ. ಅತಿಯಾದ ಸಲುಗೆ ಪರಿಣಾಮ ಇಬ್ಬರೂ ಜಿಗಣಿಯ ಮಧುಮಿತ್ರ ಲೇಔಟ್ನಲ್ಲಿ ವಾಸವಿದ್ದರು. ಈ ವಿಚಾರ ಅರ್ಚನಾ ರೆಡ್ಡಿಗೆ ಗೊತ್ತಾಗಿ ಗಲಾಟೆ ಮಾಡಿದ್ದಳು.
ಕೊನೆಗೆ ಆಕೆಯನ್ನ ಮುಗಿಸಲು ಸಹಚರರಾದ ಅನುಪ್ ಮತ್ತು ಸಂತೋಷ್ ಜತೆ ಸಂಚು ರೂಪಿಸಿದ್ದ ನವೀನ್, ಡಿ.27ರ ರಾತ್ರಿ ಹೊಸೂರು ರಸ್ತೆ ಹೊಸರಸ್ತೆ ಜಂಕ್ಷನ್ ಬಳಿ ನಡುರಸ್ತೆಯಲ್ಲೇ ಅರ್ಚನಾ ರೆಡ್ಡಿಯನ್ನು ಕೊಲೆ ಮಾಡಿದ್ದ. ಇಷ್ಟೆಲ್ಲಾ ಬೆಳವಣಿಗೆ ಬಳಿಕವೂ ಯುವಿಕಾ ರೆಡ್ಡಿ ಕೊಲೆ ಆರೋಪಿ ಮನೆಯಲ್ಲೇ ಇದ್ದಳಂತೆ!
ಇನ್ನು ಅರ್ಚನಾಳ ಕೊಲೆಯಲ್ಲಿ ಭಾಗಿಯಾದ ಅನುಪ್ ಮತ್ತು ಸಂತೋಷ್ರ ಹಿನ್ನೆಲೆಯೂ ಕೆಟ್ಟದ್ದಾಗೆ ಇದೆ. ಉತ್ತರಪ್ರದೇಶ ಮೂಲದಿಂದ ಬೆಂಗಳೂರಿಗೆ ಬಂದಿದ್ದ ಅನೂಪ್ ಮೊದಲು ಬೀಡಾ ಅಂಗಡಿ ನಡೆಸುತ್ತಿದ್ದ. ಫೀಲ್ಡ್ನಲ್ಲಿ ಹೆಸರು ಮಾಡಬೇಕೆಂದು ರೌಡಿಸಂಗೆ ಇಳಿಸಿದ್ದ. ಆಗ ಪರಿಚಯವಾದವನೇ ಈ ನವೀನ್. ಈತನ ಜತೆ ಸೇರಿ ಅನುಪ್ ಐಷಾರಾಮಿ ಜೀವನ ನಡೆಸುತ್ತಿದ್ದ.
ಇನ್ನೊಬ್ಬ ಆರೋಪಿ ಸಂತೋಷ್, ಬೊಮ್ಮನಹಳ್ಳಿಯ ಮಂಗಮ್ಮನಪಾಳ್ಯದ ನಿವಾಸಿ. ಯಾವುದೋ ಸಂಘಟನೆ ಹೆಸರಲ್ಲಿ ಓಡಾಡಿಕೊಂಡಿದ್ದ ಈತ, ಬಿಂದಾಸ್ ಲೈಫ್ ಲೀಡ್ ಮಾಡುವ ಆಸೆಯಲ್ಲಿ ನವೀನ್ನ ಸಹವಾಸ ಮಾಡಿದ್ದ. ಪ್ರತಿದಿನ ನವೀನ್ ಜತೆ ಓಡಾಡಿಕೊಂಡಿದ್ದ. ಅರ್ಚನಾ ರೆಡ್ಡಿಯ ಬೆಂಗಾವಲಿನಂತೆ ಕೆಲಸ ಮಾಡಿಕೊಂಡಿದ್ದ. ಕೊನೆಗೆ ನವೀನ್ ಜತೆ ಸೇರಿ ಕೊಲೆಗೆ ಸಾಥ್ ಕೊಟ್ಟಿದ್ದ.
ನವೀನ್ 3ನೇ ಸಂಬಂಧ: ಮೊದಲು ಅರವಿಂದ್ ಎಂಬಾತನನ್ನು ಪ್ರೀತಿಸಿ ಅರ್ಚನಾ ರೆಡ್ಡಿ ಮದುವೆ ಆಗಿದ್ದಳು. ಈ ದಂಪತಿಗೆ ಒಂದು ಗಂಡು ಮತ್ತು ಹೆಣ್ಣು ಮಗು ಜನಿಸಿತ್ತು. ಕೆಲ ವರ್ಷದ ಬಳಿಕ ವಿಚ್ಛೇದನ ಪಡೆದ ಅರ್ಚನಾಗೆ ಗಂಡನಿಂದ ಸುಮಾರು 15 ಕೋಟಿ ರೂ. ಪರಿಹಾರ ಸಿಕ್ಕಿತ್ತಂತೆ. ನಂತರ ರಿಯಲ್ ಎಸ್ಟೇಟ್ ಬಿಜಿನೆಸ್ ಮಾಡಿಕೊಂಡು ಬೆಂಗಳೂರಿನ ಕೆಲ ರೌಡಿಗಳ ಸಂಪರ್ಕ ಹೊಂದಿದ್ದಳಂತೆ. ಸಿದ್ದಿಕ್ನ ಜತೆ ಮೂರು ವರ್ಷ ಸಹಬಾಳ್ವೆ ಮಾಡಿದ ಅರ್ಚನಾ, ಆತನಿಂದಲೂ ದೂರವಾಗಿ ನವೀನ್ ಜತೆ ಸ್ನೇಹ ಬೆಳೆಸಿ ಲಿವೀಂಗ್ ಟುಗೇದರ್ನಲ್ಲಿದ್ದಳು.