ಬೆಂಗಳೂರು: ಎಲ್ಲೆಂದರಲ್ಲಿ ಕಸ ಎಸೆಯುವವರಿಗೆ 5 ಸಾವಿರ ರೂ. ದಂಡ ವಿಧಿಸಲು ಬಿಬಿಎಂಪಿ ಅಧಿಕಾರಿಗಳು ಚಿಂತನೆ ನಡೆಸಿದ್ದು, ಇದನ್ನು ಆದೇಶ ರೂಪದಲ್ಲಿ ಜಾರಿಗೊಳಿಸುವ ಪ್ರಸ್ತಾವವನ್ನು ಕೌನ್ಸಿಲ್ ಮುಂದಿಟ್ಟಿದ್ದಾರೆ.
ಈವರೆಗೆ ಕಸ ಎಸೆಯುವವರಿಗೆ 200 ರೂ.ನಿಂದ 1 ಸಾವಿರ ರೂ.ವರೆಗೆ ದಂಡ ವಿಧಿಸಲಾಗುತ್ತಿತ್ತು. ಪರಿಷ್ಕೃತ ಮೊತ್ತದಂತೆ ಮೊದಲ ಬಾರಿಗೆ 1 ಸಾವಿರ ರೂ., ಪುನರಾವರ್ತನೆಯಾದರೆ 5 ಸಾವಿರ ರೂ. ದಂಡ ವಿಧಿಸಲಾಗುವುದು. ಉದ್ಯಮಗಳ ಕಸ ಮತ್ತು ಕಟ್ಟಡ ತ್ಯಾಜ್ಯಕ್ಕೆ 5 ಸಾವಿರ ರೂ.ನಿಂದ 25 ಸಾವಿರ ರೂ. ವಿಧಿಸಲಾಗುತ್ತಿದ್ದು, 10 ಸಾವಿರ ರೂ. ನಿಂದ 50 ಸಾವಿರ ರೂ.ಗೆ ಹೆಚ್ಚಳ ಮಾಡಲು ಚಿಂತಿಸಲಾಗಿದೆ. ದಂಡ ಆದೇಶ ಜಾರಿಜಛಿ ಪಾಲಿಕೆ ಕೌನ್ಸಿಲ್ ಒಪ್ಪಿಗೆ ಅಗತ್ಯವಿದ್ದು, 29ರ ಸಭೆಯಲ್ಲಿ ಚರ್ಚೆಸುವಂತೆ ಸಲಹೆ ನೀಡಿದ್ದಾರೆ.
ಮಾರ್ಷಲ್ಗಳ ಕೈಗೆ ಯಂತ್ರ: ಪಾಲಿಕೆಯ 8 ವಲಯದ ಆರೋಗ್ಯಾಧಿಕಾರಿಗಳಿಗೆ 200 ದಂಡ ವಿಧಿಸುವ ಯಂತ್ರಗಳನ್ನು ನಿಡಲಾಗಿದೆ. ಪರವಾನಗಿರಹಿತ ವ್ಯಾಪಾರ, ಪ್ಲಾಸ್ಟಿಕ್ ಬಳಕೆ, ಕಸ ಎಸೆಯುವ ಮತ್ತು ವಿಂಗಡಿಸದ ಉದ್ಯಮ ಸಂಸ್ಥೆಗಳಿಗೆ ಅವರು ದಂಡ ವಿಧಿಸುತ್ತಿದ್ದರು. ಈಗ ಎಚ್ಡಿಎಫ್ಸಿ ಬ್ಯಾಂಕ್ 200 ಎಲೆಕ್ಟ್ರಾನಿಕ್ ಯಂತ್ರ ನೀಡಿದ್ದು, ಅವುಗಳನ್ನು ಮಾರ್ಷಲ್ಗಳಿಗೆ ನೀಡಲಾಗುವುದು. ತಪ್ಪೆಸಗುವವರಿಗೆ ಮಾರ್ಷಲ್ಗಳು ದಂಡ ವಿಧಿಸಿ ಸ್ಥಳದಲ್ಲೇ ರಸೀದಿ ನೀಡಲಿದ್ದಾರೆ.