| ರುದ್ರಣ್ಣ ಹರ್ತಿಕೋಟೆ ಬೆಂಗಳೂರು
ರಾಜ್ಯವನ್ನು ಕಳೆದ ಮೂರು ತಿಂಗಳಿನಿಂದ ಕಾಡಿದ ಅತಿವೃಷ್ಠಿಯಿಂದ 24,941 ಕೋಟಿ ರೂ.ಗಳಷ್ಟು ಹಾನಿಯಾಗಿದ್ದು, ಪರಿಹಾರಕ್ಕಾಗಿ ಕೇಂದ್ರದ ಕಡೆ ಎದುರು ನೋಡುತ್ತಿದೆ. ಆಗಸ್ಟ್ ನಿಂದ ಅಕ್ಟೋಬರ್ ಅಂತ್ಯದ ತನಕ 3 ಹಂತದಲ್ಲಿ ಪ್ರವಾಹ ಬಂದು 24 ಜಿಲ್ಲೆಗಳಲ್ಲಿ ನಷ್ಟ ಉಂಟಾಗಿದ್ದು, ಪರಿಹಾರ ಕಾರ್ಯಗಳನ್ನು ಚುರುಕುಗೊಳಿಸಲು ಹಣಕಾಸಿನ ಅಗತ್ಯವಿದೆ.
ಮುಂಗಾರು ಮಳೆ ಆರಂಭವಾಗಿ ಕೆಲವೇ ದಿನಗಳ ನಂತರ ಅಂದರೆ ಆಗಸ್ಟ್ 1ರಿಂದ ಸೆಪ್ಟೆಂಬರ್ 15ರ ತನಕ ಮೊದಲ ಹಂತದಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾದರೆ, ಎರಡನೇ ಹಂತ ಪ್ರವಾಹ ಸೆ.16ರಿಂದ 30 ಆಗಿದೆ. ಮೂರನೇ
ಸಿಎಂ ಪತ್ರ
ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ರಾಜ್ಯ ಸರ್ಕಾರದ ಮನವಿಗೂ ಮೊದಲೇ ಕೇಂದ್ರಕ್ಕೆ ಪತ್ರ ಬರೆದು 10 ಸಾವಿರ ಕೋಟಿ ರೂ.ಗಳ ವಿಶೇಷ ನೆರವು ಕೋರಿದ್ದಾರೆ. ಕೇಂದ್ರ ಸರ್ಕಾರದಿಂದ ಇನ್ನೂ ಯಾವುದೇ ಉತ್ತರ ಬಂದಿಲ್ಲವೆಂದು ಸಿಎಂ ಸಚಿವಾಲಯದ ಮೂಲಗಳು ಖಚಿತಪಡಿಸಿವೆ. ರಾಜ್ಯದಲ್ಲೂ ಆರ್ಥಿಕ ಹಿಂಜರಿತ, ಕರೊನಾ ಕಾರಣದಿಂದ ತೆರಿಗೆ ಸಂಗ್ರಹಣೆ ಕುಂಠಿತ ಆಗಿರುವುದರಿಂದ ಪರಿಹಾರ ಕಾರ್ಯಗಳಿಗೆ ಹಣಕಾಸಿನ ಅಡಚಣೆ ಉಂಟಾಗಿವೆ.
ಕಳೆದ ವರ್ಷದ ಹಾನಿ
ಕಳೆದ ವರ್ಷ ಸಹ ರಾಜ್ಯದಲ್ಲಿ ಪ್ರವಾಹದಿಂದ ಸುಮಾರು 35 ಸಾವಿರ ಕೋಟಿ ರೂ.ಗಳಷ್ಟು ಹಾನಿಯಾಗಿತ್ತು. ಆ ಸಂದರ್ಭದಲ್ಲಿ ರಾಜ್ಯ ಸರ್ಕಾರ ಕೇಂದ್ರದಿಂದ 10 ಸಾವಿರ ಕೋಟಿ ರೂ.ಗೂ ಅಧಿಕ ನೆರವಿನ ನಿರೀಕ್ಷೆ ಮಾಡಿತ್ತು. ಎನ್ಡಿಆರ್ಎಫ್ ಅಡಿ 3500 ಕೋಟಿ ರೂ. ಬರಬಹುದೆಂದು ಅಂದಾಜು ಮಾಡಿತ್ತು. ಕೇಂದ್ರ ಸರ್ಕಾರ 1,869 ಕೋಟಿ ರೂ. ನೀಡಿತ್ತು. ಈ ಬಾರಿ ಎಷ್ಟು ನೀಡಲಿದೆ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ. ಕಳೆದ ವರ್ಷ ಹೆಚ್ಚಿನ ನೆರವು ಸಿಕ್ಕದ ಕಾರಣ ನೆರೆ ಪರಿಹಾರಕ್ಕೆ ಇಲಾಖೆಗಳ ಅನುದಾನವನ್ನೇ ವರ್ಗಾವಣೆ ಮಾಡಲಾಗಿತ್ತು. ಇದರಿಂದಾಗಿ ಅಭಿವೃದ್ಧಿ ಕಾರ್ಯಗಳು ಉಳಿದ ಜಿಲ್ಲೆಯಲ್ಲಿ ಕುಂಠಿತವಾಗಿದ್ದವು.
ಸರ್ಕಾರ ಮುಂಜಾಗ್ರತೆ ಕೈಗೊಂಡಿದ್ದರಿಂದ ಸಾಕಷ್ಟು ಹಾನಿ ತಪ್ಪಿದೆ. ಸೇನೆ, ಎನ್ಡಿಆರ್ಎಫ್ ತಂಡಗಳನ್ನು ಸಕಾಲಕ್ಕೆ ಬಳಸಿದ್ದೇವೆ. ಹಾನಿಯಾದ ಜಿಲ್ಲೆಗಳಿಗೆ ಪಕ್ಕದ ಜಿಲ್ಲೆಗಳಿಂದ ತಕ್ಷಣ ನೆರವು ನೀಡಲಾಗಿದೆ. | ಡಾ.ಮನೋಜ್ ರಾಜನ್ ಆಯುಕ್ತರು, ವಿಕೋಪ ನಿರ್ವಹಣಾ ಪ್ರಾಧಿಕಾರ