ಮುಂಬೈ: ನಾಲ್ಕು ದಿನಗಳ ನಿರಂತರ ಏರಿಕೆಯ ನಂತರ ಶುಕ್ರವಾರ ಬೆಳಗ್ಗೆ ವಹಿವಾಟು ಆರಂಭಿಸಿದ ಭಾರತೀಯ ಷೇರುಪೇಟೆಯ ಮೇಲೆ ಏಷ್ಯನ್ ಮಾರುಕಟ್ಟೆಯ ಇಳಿಮುಖ ವಹಿವಾಟಿನ ಪರಿಣಾಮವಾಗಿದ್ದು,ಸೆನ್ಸೆಕ್ಸ್, ನಿಫ್ಟಿ ಆರಂಭಿಕ ಕುಸಿತದೊಂದಿಗೆ ವಹಿವಾಟು ಶುರುಮಾಡಿಕೊಂಡಿವೆ.
ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್ ದಿನದ ವಹಿವಾಟು ಶುರುವಾದಾಗ 56.87 ಅಂಶ(0.14%) ಇಳಿಕೆಯೊಂದಿಗೆ 41,249.16ರಲ್ಲೂ, ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್(ಎನ್ಎಸ್ಇ) ಸೂಚ್ಯಂಕ ನಿಫ್ಟಿ 13.60 ಅಂಶ (0.11) ಇಳಿಕೆಯೊಂದಿಗೆ 12,137.95ರಲ್ಲಿ ವಹಿವಾಟು ಆರಂಭಿಸಿವೆ.
ಕರೆನ್ಸಿ ಮಾರುಕಟ್ಟೆಯಲ್ಲಿ ಕೂಡ ಅಮೆರಿಕದ ಡಾಲರ್ ಎದುರು ಭಾರತೀಯ ರೂಪಾಯಿ ಮೌಲ್ಯ ಬೆಳಗ್ಗಿನ ವಹಿವಾಟಿನಲ್ಲಿ 9 ಪೈಸೆ ಇಳಿಕೆಯಾಗಿದ್ದು 71.27ರ ದರದಲ್ಲಿ ವಹಿವಾಟು ನಡೆದಿತ್ತು.
ಗುರುವಾರ ಸಂಜೆ ಸೆನ್ಸೆಕ್ಸ್ 163.37 ಅಂಶ ಏರಿಕೆಯೊಂಧಿಗೆ 41,306.03ರಲ್ಲೂ, ನಿಫ್ಟಿ 48.80 ಅಂಶ ಏರಿಕೆಯೊಂದಿಗೆ 12,137.95ರಲ್ಲೂ ವಹಿವಾಟು ಮುಗಿಸಿದ್ದವು. (ಏಜೆನ್ಸೀಸ್)