ನವದೆಹಲಿ: ಇ-ಕೆವೈಸಿ ದೃಢೀಕರಿಸುವ ಸಂಸ್ಥೆಗಳ ಪಟ್ಟಿಗೆ ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್(ಎನ್ಎಸ್ಇ) ಮಂಗಳವಾರ ಸೇರ್ಪಡೆಯಾಗಿದೆ. ಮಾರುಕಟ್ಟೆ ನಿಯಂತ್ರಕ ಸಂಸ್ಥೆ ಸೆಬಿ ಸುತ್ತೋಲೆ ಮೂಲಕ ಇದನ್ನು ಪ್ರಕಟಿಸಿದೆ. ಇದಕ್ಕೂ ಮುನ್ನ ಮೇ ತಿಂಗಳಲ್ಲಿ ಸೆಬಿ, ಆಧಾರ್ ಮೂಲಕ ಇ-ಕೆವೈಸಿ ದೃಢೀಕರಣಕ್ಕೆ ಎಂಟು ಸಂಸ್ಥೆಗಳಿಗೆ ಅನುಮತಿ ನೀಡಿ ಅವುಗಳ ಪಟ್ಟಿಯನ್ನು ಪ್ರಕಟಿಸಿತ್ತು.
ಸೆಂಟ್ರಲ್ ಡೆಪೋಸಿಟರಿ ಸರ್ವೀಸಸ್ (ಇಂಡಿಯಾ) ಲಿಮಿಟೆಡ್ (ಸಿಡಿಎಸ್ಎಲ್), ನ್ಯಾಷನಲ್ ಸೆಕ್ಯುರಿಟೀಸ್ ಡೆಪಾಸಿಟರಿ ಲಿಮಿಟೆಡ್ (ಎನ್ಎಸ್ಡಿಎಲ್), ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಇ), ಸಿಡಿಎಸ್ಎಲ್ ವೆಂಚರ್ಸ್, ಎನ್ಎಸ್ಡಿಎಲ್ ಡೇಟಾಬೇಸ್ ಮ್ಯಾನೇಜ್ಮೆಂಟ್, ಎನ್ಎಸ್ಇ ಡೇಟಾ ಆ್ಯಂಡ್ ಅನಲಿಟಿಕ್ಸ್, ಸಿಎಎಂಎಸ್ ಇನ್ವೆಸ್ಟರ್ ಸರ್ವೀಸಸ್ ಆ್ಯಂಢ್ ಕಂಪ್ಯೂಟರ್ ಏಜ್ ಮ್ಯಾನೇಜ್ಮೆಂಟ್ ಸರ್ವೀಸಸ್ ಆ ಎಂಟು ಸಂಸ್ಥೆಗಳು.
ಇದನ್ನೂ ಓದಿ: ಚೀನಾ ಗಡಿಯಲ್ಲಿ ಪರಿಸ್ಥಿತಿ ಬಿಗಡಾಯಿಸಿದೆ; ಸರ್ಕಾರದ ಮಟ್ಟದಲ್ಲಿಯೇ ನಡೆಯಬೇಕಿದೆ ಚರ್ಚೆ; ಜೈಶಂಕರ್ ಕಳವಳ
ಈ ಸೇವೆಯನ್ನು ಒದಗಿಸುವುದಕ್ಕೆ ಈ ಸಂಸ್ಥೆಗಳು ಯುಐಡಿಎಐ ಜತೆಗೆ ಕೆವೈಸಿ ಯೂಸರ್ ಏಜೆನ್ಸಿ (ಕೆಯುಎ) ಆಗಿ ನೋಂದಣಿ ಮಾಡಿಸಿಕೊಳ್ಳಬೇಕು. ಹಾಗೆ ಮಾಡಿದಾಗ ಸೆಬಿಯಲ್ಲಿ ನೋಂದಾಯಿತ ಇಂಡರ್ಮೀಡಿಯರೀಸ್ ಅಥವಾ ಮ್ಯೂಚುವಲ್ ಫಂಡ್ ಡಿಸ್ಟ್ರಿಬ್ಯೂಟರ್ಸ್ ಆಧಾರ್ ದೃಢೀಕರಣದ ಮೂಲಕ ಇ-ಕೆವೈಸಿಯನ್ನು ನೆರವೇರಿಸಬಹುದಾಗಿದೆ. (ಏಜೆನ್ಸೀಸ್)