ನವದೆಹಲಿ: ರಾಸಾಯನಿಕಗಳು, ಶಿಪ್ಪಿಂಗ್ ಕಂಟೈನರ್ಗಳು ಮತ್ತು ಲಸಿಕೆ ತಯಾರಿಕೆ ಸೇರಿ ಆರು ಹೊಸ ವಲಯಗಳಲ್ಲಿ ಸ್ಥಳಿಯ ಉತ್ಪಾದನೆ ಉತ್ತೇಜಿಸಲು ಭಾರತ 180 ಶತಕೋಟಿ ರೂಪಾಯಿಗಳ (2.2 ಶತಕೋಟಿ) ಪೋತ್ಸಾಹ ನೀಡಲು ಮುಂದಾಗಿದೆ.
ಈ ಪ್ರಸ್ತಾವನೆಯು ದೇಶದ 1.97 ಟ್ರಿಲಿಯನ್ ರೂಪಾಯಿ ಉತ್ಪಾದನೆ&ಸಂಯೋಜಿತ ಪೋತ್ಸಾಹ ಯೋಜನೆಯ (ಪಿಎಲ್ಐ) ಭಾಗವಾಗಿದೆ. ಇದು 2020ರಲ್ಲಿ ಪ್ರಾರಂಭವಾಗಿದ್ದು, ಪ್ರಸ್ತುತ ಎಲೆಕ್ಟ್ರಾನಿಕ್ ಉತ್ಪನ್ನಗಳಿಂದ ಡ್ರೋನ್ಗಳವರೆಗಿನ 14 ಕ್ಷೇತ್ರಗಳನ್ನು ಗುರಿಯಾಗಿಸಿಕೊಂಡಿದೆ. ಇದುವರೆಗೆ ಪಿಎಲ್ಐ ಇನ್ಸೆಂಟಿವ್ಗಳ ಒಂದು ಭಾಗವನ್ನು ಕ್ಲೆಮ್ ಮಾಡಲಾಗಿದೆ. ಬಳಕೆಯಾಗದ ಹಣವನ್ನು ಹೊಸ ವಲಯಗಳಿಗೆ ನಿಯೋಜಿಸಲು ಸರ್ಕಾರ ನಿರ್ಧರಿಸಿದೆ.
ಪಿಎಲ್ಐ ಯೋಜನೆಗೆ ಸೇರಬಹುದಾದ 6 ಹೊಸ ವಲಯಗಳಲ್ಲಿ ಆಟಿಕೆಗಳು, ಬೈಸಿಕಲ್ಗಳು, ಚರ್ಮ ಮತ್ತು ಪಾದರೆಗಳು ಸೇರಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸುಮಾರು ಒಂದು ದಶಕದಿಂದ ಉತ್ಪಾದನೆಯಲ್ಲಿ ಸಾಕಷ್ಟು ಉದ್ಯೋಗ ಸೃಷ್ಟಿಸಲು ಹೆಣಗಾಡುತ್ತಿರುವ ವಿಶಾಲವಾದ ಭಾರತೀಯ ಆರ್ಥಿಕತೆಯನ್ನು ಉತ್ತೇಜಿಸಲು ಪಿಎಲ್ಐ ಯೋಜನೆಯನ್ನು ಭಾರತವು ನಿರ್ಣಾಯಕವೆಂದು ಪರಿಗಣಿಸುತ್ತದೆ ಎಂದಿದ್ದಾರೆ.