ಜೈಲರ್​ 2ಗೆ 'ಕಾಂತಾ' ಆಗಿ ಎಂಟ್ರಿ ಕೊಟ್ಟ ವಿದ್ಯಾಬಾಲನ್; ನಟಿಯ ಬೋಲ್ಡ್​ ಅವತಾರಕ್ಕೆ ಪ್ರೇಕ್ಷಕರು ಫಿದಾ..Jailer 2

Vidya Balan’s Kantha look revealed in New Jailer 2: ಜೈಲರ್​ ಸಿನಿಮಾದ ಮುಂದುವರೆದ ಭಾಗವಾದ ಜೈಲರ್​ 2 ಸಿನಿಮಾವು ಅಕ್ಟೋಬರ್ 15 ರಂದು ಬೆಳ್ಳಿ ತೆರೆ ಮೇಲೆ ಅಬ್ಬರಿಸಲು ಸಜ್ಜಾಗಿದೆ. ನೆಲ್ಸನ್​ ದಿಲೀಪ್​ ಕುಮಾರ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರದ ಪ್ರಚಾರ ಕಾರ್ಯ ಸಮಾರೋಪದಿ ನಡೆಯುತ್ತಿರುವ ಹೊತ್ತಲ್ಲಿ, ಬಾಲಿವುಡ್​ ನಟಿ ವಿದ್ಯಾ ಬಾಲನ್​ ಅವರ ಪಾತ್ರ ಪರಿಚಯ ಮಾಡಲಾಗಿದೆ. ಒಂದೊಂದೇ ಪೋಸ್ಟರ್​ ಹಾಗೂ ಸಿನಿಮಾ ಗ್ಲಿಂಪ್ಸ್​ ಬಿಡುಗಡೆ ಮಾಡಲಾಗುತ್ತಿದ್ದು, ಸಿನಿಮಾ ಬಗ್ಗೆ ಸಾಕಷ್ಟು ನಿರೀಕ್ಷೆಯನ್ನು ಪ್ರೇಕ್ಷಕರು ಇಟ್ಟುಕೊಳ್ಳುತ್ತಿದ್ದಾರೆ.

ಸೆ.20ರಂದು ಸನ್​ ಪಿಕ್ಚರ್ಸ್​​​ ನಟಿ ವಿದ್ಯಾ ಬಾಲನ್​ ಅವರ ಪಾತ್ರದ ಬಗ್ಗೆ ಗ್ಲಿಂಪ್ಸ್​ ಹಂಚಿಕೊಂಡಿದೆ. ಕಾಂತಾ ಪಾತ್ರವು ಬೋಲ್ಡ್​​​ ಕ್ಯಾರೆಕ್ಟರ್​ನಂತೆ ತೋರಿಸುತ್ತದೆ. ನೀಲಿ ಬಣ್ಣದ ಸೀರೆ. ಮಾಡ್ರನ್​ ಹೇರ್​ ಸ್ಟೈಲ್​​, ಕೈಯಲ್ಲಿ ಸಿಗರೇಟ್ ಹಿಡಿದುಕೊಂಡು ಮೆಟ್ಟಿಲುಗಳ ಮೂಲಕ ಕೆಳಗೆ ಬರುವಾಗ ಅವರು ಒಮ್ಮೆ ನಿಂತು, ಮುಂದೆ ನೋಡುತ್ತಾ ಹೊಗೆಯನ್ನು ಬಿಡುವ ದೃಶ್ಯವಿದೆ. ಅನಿರುದ್ಧ ರವಿಚಂದರ್ ಅವರ ಉತ್ಸಾಹಭರಿತ ಹಿನ್ನೆಲೆ ಸಂಗೀತವು ಈ ದೃಶ್ಯಕ್ಕೆ ಮತ್ತಷ್ಟು ಮೆರುಗು ನೀಡಿದೆ.

ರಜನಿಕಾಂತ್ ಅವರ ಪಾತ್ರದೊಂದಿಗೆ ವಿದ್ಯಾ ಬಾಲನ್ ಅವರ ಪಾತ್ರವು ತೀವ್ರವಾದ ಮುಖಾಮುಖಿಯನ್ನು ಹೊಂದಿರಬಹುದು ಎಂಬುದನ್ನು ಪ್ರೇಕ್ಷಕರು ಊಹೆ ಮಾಡಿ ಕಾಮೆಂಟ್ ಮಾಡುತ್ತಿದ್ದಾರೆ.

ನೆಟ್ಟಿಗರು ವಿದ್ಯಾಬಾಲನ್ ಅವರ ಕಾಂತಾ ಲುಕ್​ಗೆ ಫಿದಾ ಆಗಿದ್ದಾರೆ. ಎಂತ ಕ್ರೇಜಿಯಾಗಿ, ವಿದ್ಯಾಬಾಲನ್ ಡೇಂಜರಸ್​ ಕಾಸ್ಟಿಂಗ್​, ಕಿಲ್ಲರ್​ ಲುಕ್​ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಜೈಲರ್​ 2 ವಿದ್ಯಾಬಾಲನ್​ ಅವರಿಗೆ ಗುಡ್​ ಕಂಬ್ಯಾಕ್​ ಎಂದು ಮತ್ತೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ರಜನಿ ಕಾಂತ್​ ಸರ್​ ಅವರ ಲುಕ್ ಮೊದಲು ರಿಲೀಸ್ ಮಾಡಿ ನಾವು ಅದಕ್ಕಾಗಿ ಕಾಯುತ್ತಿದ್ದೇವೆ ಎಂದು ಮತ್ತೊಬ್ಬ ಯೂಟ್ಯೂಬ್​ ಬಳಕೆದಾರ ಬೇಡಿಕೆ ಮುಂದಿಟ್ಟಿದ್ದಾರೆ.

ಇತ್ತೀಚೆಗೆ ಜೈಲರ್​ 2 ಸಿನಿಮಾದಲ್ಲಿ ಮಲಯಾಳಂ ನಟ ಸೂರಜ್​ ವೆಂಜಾರಮೂಡು ಅವರ ಪಾತ್ರ ಏನು ಎನ್ನುವುದರ ಗ್ಲಿಂಪ್ಸ್​ ಹಂಚಿಕೊಳ್ಳಲಾಗಿತ್ತು. ದಿಲೀಪ್​ ಹೆಸರಲ್ಲಿ ಖಳನಾಯಕನಾಗಿ ಮಿಂಚಲಿದ್ದಾರೆ. ಪಂಚೆಯುಟ್ಟು ಕಾರಿನ ಮೇಲೆ ಕುಳಿತು ಸಿಗರೇಟ್ ಸೇದುವ ಶೈಲಿ ಸಾಕಷ್ಟು ಸದ್ದು ಮಾಡಿತ್ತು. ಇಷ್ಟೇ ಅಲ್ಲದೇ ಕಾಲಿವುಡ್​ ನಟ ಎಸ್​ ಜೆ ಸೂರ್ಯ ಅವರನ್ನು ಬೋಧಿಯಾಗಿ ಪರಿಚಯಿಸಲಾಗಿದೆ, (ಏಜೆನ್ಸೀಸ್).