ಯಶ್ ಏನೇ ಮಾಡಿದರೂ ಸುದ್ದಿಯೇ. ಅದರಲ್ಲೂ ಸೋಷಿಯಲ್ ಮೀಡಿಯಾದಲ್ಲಿ ಲಿಮಿಟೆಡ್ ಪೋಸ್ಟ್ ಗಳನ್ನು ಹಾಕಿದರೂ, ಅದರ ತಲುಪುವಿಕೆ ಪ್ರಮಾಣ ಹೆಚ್ಚೇ ಇದೆ. ಅವರ ಒಂದೊಂದು ಸೋಷಿಯಲ್ ಮೀಡಿಯಾ ಪೋಸ್ಟ್ಗೆ ಅಭಿಮಾನಿಗಳು ಕಾದು ಕುಳಿತಿರುತ್ತಾರೆ. ಅದೇ ರೀತಿ ಇದೀಗ ಅಭಿಮಾನಿಗಳ ತಲೆಗೆ ಯಶ್ ಹುಳ ಬಿಟ್ಟಿದ್ದಾರೆ. ಅಂದರೆ, ಹೊಸದೊಂದು ವಿಡಿಯೋ ಶೇರ್ ಮಾಡಿಕೊಂಡು ಉಡುಗೊರೆಯೊಂದನ್ನು ನೀಡಿದ್ದಾರೆ.
ಇದನ್ನೂ ಓದಿ: PHOTOS: ತಾರೆಯರ ಕಲರ್ಫುಲ್ ಸ್ವಾತಂತ್ರ್ಯೋತ್ಸವ
ಹೌದು, ಈ ಸಲ ಹೀರೋ ಬರುವುದಿಲ್ಲ. ಬದಲಿಗೆ ವಿಲನ್ ಆಗಮನವಾಗಲಿದೆ ಎಂದು ಬರೆದುಕೊಂಡಿರುವ ಯಶ್, ಖಡಕ್ ವಿಲನ್ ಅವತಾರದಲ್ಲಿ ಎದುರಾಗಿದ್ದಾರೆ. ಹಾಗಾದರೆ, ಈ ಕಿರು ಮೋಷನ್ ಪೋಸ್ಟರ್ ಕೆಜಿಎಫ್ ಚಿತ್ರದ್ದಾ? ಹೀಗೆ ಬಗೆಬಗೆ ಅನುಮಾನ ಮೂಡಬಹುದು. ಯಶ್ ಪೋಸ್ಟ್ಗೆ ಇದು ಕೆಜಿಎಫ್ ಚಿತ್ರದ ಅಪ್ಟೇಡ್ ಇರಬಹುದೆಂದೇ ಅಭಿಮಾನಿಗಳು ಭಾವಿಸಿದ್ದಾರೆ. ಆದರೆ, ಇದು ಜಾಹೀರಾತೊಂದರ ಪ್ರೋಮೋ!
ಹೌದು, ಈ ಹಿಂದೆಯೂ ಯಶ್ ಹಲವು ಕಮರ್ಷಿಯಲ್ಗಳಲ್ಲಿ ಕಾಣಿಸಿಕೊಂಡಿದ್ದರು. ಆ ಜಾಹೀರಾತಿನ ಮೊದಲ ಲುಕ್ ನೋಡಿ, ಕೆಜಿಎಫ್ ಸಿನಿಮಾದ್ದೇ ಹೊಸ ಸುದ್ದಿ ಇರಬಹುದಾ ಎನ್ನಲಾಗಿತ್ತು. ಆದರೆ, ಕೊನೆಗೆ ಅದು ಜಾಹೀರಾತು ಎಂದು ಗೊತ್ತಾಯ್ತು. ಸದ್ಯ ಯಶ್ ಅಂಥದ್ದೇ ಮತ್ತೊಂದು ಕಮರ್ಷಿಯಲ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರ ಬಗ್ಗೆ ನಾಡಿದ್ದು ಅಂದರೆ ಆಗಸ್ಟ್ 17ರಂದು ಸಂಪೂರ್ಣ ಮಾಹಿತಿ ಹಂಚಿಕೊಳ್ಳಲಿದ್ದಾರೆ.