ಬೆಂಗಳೂರು: ವಿಜಯ್ ರಾವೇಂದ್ರ, "ರಾಘು' ಎಂಬ ಚಿತ್ರದಲ್ಲಿ ನಟಿಸುತ್ತಾರೆ ಎಂಬುದು ಕಳೆದ ತಿಂಗಳ ಸುದ್ದಿ. ಈಗ ಚಿತ್ರದ ಮುಹೂರ್ತ ಸದ್ದಿಲ್ಲದೆ ಮುಗಿದಿದೆ.
ಅಣ್ಣನ ಚಿತ್ರಕ್ಕೆ ಶ್ರೀಮುರಳಿ ಕ್ಲಾಪ್ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. "ಆನ', "ಬ್ಯಾಂಗ್' ಮುಂತಾದ ಚಿತ್ರಗಳಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿರುವ ಆನಂದ್ ರಾಜ್, ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ಪ್ರಯೋಗಾತ್ಮಕ ಚಿತ್ರವಾಗಿದ್ದು, ಹಿಂದೆಂದೂ ಮಾಡದ ವಿಭಿನ್ನ ಪಾತ್ರವೊಂದರಲ್ಲಿ ವಿಜಯ್ ರಾವೇಂದ್ರ ಕಾಣಿಸಿಕೊಳ್ಳುತ್ತಿದ್ದಾರಂತೆ. ಪಾತ್ರ ಮತ್ತು ಚಿತ್ರದ ಕಥೆಯೇನು ಎಂಬುದನ್ನು ಗೌಪ್ಯವಾಗಿಯೇ ಇಟ್ಟ ವಿಜಯ್ ರಾವೇಂದ್ರ, ಚಿತ್ರಕ್ಕೆ "ರಾಘು' ಎಂಬ ಹೆಸರಿಟ್ಟಿದ್ದೇಕೆ ಎಂದು ವಿವರಿಸಿದರು.
"ರಾವೇಂದ್ರ ಎನ್ನುವವರಿಗೆ ಸಹಜವಾಗಿಯೇ ರಾು ಎಂದು ಪ್ರೀತಿಯಿಂದ, ಆತ್ಮೀಯವಾಗಿ ಕರೆಯಲಾಗುತ್ತದೆ. ನನ್ನನ್ನು ಕೆಲವರು ರಾು ಎನ್ನುತ್ತಾರೆ. ನಿಜ ಹೇಳಬೇಕೆಂದರೆ, ಈ ಟೈಟಲ್ ಇಟ್ಟುಕೊಂಡು ಅವರು ಕಥೆ ಹೇಳಲಿಲ್ಲ. ಮೊದಲು ಕಥೆ ಹೇಳಿದರು. ಕಥೆಗೆ ಯಾವ ಶೀರ್ಷಿಕೆ ಸರಿ ಹೋಗುತ್ತದೆ ಎಂದು ಯೋಚಿಸಿದಾಗ, ಈ ಹೆಸರು ಹೊಳೆಯಿತು. ಕಳೆದ ಎಂಟ್ಹತ್ತು ವರ್ಷಗಳಲ್ಲಿ ಜನರಿಗೆ ಬರೀ ವಿಜಯ್ ರಾವೇಂದ್ರ ಅಲ್ಲದೆ, ರಾು ಆಗಿ ಹತ್ತಿರವಾಗುತ್ತಿದ್ದೇನೆ. ಟಿವಿ ಕಾರ್ಯಕ್ರಮಗಳಿಂದ ಚಿರಪರಿಚಿತನಾಗಿದ್ದೇನೆ. ಆ ಟೈಟಲ್ನ್ನು ಚಿತ್ರಕ್ಕೆ ಇಟ್ಟರೆ, ಜನರನ್ನು ರೀಚ್ ಮಾಡುವುದು ಸ್ವಲ್ಪ ಸುಲಭವಾಗುತ್ತದೆ ಎಂಬ ಕಾರಣಕ್ಕೆ ಈ ಹೆಸರಿಟ್ಟಿದ್ದೇವೆ' ಎನ್ನುತ್ತಾರೆ ವಿಜಯ್ ರಾವೇಂದ್ರ.
ಶ್ರೀಮುರಳಿಗೂ ಚಿತ್ರದ ಟೈಟಲ್ ಬಹಳ ಇಷ್ಟವಾಯಿತಂತೆ. ಇದೊಂದು ಎನರ್ಜಿ ಇರುವ ತಂಡ ಎಂದು ಮಾತು ಶುರು ಮಾಡಿದ ಅವರು, "ಈ ಎನರ್ಜಿ ಚಿತ್ರ ಮುಗಿಯುವವರೆಗೂ ಇರಲಿ. ಒಳ್ಳೆಯ ಚಿತ್ರ ಮಾಡಿದಾಗ, ಅಭಿಮಾನಿಗಳು ಯಾವತ್ತೂ ಕೈಬಿಟ್ಟಿಲ್ಲ. ಅವರು ಪ್ರೋತ್ಸಾಹ ಕೊಟ್ಟಿದ್ದಾರೆ. ಈ ಸಿನಿಮಾದಿಂದ ನಮ್ಮಣ್ಣಂಗೆ ಒಳ್ಳೆಯದಾಗಲಿ, ಇಡೀ ಚಿತ್ರತಂಡಕ್ಕೆ ಒಳ್ಳೆಯದಾಗಲಿ' ಎಂದು ಹಾರೈಸುತ್ತಾರೆ. ರಣ್ವಿತ್ ಶಿವಕುಮಾರ್ ಮತ್ತು ಅಭಿಷೇಕ್ ಕೋಟ ಜತೆಯಾಗಿ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ, ಉದಯ್ ಲೀಲಾ ಛಾಯಾಗ್ರಹಣ ಮತ್ತು ಅಭಿಷೇಕ್ ಕೋಟ ಸಂಗೀತವಿದೆ.