ಮುಂಬೈ: ಬಾಲಿವುಡ್ನಲ್ಲಿ ಅದೃಷ್ಟ ಪರೀಕ್ಷೆಗಿಳಿದಿರುವ ಟಾಲಿವುಡ್ ನಟ ವಿಜಯ್ ದೇವರಕೊಂಡ ಸದ್ಯ ತಾವು ಧರಿಸಿದ್ದ ಚಪ್ಪಲಿಯ ವಿಷಯವಾಗಿ ಭಾರೀ ಸುದ್ದಿಯಲ್ಲಿದ್ದಾರೆ.
ಸದ್ಯ ಲೈಗರ್ ಸಿನಿಮಾ ಭಾರೀ ಸದ್ದು ಮಾಡುತ್ತಿದ್ದು, ಚಿತ್ರದಲ್ಲಿ ನಟಿ ಅನನ್ಯಾ ಪಾಂಡೆ ಜತೆ ತೆರೆಹಂಚಿಕೊಂಡಿದ್ದಾರೆ. ಇದೀಗ ಈ ಚಿತ್ರದ ಟ್ರೇಲರ್ ಬಿಡುಗಡೆ ವೇಳೆ ಬಂದಿದ್ದ ವಿಜಯ್ ದೇವರಕೊಂಡ ಬಗ್ಗೆಯೇ ಚರ್ಚೆ ನಡೆಯುತ್ತಿದೆ. ಈ ವಿಡಿಯೋವನ್ನು 50 ಮಿಲಿಯನ್ ಜನರು ವೀಕ್ಷಿಸಿದ್ದು, ವಿಜಯ್ ಸರಳತೆಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ನೂರಾರು ಕೋಟಿಯಲ್ಲಿ ಚಿತ್ರ ನಿರ್ಮಾಣವಾಗುತ್ತಿದ್ದು, ಕೋಟ್ಯಾಂತರ ರೂ. ಸಂಭಾವನೆ ಪಡೆಯುವ ನಟ ವಿಜಯ್ ದೇವರಕೊಂಡ ಕೇವಲ199 ರೂ.ಬೆಲೆಯ ಚಪ್ಪಲಿ ಧರಿಸಿ ಚಿತ್ರ ಪ್ರಚಾರಕ್ಕೆ ಬಂದಿದ್ದರು. ಅವರ ಈ ಸರಳತೆಯನ್ನು ನೋಡಿ ಬಾಲಿವುಡ್ ಮಂದಿಯೇ ಶಾಕ್ ಆಗಿದ್ದಾರೆ. ಆದರೆ ಅಭಿಮಾನಿಗಳು ಮಾತ್ರ ತಮ್ಮ ನಟನ ಸರಳತೆಗೆ ಮಾರು ಹೋಗಿದ್ದಾರೆ.
ಚಿತ್ರದ ನಿರ್ಮಾಪಕರಾದ ಕರಣ್ ಜೋಹರ್ ಹಾಗೂ ರಣವೀರ್ ಸಿಂಗ್ ಸೂಟು-ಬೂಟಿನಲ್ಲಿ ಬಂದಿದ್ದು, ಅಲ್ಲಿದ್ದ ಬಹುತೇಕರು ಇದೇ ರೀತಿ ಇದ್ದರು, ಆದರೆ ಸಾಮಾನ್ಯ ಉಡುಪು ಧರಿಸಿ ಬಂದಿದ್ದ ವಿಜಯ್ ಅದರಲ್ಲೂ ಅತಿ ಕಡಿಮೆ ಬೆಲೆಯ ಚಪ್ಪಲಿ ಧರಿಸಿ ಬಂದಿದ್ದು, ಎಲ್ಲರಿಗೂ ಅಚ್ಚರಿಗೊಳಿಸಿತ್ತು.
ಇದೇ ವೇಳೆ ಮಾತನಾಡಿದ ರಣವೀರ್ ಸಿಂಗ್, ಅರೆ ಏನಿದು ನಾನು ನಿನ್ನ ಸಿನಿಮಾದ ಟ್ರೇಲರ್ ಬಿಡುಗಡೆಗೆ ಬಂದಿದ್ದೇನೆ ಅಥವಾ ನನ್ನ ಸಿನಿಮಾ ಟ್ರೇಲರ್ ಲಾಂಚ್ ಮಾಡಲು ಬಂದಿದ್ದೇನೆ ಎಂಬ ಅನುಮಾನ ಕಾಡುತ್ತಿದೆ ಎಂದು ಛೇಡಿಸಿದರು. ಇದಕ್ಕೆ ತಲೆಕೆಡಿಸಿಕೊಳ್ಳದ ವಿಜಯ್ ನಾನು ಇರುವುದೇ ಹೀಗೆ ಎಂದು ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)