ಚೆನ್ನೈ: ಬಹುನಿರೀಕ್ಷಿತ ತಮಿಳು ಚಿತ್ರ 'ಕರುಪ್ಪು' ಇಂದು ತೆರೆಕಾಣಲು ಸಜ್ಜಾಗಿದ್ದರೂ, ಬಿಡುಗಡೆಯ ಮೊದಲ ದಿನವೇ ದೊಡ್ಡ ಹಿನ್ನಡೆಯನ್ನು ಅನುಭವಿಸಿದೆ. ಸೂರ್ಯ ಮತ್ತು ತ್ರಿಶಾ ಕೃಷ್ಣನ್ ಅಭಿನಯದ ಈ ಚಿತ್ರಕ್ಕೆ ತಮಿಳುನಾಡು ಮುಖ್ಯಮಂತ್ರಿ ವಿಜಯ್ ಅನುಮೋದನೆ ನೀಡಿದ್ದರೂ ಸಹ, ರಾಜ್ಯಾದ್ಯಂತ ಬೆಳಿಗ್ಗೆ 9 ಗಂಟೆಯ ಪ್ರದರ್ಶನಗಳನ್ನು ರದ್ದುಗೊಳಿಸಲಾಗಿದ್ದು, ಈ ಬಗ್ಗೆ ನಿರ್ಮಾಪಕರು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುವ ಮೂಲಕ ಅಭಿಮಾನಿಗಳಲ್ಲಿ ಕ್ಷಮೆಯಾಚಿಸಿದ್ದಾರೆ.
ಮೇ 14 ಮತ್ತು 15 ರಂದು ದಿನಕ್ಕೆ ಐದು ಪ್ರದರ್ಶನಗಳನ್ನು ಪ್ರದರ್ಶಿಸಲು ವಿಜಯ್ ವಿಶೇಷ ಅನುಮತಿ ನೀಡಿದ ಕೆಲವೇ ದಿನಗಳಲ್ಲಿ ಈ ರದ್ದತಿ ಸಂಭವಿಸಿದ್ದು, ಬಿಡುಗಡೆಯ ಸುತ್ತಲಿನ ಹೆಚ್ಚಿನ ಬೇಡಿಕೆಯನ್ನು ಪೂರೈಸಲು ಪ್ರದರ್ಶಕರಿಗೆ ಹೆಚ್ಚುವರಿ ಅವಕಾಶ ನೀಡಲಾಗಿದೆ.
ಕರುಪ್ಪು ಬೆಳಿಗ್ಗೆ 9 ಗಂಟೆಯ ಪ್ರದರ್ಶನಗಳು ರದ್ದಾಗಿವೆ
ಕರುಪ್ಪು 9 ಗಂಟೆಯ ಶೋ ರದ್ದಾದ ಬೆನ್ನಲ್ಲೇ ನಿರ್ದೇಶಕ ಆರ್ ಜೆ ಬಾಲಾಜಿ ತಮ್ಮ ಎಕ್ಸ್ ಖಾತೆಯಲ್ಲಿ ಪ್ರಿಯ ಅಭಿಮಾನಿಗಳೇ, ಪ್ರಸ್ತುತ ಪರಿಸ್ಥಿತಿಗೆ ನನ್ನ ಬಳಿ ನಿರ್ದಿಷ್ಟ ಉತ್ತರವಿಲ್ಲ. ನಿರ್ಮಾಪಕರು ಅಡೆತಡೆಗಳನ್ನು ಪರಿಹರಿಸಲು ತಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತಿದ್ದಾರೆ. ಈ ಚಿತ್ರ ಮೊದಲಿನಿಂದಲೂ ಅಡತಡೆಗಳನ್ನು ಹೊಂದಿದೆ. ದೇವರು ಹೇಗೋ ಅದರಿಂದ ದಾಟಿಸಿದ್ದಾನೆ. ಮತ್ತು 32 ತಿಂಗಳ ನಂತರ ನಾವು ಇಲ್ಲಿದ್ದೇವೆ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.
ನಾಳೆ ಬೆಳಿಗ್ಗೆ ಕರುಪ್ಪು ಅದ್ದೂರಿಯಾಗಿ ಬಿಡುಗಡೆಯಾಗಲಿದ್ದು, ಎಲ್ಲಾ ಅಡೆತಡೆಗಳನ್ನು ಮುರಿದು ಮುಂದುವರೆಯುತ್ತದೆ ನಂಬಿಕೆ ಇಡಿ, ಅದು ಸಂಭವಿಸುತ್ತದೆ. ಆದಾಗ್ಯೂ, ಅನಿವಾರ್ಯ ಕಾರಣಗಳಿಂದ ಕರಪ್ಪು 9 ಗಂಟೆಯ ಪ್ರದರ್ಶನವನ್ನು ರದ್ದುಗೊಳಿಸಲಾಗಿದ್ದರಿಂದ ಎಲ್ಲರಲ್ಲಿಯೂ ಕ್ಷಮೆಯಾಚಿಸುತ್ತೇನೆ ಎಂದು ನಿರ್ಮಾಪಕ ಎಸ್. ಆರ್. ಪ್ರಭು ಪೋಸ್ಟ್ ಹಂಚಿಕೊಂಡಿದ್ದಾರೆ.
ವರದಿಯ ಪ್ರಕಾರ, ನಿರ್ಮಾಣ ಸಂಸ್ಥೆಯು ನಡೆಸುತ್ತಿರುವ ಹಣಕಾಸಿನ ಒಪ್ಪಂದದಿಂದಾಗಿ ಚಿತ್ರದ ಪ್ರದರ್ಶನಗಳ ಮೇಲೆ ಪರಿಣಾಮ ಬೀರಿದ್ದರಿಂದ ಚಿತ್ರಮಂದಿರಗಳು ಬೆಳಗಿನ ಪ್ರದರ್ಶನಗಳನ್ನು ಸ್ಥಗಿತಗೊಳಿಸಿವೆ ಎಂದು ಹೇಳಿದ್ದಾರೆ. ಆದರೆ, ಈಗ ಎದುರಾಗಿರುವ ಹಣಕಾಸಿನ ಬಿಕ್ಕಟ್ಟನ್ನು ಮಧ್ಯಾಹ್ನದೊಳಗೆ ತ್ವರಿತವಾಗಿ ಬಗೆಹರಿಸದಿದ್ದರೆ, ಮುಂದಿನ ಶೋಗಳು (ಮಧ್ಯಾಹ್ನ, ಸಂಜೆ ಮತ್ತು ರಾತ್ರಿ) ಕೂಡ ರದ್ದಾಗುವ ಸಾಧ್ಯತೆಯಿದೆ ಎಂದು ಪ್ರದರ್ಶಕರು ಸುಳಿವು ನೀಡಿದ್ದಾರೆ.
ಸಿನಿಮಾ ಬಗ್ಗೆ
ಕರುಪ್ಪುವನ್ನು ಆರ್ಜೆ ಬಾಲಾಜಿ ಬರೆದು ನಿರ್ದೇಶಿಸಿದ್ದಾರೆ. ಮತ್ತು ಸೂರ್ಯ, ತ್ರಿಶಾ ಕೃಷ್ಣನ್, ಇಂದ್ರನ್ಸ್, ನಟ್ಟಿ, ಸ್ವಾಸಿಕಾ, ಶಿವದಾ, ಅನಘಾ ಮಾಯಾ ರವಿ, ಮತ್ತು ಸುಪ್ರೀತ್ ರೆಡ್ಡಿ ಸೇರಿದಂತೆ ತಾರಾ ಬಳಗವನ್ನು ಒಳಗೊಂಡಿದೆ (ಏಜೆನ್ಸೀಸ್).