ಪ್ರಭಾಸ್​ ಫ್ಯಾನ್ಸ್​ಗೆ ತಪ್ಪದ ಬೇಸರ! ರೆಬೆಲ್​ ಸ್ಟಾರ್​ನ ಅದೊಂದು ತಪ್ಪಿನಿಂದ ಬ್ಯಾಕ್​ ಟು ಬ್ಯಾಕ್​ ಫ್ಲಾಪ್​?

ಹೈದರಾಬಾದ್​: ಬ್ಲಾಕ್​ಬಸ್ಟರ್​ ಬಾಹುಬಲಿ ಸಿನಿಮಾ ಬಳಿಕ ಪ್ಯಾನ್​ ಇಂಡಿಯಾ ಸ್ಟಾರ್​ ಆಗಿ ಹೊರಹೊಮ್ಮಿರುವ ಪ್ರಭಾಸ್ ( Actor Prabhas )​ ಅದ್ಯಾಕೋ ಸರಣಿ ಸೋಲುಗಳಿಂದ ತತ್ತರಿಸಿದ್ದಾರೆ. ಇದಕ್ಕೆ ಇತ್ತೀಚೆಗಷ್ಟೇ ಬಿಡುಗಡೆಗೊಂಡ 'ರಾಜ ಸಾಬ್' ಚಿತ್ರದ ಸೋಲೇ ಮತ್ತೊಂದು ಬಲವಾದ ಸಾಕ್ಷಿ. ​

'ಬಾಹುಬಲಿ' ನಂತರ ಬಂದ ಯಾವ ಸಿನಿಮಾಗಳು ಕೂಡ ಪ್ರಭಾಸ್​ಗೆ ಅಷ್ಟರಮಟ್ಟಿಗೆ ಯಶಸ್ಸು ತಂದುಕೊಟ್ಟಿಲ್ಲ. 'ಸಾಹೋ', 'ರಾಧೆಶ್ಯಾಮ್'​, 'ಆದಿಪುರುಷ' ಸಿನಿಮಾಗಳು ಫ್ಲಾಪ್​ ಆದವು. ಪ್ರಶಾಂತ್ ನೀಲ್​ ನಿರ್ದೇಶನದ 'ಸಲಾರ್'​ ಸಿನಿಮಾ ಬಾಕ್ಸ್​ ಆಫೀಸ್​ನಲ್ಲಿ ಸದ್ದು ಮಾಡಿದರು ಕೂಡ ನಿರೀಕ್ಷೆಯ ಮಟ್ಟ ತಲುಪಲಿಲ್ಲ. ಅದಾದ ಬಳಿಕ ದೊಡ್ಡ ಮಟ್ಟದಲ್ಲಿ ತೆರೆಕಂಡ 'ಕಲ್ಕಿ' ಸಿನಿಮಾ ಭರ್ಜರಿ ಯಶಸ್ಸು ಕಂಡಿತು. ಆದರೆ, ಅದು ಬಹುತಾರಾಗಣ ಸಿನಿಮಾ ಆದ್ದರಿಂದ ಪ್ರಭಾಸ್​ ಒಬ್ಬರಿಗೆ ಯಶಸ್ಸಿನ ಕ್ರೆಡಿಟ್​ ಸಲ್ಲಲಿಲ್ಲ ಎಂಬುದು ಇಲ್ಲಿ ಗಮನಾರ್ಹ.

ಹೀಗಾಗಿ ಪ್ರಭಾಸ್​ ಅವರು ಒಂದು ಬಹುದೊಡ್ಡ ಯಶಸ್ಸಿಗಾಗಿ ಎದುರು ನೋಡುತ್ತಿರುವುದು ಖಚಿತ. ಅಸಲಿಗೆ, ಅವರ ಅಪಾರ ಅಭಿಮಾನಿಗಳ ಬಳಗ 'ರಾಜ ಸಾಬ್​' ಚಿತ್ರದಲ್ಲಿ ಆ ಯಶಸ್ಸನ್ನು ನೋಡಲು ಕಾತರ ವ್ಯಕ್ತಪಡಿಸಿದ್ದರು. ಆದರೆ, ಈ ಸಿನಿಮಾವು ಸೋಲಿನ ಹಾದಿ ಹಿಡಿದದ್ದು, ಸದ್ಯ ಪ್ರಭಾಸ್​ ಫ್ಯಾನ್ಸ್​ಗಳಲ್ಲಿ ತೀರ ಬೇಸರ ಮೂಡಿಸಿದೆ. ನಟನ ಪ್ರತಿ ಚಿತ್ರಕ್ಕೂ ತೀವ್ರ ಕುತೂಹಲ ವ್ಯಕ್ತಪಡಿಸುವ ಅಭಿಮಾನಿಗಳಿಗೆ ಮತ್ತು ಸಿನಿಪ್ರಿಯರಿಗೆ ಟಾಲಿವುಡ್​ ರೆಬೆಲ್​ ಸ್ಟಾರ್​ನಿಂದ ಒಂದೊಳ್ಳೆ ಸಿನಿಮಾ ಸಿಗುತ್ತಿಲ್ಲ.

ಈಗ ಮುಂದಿರುವುದು ನಿರ್ದೇಶಕ ಸಂದೀಪ್ ವಂಗಾ ರೆಡ್ಡಿ ನಿರ್ದೇಶನದ ಹಾಗೂ ಪ್ರಭಾಸ್​ ನಟನೆಯ ಬಹುನಿರೀಕ್ಷಿತ 'ಸ್ಪಿರಿಟ್'​ ಸಿನಿಮಾ. ಇದೊಂದು ಚಿತ್ರದ ಮೇಲೆ ಸದ್ಯ ಅಪಾರ ನಿರೀಕ್ಷೆಗಳು ಮೂಡಿದ್ದು, ಖಂಡಿತವಾಗಿ ಈ ಚಿತ್ರ ಪ್ರಭಾಸ್​ಗೆ ದೊಡ್ಡ ಮಟ್ಟದ ಯಶಸ್ಸನ್ನು ತಂದುಕೊಡಬಹುದು ಎಂಬ ಲೆಕ್ಕಾಚಾರವನ್ನು ಅಭಿಮಾನಿಗಳು ಹಾಕಿಕೊಂಡಿದ್ದಾರೆ. ಆದರೆ, ಏನಾಗಲಿದೆ ಎಂಬುದನ್ನು ರಿಲೀಸ್​ ಆಗುವವರೆಗೆ ಕಾದು ನೋಡಬೇಕಿದೆ.

ಬಾಹುಬಲಿ ನಂತರದಲ್ಲಿ ಯಾವ ಸಿನಿಮಾಗಳಿಂದಲೂ ಅಂತಹ ಯಶಸ್ಸು ಪ್ರಭಾಸ್​ ಸಿಗದಿರುವುದು ಅಚ್ಚರಿಯೇ. ಕಟ್ಟುಮಸ್ತಾದ ದೇಹ, ಸ್ಟೈಲಿಶ್​ ಲುಕ್​, ಮಸ್ತ್​ ಅಭಿನಯ ಸೇರಿದಂತೆ ಹಲವು ವಿಷಯಗಳಲ್ಲಿ ಸಿನಿಪ್ರಿಯರ ಗಮನ ಸೆಳೆಯುವ ರೆಬೆಲ್​ ಸ್ಟಾರ್​, ಅತೀ ಮುಖ್ಯವಾಗಿ ಕಥೆಯ ಆಯ್ಕೆಯಲ್ಲಿ ತಪ್ಪು ಮಾಡುತ್ತಿದ್ದಾರಾ? ಎಂಬ ಅನುಮಾನ, ಗೊಂದಲಗಳು ಕಾಡಲಾರಂಭಿಸಿವೆ. ಇದು ಅಭಿಮಾನಿಗಳಲ್ಲಿ ತೀರ ಬೇಸರ ತಂದೊಡ್ಡಿದೆ. ಬಹುನಿರೀಕ್ಷಿತ 'ಸ್ಪಿರಿಟ್'​ನಲ್ಲಿ ನಟನ ಚಿತ್ರ ಗೆಲ್ಲಲಿ, ದೊಡ್ಡ ಮಟ್ಟದ ಯಶಸ್ಸು ಸಿಗಲಿ ಎಂಬ ಹೆಬ್ಬಯಕೆ ಪ್ರಭಾಸ್ ಫ್ಯಾನ್ಸ್​ಗಳದ್ದು,(ಏಜೆನ್ಸೀಸ್).

​