ಸಿನಿಮಾ ಸೆಟ್‌ನಿಂದ ಆಸ್ಪತ್ರೆಗೆ ವರುಣ್ ತೇಜ್ ಶಿಫ್ಟ್: ಸಹೋದರಿ ನಿಹಾರಿಕಾ ಪೋಸ್ಟ್‌ನಲ್ಲಿ ಅಡಗಿದೆ ದೊಡ್ಡ ಸತ್ಯ! Varun Tej

ನಿಹಾರಿಕಾ ಕೊನಿಡೇಲಾ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ "ನನ್ನ ಸಹೋದರ ವರುಣ್ ತೇಜ್ ನಮ್ಮ ಮುಂಬರುವ ಚಿತ್ರ ಭಾರಿಗಾಗಿ ವಾಲಿಬಾಲ್​ ಅಭ್ಯಾಸ ಮಾಡುತ್ತಿರುವಾಗ ಸಣ್ಣ ಅಪಘಾತ ಸಂಭವಿಸಿ ಮೊಣಕಾಲು ಮುರಿತವಾಗಿತ್ತು. ಈಗಾಗಲೇ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಮುಗಿದಿದ್ದು, ಅವರು ಪ್ರಸ್ತುತ ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ.

ಶೀಘ್ರದಲ್ಲೇ ವರುಣ್ ಪೂರ್ಣ ಶಕ್ತಿ ಮತ್ತು ಆರೋಗ್ಯವನ್ನು ಮರಳಿ ಪಡೆಯುತ್ತಾರೆ ಎಂದು ನಾವು ಆಶಿಸುತ್ತೇವೆ. ಈ ಕಷ್ಟದ ಸಮಯದಲ್ಲಿ ಅಭಿಮಾನಿಗಳೆಲ್ಲರ ಪ್ರೀತಿ, ಕಾಳಜಿ ಮತ್ತು ಬೆಂಬಲಕ್ಕೆ ನಾವು ನಿಜವಾಗಿಯೂ ಕೃತಜ್ಞರಾಗಿರುತ್ತೇವೆ ಎಂದು ಬರೆದು ಪೋಸ್ಟ್​ ಮಾಡಿದ್ದಾರೆ.

ಚಿತ್ರದ ವಿಶೇಷ ಮೋಷನ್​ ಪೋಸ್ಟರ್​ನ್ನು ನಿರ್ದೇಶಕರು ಈಗಾಗಲೇ ಮಾರ್ಚ್​ನಲ್ಲಿ ಬಿಡುಗಡೆ ಮಾಡಿದ್ದಾರೆ. ಈ ಚಿತ್ರದಲ್ಲಿ ವರುಣ್​ ಮತ್ತಷ್ಟು ಶಕ್ತಿಯುತವಾದ ಮತ್ತು ವಿಭಿನ್ನವಾದ ಆ್ಯಕ್ಷನ್ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಕ್ಕಾಗಿಯೇ ಅವರು ವಿದೇಶಿ ತರಬೇತುದಾರರ ಅಡಿಯಲ್ಲಿ ಕಠಿಣವಾದ ದೈಹಿಕ ತರಬೇತಿ ಪಡೆಯುತ್ತಿದ್ದರು. ಈ ಚಿತ್ರವು ವಾಲಿಬಾಲ್ ಸುತ್ತ ಸುತ್ತುವ ಗ್ರಾಮೀಣ ಕ್ರೀಡಾ ಸಿನಿಮಾ ಎಂದು ವರದಿಯಾಗಿದೆ.

ವರುಣ್ ತೇಜ್ ಫಿದಾ, ಗಣೇಶ್, ಕಂಚೆ, ಸೂರ್ಯಕಾಂತಂ ಮತ್ತು ಮಟ್ಕಾ ಮುಂತಾದ ಚಿತ್ರಗಳಲ್ಲಿನ ಕೆಲಸಕ್ಕಾಗಿ ಹೆಸರುವಾಸಿಯಾಗಿದ್ದಾರೆ. ಕೊನೆಯದಾಗಿ 2024 ರ ಮಟ್ಕಾ ಚಿತ್ರದಲ್ಲಿ ಮೀನಾಕ್ಷಿ ಚೌಧರಿ ಅವರೊಂದಿಗೆ ತೆರೆಹಂಚಿಕೊಂಡಿದ್ದರು. ಪಿಂಕ್​ ಎಲಿಫೆಂಟ್​ ಪಿಕ್ಚರ್ಸ್​ ಅಡಿಯಲ್ಲಿ ನಿಹಾರಿಕಾ ಕೊನಿಡೇಲಾ ನಿರ್ಮಿಸಿರುವ ಯಧು ವಂಶೀ ಅವರ ನಿರ್ದೇಶನದ ಭಾರಿ ಚಿತ್ರದಲ್ಲಿ ನಟ ಕಾಣಿಸಿಕೊಳ್ಳಲಿದ್ದಾರೆ.

ವರುಣ್ ತೇಜ್ ಅವರ ಸಹೋದರಿ ನಿಹಾರಿಕಾ ಕೊನಿಡೇಲಾ ಕೂಡ ಒಬ್ಬ ಭಾರತೀಯ ನಟಿ ಮತ್ತು ನಿರೂಪಕಿಯಾಗಿದ್ದಾರೆ. ಅವರು ಓಕಾ ಮನಸು, ಹ್ಯಾಪಿ ವೆಡ್ಡಿಂಗ್ ಮತ್ತು ಸೂರ್ಯಕಾಂತಂ ನಂತಹ ಹಲವಾರು ಚಿತ್ರಗಳಲ್ಲಿ ತೆರೆ ಹಂಚಿಕೊಂಡಿದ್ದಾರೆ (ಏಜೆನ್ಸೀಸ್).