ಕಲ್ಟ್ ಟೀಸರ್ ಲಾಂಚ್ ಈವೆಂಟ್ನಲ್ಲಿ ರವಿ ಬಸ್ರೂರ್-ವಿಶ್ವಕ್ ಸೇನ್
- ವಿಶ್ವಕ್ ಸೇನ್ ನಿರ್ದೇಶಿಸಿ, ನಟಿಸಿರುವ 'ಕಲ್ಟ್' ತೆಲುಗು ಚಿತ್ರ
- 'ಕಲ್ಟ್' ಚಿತ್ರದ ಟೀಸರ್ ಲಾಂಚ್ ವೇದಿಕೆಯಲ್ಲಿ ರವಿ ಬಸ್ರೂರ್ ಭಾವುಕ ಮಾತು
- ರವಿ ಬಸ್ರೂರ್ ಅವರಿಗೆ 35 ಲಕ್ಷ ರೂ. ರೊಲೆಕ್ಸ್ ವಾಚ್ ಉಡ
ತೆಲಂಗಾಣ: 'ಮಾಸ್ ಕಾ ದಾಸ್' ಎಂದೇ ಟಾಲಿವುಡ್ನಲ್ಲಿ ಖ್ಯಾತಿ ಗಳಿಸಿರುವ ನಟ, ನಿರ್ದೇಶಕ ವಿಶ್ವಕ್ ಸೇನ್ ನಿರ್ದೇಶಿಸಿ, ನಟಿಸಿರುವ 'ಕಲ್ಟ್' ತೆಲುಗು ಚಿತ್ರದ ಟೀಸರ್ ಲಾಂಚ್ ಇತ್ತೀಚೆಗಷ್ಟೇ ಅದ್ಧೂರಿಯಾಗಿ ನಡೆಯಿತು. ಈ ವೇದಿಕೆಯಲ್ಲಿ ಮಾತನಾಡಿದ ಕನ್ನಡದ ಹೆಸರಾಂತ ಸಂಗೀತ ನಿರ್ದೇಶಕ ರವಿ ಬಸ್ರೂರ್ ಅವರು, ತಮ್ಮ ಜೀವನದ ಕೆಲವು ಘಟನೆಗಳನ್ನು ನೆನೆದು ಭಾವುಕರಾದರು.
35 ಲಕ್ಷ ರೂ. ರೊಲೆಕ್ಸ್ ವಾಚ್
ಶೀಘ್ರವೇ ತೆರೆಗೆ ಬರಲು ಸಿದ್ಧವಿರುವ ಈ ಚಿತ್ರದ ಟೀಸರ್ ಲಾಂಚ್ ಈವೆಂಟ್ನಲ್ಲಿ ರವಿ ಬಸ್ರೂರ್ ಅವರಿಗೆ ವೇದಿಕೆಯಲ್ಲಿ 35 ಲಕ್ಷ ರೂ. ಬೆಲೆಬಾಳುವ ರೊಲೆಕ್ಸ್ ವಾಚ್ ಅನ್ನು ವಿಶ್ವಕ್ ಸೇನ್ ಗಿಫ್ಟ್ ಆಗಿ ನೀಡಿದರು. ಈ ಕ್ಷಣವನ್ನು ಕಂಡು ಕಣ್ಣೀರಿಟ್ಟ ಬಸ್ರೂರ್, "18ನೇ ವಯಸ್ಸಿನಲ್ಲಿ ನಾನು ಎರಡು ಬಾರಿ ಆತ್ಮಹತ್ಯೆ ಮಾಡಿಕೊಳ್ಳಲು ಮುಂದಾಗಿದ್ದೆ. ಆಗ ವ್ಯಕ್ತಿಯೊಬ್ಬರು, ನನಗೆ 35,000 ಹಣ ನೀಡಿದರು. ಅಂದು ಅವರು ಕೊಟ್ಟ ಆ ದುಡ್ಡು ನನ್ನ ಇಡೀ ಜೀವನವನ್ನೇ ಬದಲಿಸಿತು" ಎಂದರು.
ಅಂದೇ ಹೆಸರು ಬದಲು
"ನನ್ನ ಸಂಗೀತಕ್ಕೆ ಬೇಕಿದ್ದ ಬಹುಮುಖ್ಯ ಸಾಧನವಾದ ಕೀಬೋರ್ಡ್ ಖರೀದಿಸಲು 35,000 ರೂ. ಕೊಟ್ಟರು. ಅವರ ಹೆಸರೇ ರವಿ. ನನಗೆ ಮರುಜನ್ಮ ನೀಡಿದ ಅವರನ್ನು ನೆನೆದು, ಅಂದಿನಿಂದ ಕಿರಣ್ ಎಂಬ ನನ್ನ ಹೆಸರನ್ನು ರವಿ ಎಂದೇ ಮರುನಾಮಕರಣ ಮಾಡಿಕೊಂಡೆ. ನಾನು ಬದುಕಿರುವವರೆಗೂ ಎಲ್ಲರೂ ನನ್ನನ್ನು ರವಿ ಬಸ್ರೂರ್ ಎಂದೇ ಕರೆಯುತ್ತಾರೆ. ಆ ಸಂಪೂರ್ಣ ಕ್ರೆಡಿಟ್ ಅವರಿಗೆ ಹೋಗುತ್ತದೆ. ರವಿ ಮತ್ತು ವಿಶ್ವಕ್ ಸೇನ್ ಈ ಇಬ್ಬರನ್ನೂ ನನ್ನ ಜೀವನದಲ್ಲಿ ನಾನೆಂದಿಗೂ ಮರೆಯೋದಿಲ್ಲ" ಎಂದರು.
ತೆಲುಗಿನ "ಕಲ್ಟ್" ಜೊತೆಗೆ, ರಾಕಿಂಗ್ ಸ್ಟಾರ್ ಯಶ್ ಅಭಿನಯದ "ಟಾಕ್ಸಿಕ್" ಮತ್ತು ಜೂ. ಎನ್ಟಿಆರ್-ಪ್ರಶಾಂತ್ ನೀಲ್ ಕಾಂಬೊದಲ್ಲಿ ಮೂಡಿಬರುತ್ತಿರುವ ಸಿನಿಮಾಗಳಿಗೂ ರವಿ ಬಸ್ರೂರ್ ಅವರೇ ಸಂಗೀತ ನೀಡಿದ್ದಾರೆ,(ಏಜೆನ್ಸೀಸ್).