ಬಾಯ್ತಪ್ಪಿ ಹೊಸ ಸಿನಿಮಾದ ಟೈಟಲ್​ ಲೀಕ್ ಮಾಡಿದ ಮೆಗಸ್ಟಾರ್ ಚಿರಂಜೀವಿ!​; Kadiri ಚಿತ್ರದ ಟೀಸರ್ ಈ ದಿನ ರಿಲೀಸ್

Kadiri Is Chiranjeevi's Next Film Megastar Accidentally Reveals Title:

ಟಾಲಿವುಡ್​ನ ಖ್ಯಾತ ನಟ ಮೆಗಾಸ್ಟಾರ್​​ ಚಿರಂಜೀವಿ ಅವರು ಕೋಟ್ಯಾಂತರ ಜನ ಫ್ಯಾನ್ಸ್​ ಹೊಂದಿದ್ದಾರೆ. ಅವರ ಹೊಸ ಸಿನಿಮಾಗಾಗಿ ಅಭಿಮಾನಿಗಳು ಇಂದಿಗೂ ಕಾತುರದಿಂದ ಕಾಯುತ್ತಾರೆ. 70ರಲ್ಲೂ ನಟನೆಯಲ್ಲಿ ತೊಡಗಿಕೊಂಡಿರುವ ಅವರು, ಸದ್ಯ ಗೌಪ್ಯವಾಗಿಟ್ಟಿದ್ದ ಮೆಗಾ 158 ಸಿನಿಮಾದ ಟೈ

ಟಲ್​​ನ್ನು ಬಾಯಿತಪ್ಪಿ ರಿವೀಲ್​ ಮಾಡಿಬಿಟ್ಟಿದ್ದಾರೆ. ಈ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ನಟ ವರುಣ್​ ತೇಜ್​ ಅವರ ಕೊರಿಯನ್ ಕನಕರಾಜು ಸಿನಿಮಾ ಹಿಟ್​ ಕಂಡ ಹಿನ್ನೆಲೆ, ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಇದರಲ್ಲಿ ಭಾಗಿಯಾಗಿದ್ದ ಅವರು ನಿರೂಪಕಿ ಕೇಳಿದ ಪ್ರಶ್ನೆಗೆ ಉತ್ತರ ನೀಡುತ್ತಾ.. ಆಕಸ್ಮಿಕವಾಗಿ ಸಿನಿಮಾ ಹೆಸರನ್ನು ರಿವೀಲ್​ ಮಾಡಿಬಿಟ್ಟಿದ್ದಾರೆ. ಆಗಸ್ಟ್​ 22ರಂದು 71ನೇ ವಸಂತಕ್ಕೆ ಚಿರಂಜೀವಿ ಅವರು ಕಾಲಿಡುತ್ತಿದ್ದು ಅಂದಿನ ದಿನವೇ ಮೆಗಾ 158 ಸಿನಿಮಾದ ಶೀರ್ಷಿಕೆ ಮತ್ತು ಟೀಸರ್​ ರಿಲೀಸ್ ಮಾಡುವ ಪ್ಲ್ಯಾನ್​ ಇತ್ತು ಎನ್ನಲಾಗಿದೆ.

20 ಸೆಕೆಂಡ್​ ಸಿನಿಮಾದ ಟೀಸರ್​​​​ನ ತಯಾರಿ ಪೂರ್ಣಗೊಂಡು ರಿಲೀಸ್​ಗೆ ಸಿದ್ಧವಾಗಿದೆಯೇ. ಕೊನೆಯಲ್ಲಿ 'ಕದಿರಿ' ಎಂಬ ಶೀರ್ಷಿಕೆ ಇಟ್ಟುಕೊಂಡಿದ್ದೀರಾ ಎಂದು ಕೇಳಿ ಥಟ್ಟನೆ ಎನೋ ಹೊಳೆದಂತೆ ಬಾಯ್ಮುಚ್ಚಿಕೊಂಡರು. ಈ ವೇಳೆ ಅವರನ್ನು ಸುಮ್ಮನಾಗಿಸಲು ಸಂಗೀತ ಸಂಯೋಜಕ ಥಮನ್ ಪ್ರಯತ್ನಿಸಿದರು. ಆದರೆ ಸಾಧ್ಯವಾಗಲಿಲ್ಲ. ಅವರು ಸಿನಿಮಾ ಹೆಸರು ಹೇಳುತ್ತಲೇ ನೆರೆದಿದ್ದ ಜನರು ಹೋ ಎಂದು ಕೂಗಾಡುವುದು ವಿಡಿಯೋದಲ್ಲಿ ಸೆರೆಯಾಗಿದೆ.

ಆಗಸ್ಟ್​ 22ರಂದು ಚಿರಂಜೀವಿ ಹುಟ್ಟುಹಬ್ಬದ ದಿನವೇ ಕದಿರಿ ಸಿನಿಮಾದ ಟೀಸರ್​ ರಿಲೀಸ್​ ಆಗಲಿದೆ. ಈ ಸಿನಿಮಾವನ್ನು ಕೆಎಸ್​ ರವೀಂದ್ರ ಅವರು ನಿರ್ದೇಶೀಸಿದ್ದಾರೆ. ಪ್ರಿಯಾಮಣಿ ಹಾಗೂ ಸ್ಯಾಂಡಲ್​ವುಡ್​ ನಟಿ ರಚಿತಾ ರಾಮ್​ ಹಾಗೂ ನಿವೇತಾ ಪೇತುರಾಜ್​ ಸಿನಿಮಾದಲ್ಲಿ ನಟಿಸಿದ್ದಾರೆ. ಅನಸ್ವರ ರಾಜನ್​ ಸೇರಿದಂತೆ ಘಟಾನುಘಟಿ ನಾಯಕ ನಟರು ಈಸಿನಿಮಾಕ್ಕಾಗಿ ಬಣ್ಣ ಹಚ್ಚಿದ್ದಾರೆ.

ಟೀಸರ್​ ಮತ್ತು ಸಿನಿಮಾದ ಹೆಸರು ಗೌಪ್ಯವಾಗಿಟ್ಟು ಆಗಸ್ಟ್​ 22ರಂದು ರಿವೀಲ್​ ಆಗಬೇಕಿತ್ತು. ಆದರೆ, ಆಕಸ್ಮಿಕವಾಗಿ ಚಿರಂಜೀವಿ ಅವರು ಬಾಯ್ಬಿಟ್ಟಿರುವ ಹಿನ್ನೆಲೆ, ಸಿನಿಮಾದ ಕತೆ ಹೇಗಿರಲಿದೆ. ನಿರ್ದೇಶನ ಹೇಗಿದೆ ಎನ್ನುವುದರ ಕುತೂಹಲ ಹೆಚ್ಚಾಗಿದೆ.

ಚಿರಂಜೀವಿ ಅವರು ಕೊನೆಯದಾಗಿ ಮನ ಶಂಕರ ವರ ಪ್ರಸಾದ್​ ಗಾರು ಸಿನಿಮಾದಲ್ಲಿ ನಟಿಸಿದ್ದರು. ಜನವರಿಯಲ್ಲಿ ರಿಲೀಸ್ ಆದ ಈ ಸಿನಿಮಾದಲ್ಲಿ ನಯನತಾರ ಹಾಗೂ ಕ್ಯಾಥರೀನ್​ ಥೆರೇಸಾ ನಟಿಸಿದ್ದರು. ಈ ಸಿನಿಮಾ ಬಾಕ್ಸ್​ ಆಫೀಸಿನಲ್ಲಿ 300 ಕೋಟಿಗೂ ಅಧಿಕ ಹಣವನ್ನು ಗಳಿಕೆ ಮಾಡಿತ್ತು. ಭದ್ರತಾ ಸಿಬ್ಬಂದಿ ಮತ್ತು ಆತನ ಕುಟುಂಬದ ಸುತ್ತ ಈ ಸಿನಿಮಾದ ಕತೆ ಸುತ್ತುತ್ತದೆ, (ಏಜೆನ್ಸೀಸ್).