ಚೆನ್ನೈ: ವಿದೇಶದಿಂದ ಕಾರು ಆಮದು ಪ್ರಕರಣಕ್ಕೆ ಸಂಬಂಧಿಸಿದಂತೆ ಮದ್ರಾಸ್ ಹೈಕೋರ್ಟ್ನಿಂದ ನಟ ವಿಜಯ್ಗೆ ಬಿಗ್ ರಿಲೀಫ್ ಸಿಕ್ಕಿದೆ.
ಅಮೆರಿಕದಿಂದ ಬಿಎಂಡಬ್ಲ್ಯೂ ಎಕ್ಸ್ 5 ಕಾರನ್ನು ಖರೀದಿಸಿದ್ದ ವಿಜಯ್ ಅದರ ತೆರಿಗೆ ಪಾವತಿ ಕುರಿತು ಕೋರ್ಟ್ಗೆ ಅರ್ಜಿ ಸಲ್ಲಿಸಲಾಗಿತ್ತು. 2005ರಿಂದಲೇ ತೆರಿಗೆ ಪಾವತಿಸಬೇಕೆಂದು ಆದಾಯ ತೆರಿಗೆ ಇಲಾಖೆ ಸೂಚಿಸಿತ್ತು.
ಸದ್ಯಕ್ಕೆ ಜನವರಿ 19, 2019 ರಿಂದ 2021ರ ವರೆಗೆ ಮಾತ್ರೆ ತೆರಿಗೆ ಪಾವತಿಸಬೇಕೆಂದು ಕೋರ್ಟ್ ತೀರ್ಪು ನೀಡಿದೆ. ಅರ್ಜಿ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಆರ್. ಸುರೇಶ್ ಕುಮಾರ್ ಅವರಿದ್ದ ವಿಭಾಗೀಯ ಪೀಠ, ಎಲ್ಲರೂ ಪ್ರವೇಶ ತೆರಿಗೆ ಪಾವತಿಸಲು ಹೊಣೆಗಾರರಾಗಿದ್ದು, ಅಂತಹ ತೆರಿಗೆಯನ್ನು ವಿಧಿಸಲು ರಾಜ್ಯ ಸರ್ಕಾರ ಅರ್ಹವಾಗಿದೆ ಎಂದು ತಿಳಿಸಿದೆ.
ಸೆಪ್ಟಂಬರ್ 17, 2021ರಂದು ವಾಣಿಜ್ಯ ತೆರಿಗೆ ಇಲಾಖೆಯು ವಿಜಯ್ ಅವರು ಆಮದು ಮಾಡಿಕೊಂಡಿದ್ದ BMW X5 ಐಷಾರಾಮಿ ಕಾರಿಗೆ 30.23ಲಕ್ಷ ದಂಡದ ಜತೆಗೆ 7.98ಲಕ್ಷ ಪ್ರವೇಶ ತೆರಿಗೆ ಬೇಡಿಕೆಯಿರುವ ನೋಟಿಸ್ ಅನ್ನು ನೀಡಿತ್ತು. ಇದನ್ನು ಪ್ರಶ್ನಿಸಿ ವಿಜಯ್ ನ್ಯಾಯಾಲಯದ ಮೊರೆ ಹೋಗಿದ್ದರು. (ಏಜೆನ್ಸೀಸ್)