ನಟ ದರ್ಶನ್ ಪತ್ನಿ ವಿಜಯಲಕ್ಷ್ಮೀ-ಧನ್ವೀರ್ ಮಧ್ಯೆ ಗಲಾಟೆ.
ಸುದೀಪ್ ಸಲಹೆ ಕೊಟ್ಟಿದ್ದ ಹಳೆಯ ಹೇಳಿಕೆ ಇಂಟರ್ನೆಟ್ನಲ್ಲಿ ವೈರಲ್.
ಸಪೋರ್ಟ್ ಮಾಡ್ದೋರು ಗೂಬೆಗಳ ತರ ಕಾಣ್ತಾರೆ ಎಂದಿದ್ದ ಸುದೀಪ್.
'ಯಾರೋ ಒಬ್ಬರು ಬರ್ತಾರೆ, ನನಗೆ ಸಿಕ್ಕಾಪಟ್ಟೆ ಮನೆಯಲ್ಲಿ ಒಡಿತಿದ್ದಾರೆ ಅಂತ ಸಪೋರ್ಟ್ ಕೇಳಿ ಇನೊಬ್ಬರ ಮನೆಗೆ ಬರ್ತಾರೆ. ಅವರು ಸಮಸ್ಯೆ ಬಗೆಹರಿಸ್ತಾರೆ. ಆದರೆ, ಕೊನೆಗೆ ಆ ಇಬ್ಬರು ರಾಜಿಯಾಗ್ತಾರೆ. ಸಪೋರ್ಟ್ ಮಾಡಿದವರು ಗೂಬೆಗಳಾಗ್ತಾರೆ' ಎಂದು ಕಿಚ್ಚ ಸುದೀಪ್ ಮಾತನಾಡಿರುವ ವಿಡಿಯೋವೊಂದು ಧನ್ವೀರ್ ಮತ್ತು ವಿಜಯಲಕ್ಷ್ಮಿ ನಡುವಿನ ಕಾನೂನಿನ ಗುದ್ದಾಟದ ಬೆನ್ನಲ್ಲೇ ವೈರಲ್ ಆಗಿದೆ.
ರೇಣುಕಾಸ್ವಾಮಿ ಕೊಲೆ ಕೇಸ್ನಲ್ಲಿ ನಟ ದರ್ಶನ್ ಜೈಲಿನಲ್ಲಿದ್ದಾರೆ. ಆದರೆ, ಇತ್ತ ಅವರ ಪತ್ನಿ ವಿಜಯಲಕ್ಷ್ಮಿ ಹಾಗೂ ನಟನ ಆಪ್ತ ಧನ್ವೀರ್ ಮಧ್ಯೆ ದೊಡ್ಡ ಕೋಲಾಹಲವೇ ನಡೆದಿದೆ. ಇಬ್ಬರು ಸಹ ರಾಜರಾಜೇಶ್ವರಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು-ಪ್ರತಿದೂರು ದಾಖಲಿಸಿರುವುದು ಸದ್ಯ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
ಕಳೆದ ವರ್ಷ ದರ್ಶನ್ ಅವರಿಗೆ ಜಾಮೀನು ಪ್ರಕ್ರಿಯೆ ನಡೆಯುತ್ತಿದ್ದ ಸಂದರ್ಭದಲ್ಲಿ ಧನ್ವೀರ್ ಅವರು ನ್ಯಾಯಾಲಯದಲ್ಲಿ ಶೂರಿಟಿ (ಜಾಮೀನು ಸಹಿ) ನೀಡುವ ಮೂಲಕ ದರ್ಶನ್ ಕುಟುಂಬಕ್ಕೆ ಹೆಗಲಾಗಿದ್ದರು. ಆನಂತರ ಹಲವು ಬಾರಿ ದರ್ಶನ್ ಅವರನ್ನು ಭೇಟಿ ಮಾಡಿ ತಾವು ಅವರಿಗೆ ಎಷ್ಟು ಆಪ್ತರು ಎನ್ನುವುದನ್ನು ಅರ್ಥ ಮಾಡಿಸಿದ್ದರು. ಆದರೆ, ಇಬ್ಬರ ನಡುವೆ ಭಿನ್ನಾಭಿಪ್ರಾಯ ವಿಕೋಪಕ್ಕೆ ತಿರುಗಿದೆ.
ಈ ಸಮಯಕ್ಕೆ ಸುದೀಪ್ ಕೊಟ್ಟಿರುವ ಸಲಹೆ ಸಖತ್ ಹೊಂದಿಕೆಯಾಗುತ್ತದೆ ಎಂದು ವಿಡಿಯೋಗಳನ್ನು ಹಂಚಿಕೊಳ್ಳಲಾಗುತ್ತಿದೆ. ಆ ವಿಡಿಯೋದಲ್ಲಿ ಕಿಚ್ಚ ಮಾತನಾಡಿದ್ದು ಹೀಗೆ, 'ಯಾರೋ ಒಬ್ಬರು ಬರುತ್ತಾರೆ. ನಮ್ಮ ಮನೆಯಲ್ಲಿ ಸಿಕ್ಕಾಪಟ್ಟೆ ಒಡಿತಿದ್ದಾರೆ ಎಂದು ಮತ್ತೊಬ್ಬರ ಮನೆಗೆ ಹೋಗಿ ಸಪೋರ್ಟ್ ಕೇಳ್ತಾರೆ. ಅವರು ಸಪೋರ್ಟ್ ಮಾಡ್ತಾರೆ. ಕೊನೆಗೆ ಅವರಿಬ್ಬರು ಒಂದಾಗ್ತಾರೆ. ಸಪೋರ್ಟ್ ಮಾಡಿದವರು ಒಡೆದಾಡಿಕೊಳ್ತಿರ್ತಾರೆ. ಇದ್ರಿಂದ ಕಲಿಯಬೇಕಾದ ಪಾಠ ಏನಂದ್ರೆ ಮನೆಗೆ ಹೋಗ್ಬೇಕು ಟಿವಿ ಆನ್ ಮಾಡಿ ನೋಡಿ,ನಾವು ಏನನ್ನು ಮಾಡಬಾರದು ಅನ್ನೋದನ್ನು ಕಲಿಯಬೇಕು' ಎಂದಿದ್ದಾರೆ. ಅದನ್ನು ಅಭಿಮಾನಿಗಳು ಈಗ ವೈರಲ್ ಮಾಡುತ್ತಾ..ನೀವಂದು ಮಾತನಾಡಿದ್ದು..ಇಂದಿನ ಘಟನೆಗೆ ಹೋಲಿಕೆಗೆ ಹೊಂದಿಕೊಳ್ಳುತ್ತಿದೆ ಎಂದು ಕಾಮೆಂಟ್ಗಳ ಸುರಿಮಳೆ ಸುರಿಸುತ್ತಿದ್ದಾರೆ.
ಈ ಹಿಂದೆ ಸುದೀಪ್ ಸರ್ ಕೊಟ್ಟ ಹೇಳಿಕೆ ಎಷ್ಟು ಅರ್ಥಪೂರ್ಣವಾಗಿದೆ ಎಂದು ಒಬ್ಬರು ಬರೆದುಕೊಂಡಿದ್ದರೆ, ಮತ್ತೊಬ್ಬ ಎಕ್ಸ್ ಬಳಕೆದಾರ, ಸುದೀಪ್ ಸರ್ ಹೇಳಿಕೆ ಬಗ್ಗೆ ಈಗ ತಿಳಿಯುತ್ತಿದೆ ಎಂದಿದ್ದಾರೆ.
ದರ್ಶನ್ ಪಿಎ ಹಾಗೂ ವಿಜಯಲಕ್ಷ್ಮಿ ಅವರಿಗೆ ಆಪ್ತನಾಗಿರುವ ನಾಗರಾಜು ಧನ್ವೀರ್ ವಿರುದ್ಧ ದೂರು ನೀಡಿದ್ದರು. ಜೊತೆಗೆ, ಧನ್ವಿರ್ ಬೈದಿರುವ ಮೊಬೈಲ್ ಆಡಿಯೋ ದಾಖಲೆಗಳನ್ನೂ ಪೊಲೀಸರಿಗೆ ಒದಗಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ಧನ್ವೀರ್ ಅವರ ತಂದೆ ತಿಮ್ಮಗೌಡ ಸಹ ವಿಜಯಲಕ್ಷ್ಮಿ ಹಾಗೂ ಇನ್ನೂ ಕೆಲವರ ವಿರುದ್ಧ ರಾಜಾಜಿನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
ಈ ಸಂಬಂಧ ಸುದ್ದಿಗಾರರ ಜತೆ ಮಾತನಾಡಿರುವ ಧನ್ವೀರ್, ದೂರು ಕೊಡಲಿ. ಇದಾದ ಮೇಲೂ ನಾನು ಆತನಿಗೆ ನಿಂದನೆ ಮಾಡಿಯೇ ಮಾಡುತ್ತೇನೆ ಎಂದು ಪ್ರತಿಕ್ರಿಯಿಸಿದರು. ಒಬ್ಬ ವ್ಯಕ್ತಿ ಸುಮ್ಮನೆ ನಿಂದಿಸುವುದಿಲ್ಲ. ಯಾವ ಕಾರಣಕ್ಕೆ ನಿಂದಿಸಿದೆ ಎಂಬುದು ಬೇಕಲ್ವಾ? ಆ ಕಾರಣ ಹೊರಗಡೆ ಬಂದರೆ ಯಾರ ಮ್ಯಾನೇಜ‌ರ್ ಅಂತಿದ್ದಾರಲ್ಲಾ ಈಗ, ಅವರ ಬಂಡವಾಳ ಬಯಲಿಗೆ ಬರಲಿದೆ. ಮುಖವಾಡ ಕಳಚಿ ಬೀಳುವ ಸಮಯ ಬಂದಿದೆ. ಮುಖವಾಡ ಕಳಚಲು ನಾವು ಸಿದ್ದ ಎಂದು ಹೇಳಿದರು, (ಏಜೆನ್ಸೀಸ್).