ಅಮೆಜಾನ್ ಪ್ರೖೆಂನಲ್ಲಿ ಕಳೆದ ತಿಂಗಳು ಬಿಡುಗಡೆಯಾಗಿ ಸ್ಟ್ರೀಮ್ ಆಗುತ್ತಿರುವ ‘ಶೇರ್ಷಾ’ ಚಿತ್ರವು, ಅಮೆಜಾನ್ ಪ್ರೖೆಮ್ ಇಂಡಿಯಾದಲ್ಲೇ ಅತೀ ಹೆಚ್ಚು ವೀಕ್ಷಣೆ ಕಂಡ ಸಿನಿಮಾ ಪಟ್ಟಿಗೆ ಸೇರುವ ಮೂಲಕ ನಂ.1 ಪಟ್ಟ ಅಲಂಕರಿಸಿದೆ.
ಆಗಸ್ಟ್ 12ರಂದು ಪ್ರೖೆಂನಲ್ಲಿ ಪ್ರಸಾರವಾದ ಈ ಚಿತ್ರಕ್ಕೆ ಮೆಚ್ಚುಗೆಯ ಮಹಾಪೂರವೇ ಹರಿದು ಬಂದಿತ್ತು. ಇದೀಗ ಯಾರೂ ಮಾಡದ ದಾಖಲೆಯೊಂದನ್ನು ಬುಟ್ಟಿಗೆ ಹಾಕಿಕೊಳ್ಳುವ ಮೂಲಕ ಸಂಭ್ರಮದಲ್ಲಿದೆ ಇಡೀ ತಂಡ. ಅಂದಹಾಗೆ, ‘ಶೇರ್ಷಾ’, ಪರಮ ವೀರ ಚಕ್ರ ಪ್ರಶಸ್ತಿ ಪುರಸ್ಕೃತ ಕ್ಯಾಪ್ಟನ್ ವಿಕ್ರಂ ಬಾತ್ರಾ ಅವರ ಕುರಿತಾದ ಸಿನಿಮಾ. 1999ರ ಕಾರ್ಗಿಲ್ ಯುದ್ಧದ ಹಿನ್ನೆಲೆಯಲ್ಲಿ ನಿರ್ದೇಶಕ ವಿಷ್ಣುವರ್ಧನ್ ಚಿತ್ರವನ್ನು ಹೆಣೆದಿದ್ದರು. ಕರಣ್ ಜೋಹರ್ ತಮ್ಮ ಧರ್ಮ ಪ್ರೊಡಕ್ಷನ್ಸ್ ಬ್ಯಾನರ್ನಲ್ಲಿ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದರು. ಈ ಖುಷಿಯ ವಿಚಾರವನ್ನು ಚಿತ್ರತಂಡ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುವ ಮೂಲಕ ಧನ್ಯವಾದ ತಿಳಿಸಿದೆ. -ಏಜೆನ್ಸೀಸ್