ಹೈದರಾಬಾದ್: ನಟಿ ಸಮಂತಾ ನಟನೆಯ ಬಹುನಿರೀಕ್ಷಿತ ಶಾಕುಂತಲಂ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ನಿನ್ನೆಯಷ್ಟೇ (ಜ.9) ಹೈದರಾಬಾದ್ನಲ್ಲಿ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮ ನಡೆಯಿತು. ಈ ವೇಳೆ ನಿರ್ದೇಶಕ ಗುಣಶೇಖರ್ ಆಡಿದ ಮಾತಿಗೆ ಸಮಂತಾ ವೇದಿಕೆ ಮೇಲೆಯೇ ಭಾವುಕರಾಗಿ ಕಣ್ಣೀರು ಸುರಿಸಿದರು.
ನನ್ನ ಸಿನಿಮಾದ ಮೊದಲ ಹೀರೋ ಸಮಂತಾ ಎಂದ ನಿರ್ದೇಶಕ ಗುಣ ಶೇಖರ್ ಹೊಗಳಿದರು. ಈ ವೇಳೆ ನಿರ್ದೇಶಕರ ಮಾತು ಕೇಳಿ ಇದ್ದಕ್ಕಿದ್ದಂತೆ ಸಮಂತಾ ಕಣ್ಣೀರಾಕಿದರು. ಸಮಂತಾರ ಕಣ್ಣೀರು ಕಂಡು ನಿರ್ದೇಶಕರು ಸಹ ಭಾವುಕರಾದರು. ಮಯೋಸಿಟಿಸ್ ಎಂಬ ವಿಚಿತ್ರ ಕಾಯಿಲೆಯಿಂದ ಸಮಂತಾ ಬಳಲುತ್ತಿದ್ದು, ತುಂಬಾ ದಿನಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಚಿಕಿತ್ಸೆಯ ನಡುವೆಯೇ ಸಮಂತಾ ನಟನೆಯ ಯಶೋದಾ ಸಿನಿಮಾ ಬಿಡುಗಡೆಯಾಗಿತ್ತು. ಆ ಕ್ಷಣದಲ್ಲೂ ಸಿನಿ ಪ್ರಚಾರದಲ್ಲಿ ಸಮಂತಾ ಕಾಣಿಸಿಕೊಂಡಿದ್ದರು. ಇದೀಗ ತುಂಬಾ ದಿನಗಳ ವಿರಾಮ ನಂತರ ಶಾಕುಂತಲಂ ಸಿನಿಮಾ ಟ್ರೈಲರ್ ವೇಳೆ ಸಮಂತಾ ಮತ್ತೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ. ವೇದಿಕೆಯಲ್ಲಿ ಸಮಂತಾ ಕಣ್ಣೀರಿಟ್ಟಿದ್ದನ್ನು ಕಂಡು, ಸ್ಯಾಮ್ ನೀವು ತುಂಬಾ ಸ್ಟ್ರಾಂಗ್ ಆಗಿರಬೇಕು ಎಂದು ಅಭಿಮಾನಿಗಳು ಧೈರ್ಯ ತುಂಬುತ್ತಿದ್ದಾರೆ.
ಸಮಂತಾ ಅವರು ತಮ್ಮ ಸೌಂದರ್ಯ ಮತ್ತು ಕಾಂತಿಯನ್ನು ಕಳೆದುಕೊಂಡಿದ್ದಾರೆ. ಡಿವೋರ್ಸ್ ಆದ ಬಳಿಕವು ಸಮಂತಾ ಅವರು ಮತ್ತೆ ಪುಟಿದೇಳುತ್ತಾರೆ ಮತ್ತು ವೃತ್ತಿ ಬದುಕಿನಲ್ಲಿ ಮತ್ತಷ್ಟು ಎತ್ತರಕ್ಕೆ ಬೆಳೆಯಲಿದ್ದಾರೆ ಎಂದು ಎಲ್ಲರು ಅಂದುಕೊಂಡಿದ್ದರು. ಆದರೆ, ಮಯೋಸಿಟಿಸ್ ಆಕೆಯ ಮೇಲೆ ತೀವ್ರ ಪರಿಣಾಮ ಬೀರಿದ್ದು, ಸಮಂತಾರನ್ನು ಮಾನಸಿಕವಾಗಿ ಕುಗ್ಗಿಸಿದೆ ಎಂಬ ಬರಹವುಳ್ಳ ಪೋಸ್ಟ್ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಪೋಸ್ಟರ್ ಅನ್ನು ಶೇರ್ ಮಾಡಿ ಟ್ವೀಟ್ ಮಾಡಿರುವ ಸಮಂತಾ ನನ್ನಂತೆ ತಿಂಗಳುಗಟ್ಟಲೆ ಚಿಕಿತ್ಸೆ ಪಡೆಯುವ ಪರಿಸ್ಥಿತಿ ಯಾರಿಗೂ ಬಾರದಿರಲಿ ಎಂದು ಪಾರ್ಥಿಸಿದ್ದಾರೆ. ಕಷ್ಟದ ಸಮಯದಲ್ಲೂ ಸಮಂತಾರ ಆರೋಗ್ಯ ಸ್ಥಿತಿಯನ್ನು ಅಣಕಿಸಿ ಟ್ರೋಲ್ ಮಾಡಿದವರಿಗೂ ಸಮಂತಾ ಒಳ್ಳೆಯದನ್ನೇ ಬಯಸಿ, ದೊಡ್ಡತನ ಮೆರೆದಿದ್ದಾರೆ.
ಏನಿದು ಮಯೋಸಿಟಿಸ್?
ಮಯೋಸಿಟಿಸ್ ಎಂಬ ಕಾಯಿಲೆಯಿಂದ ಬಳಲುತ್ತಿರುವುದಾಗಿ ಸಮಂತಾ ಹೇಳಿದ್ದಾರೆ. ಈ ಕಾಯಿಲೆಯಿಂದ ಮಾಂಸಖಂಡಗಳು ವೀಕ್ ಆಗುತ್ತವಂತೆ. ಮಾಂಸಖಂಡಗಳಲ್ಲಿ ಉರಿಯೂತ ಕಾಣಿಸಿಕೊಳ್ಳುತ್ತವಂತೆ. ಸಮಂತಾರ ಈ ಆರೋಗ್ಯ ಸ್ಥಿತಿಗೆ ಅತಿಯಾದ ವರ್ಕೌಟ್ ಎಂದು ಹೇಳಲಾಗುತ್ತಿದೆ. ಸಾಮಾನ್ಯವಾಗಿ ಜಿಮ್ನಲ್ಲಿ ಹೆಚ್ಚು ಸಮಯ ಕೆಳೆಯುವವರು ಹಾಗೂ ಎಂದಿಗೂ ಸಾಮಾನ್ಯ ದೈನಂದಿನ ಕೆಲಸ ಮಾಡದ ಜನರು ಈ ಮೈಯೋಸಿಟಿಸ್ನಂತಹ ಆರೋಗ್ಯ ಪರಿಸ್ಥಿತಿಯನ್ನು ಎದುರಿಸುತ್ತಾರೆ. ಅಲ್ಲದೆ, ಅಂತರಾಷ್ಟ್ರೀಯ ವೈದ್ಯಕೀಯ ನಿಯತಕಾಲಿಕಗಳ ಪ್ರಕಾರ ಆಲ್ಕೋಹಾಲ್ ಮತ್ತು ಡ್ರಗ್ಸ್ನ ಅತಿಯಾದ ಬಳಕೆಯು ಸಹ ಈ ಸ್ಥಿತಿಗೆ ಕಾರಣವಾಗುತ್ತದೆಯಂತೆ.
ನಿಮಗೆಲ್ಲರಿಗೂ ಗೊತ್ತಿರುವ ಹಾಗೇ ಸಮಂತಾ ತುಂಬಾ ವರ್ಕೌಟ್ ಮಾಡುತ್ತಿದ್ದರು. ಅದಕ್ಕೆ ಸಂಬಂಧಿಸಿದ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಸದಾ ಹಂಚಿಕೊಳ್ಳುತ್ತಿದ್ದರು. ಜಿಮ್ನಲ್ಲಿ ಸಮಂತಾ ಅವರು ತುಂಬಾ ಕಠಿಣವಾದ ಅಭ್ಯಾಸಗಳನ್ನೇ ಮಾಡಿದ್ದಾರೆ. ಅಲ್ಲದೆ, ಹೆಚ್ಚು ಸಮಯ ಜಿಮ್ನಲ್ಲಿ ಕಳೆಯುತ್ತಿದ್ದರು. ದೇಹವನ್ನು ಫಿಟ್ ಆಗಿ ಇಡಲು ಅತಿಯಾದ ಜಿಮ್ ಮಾಡಿದ ಕಾರಣ ಇಂದು ಈ ಆರೋಗ್ಯ ಸ್ಥಿತಿಯನ್ನು ಎದುರಿಸುತ್ತಿದ್ದಾರೆ ಎಂದು ಹೇಳಲಾಗಿದೆ. ಇನ್ನು ಇದೇ ಸಮಯದಲ್ಲಿ ನಾಗಚೈತನ್ಯರೊಂದಿಗಿನ ಡಿವೋರ್ಸ್ ಕಾರಣದಿಂದಾಗಿ ಸಮಂತಾ ಖಿನ್ನತೆಗೂ ಜಾರಿದ್ದರು ಎನ್ನಲಾಗಿದೆ.
'ಶಾಕುಂತಲಂ’ ಚಿತ್ರವನ್ನು ಗುಣ ಟೀಂವರ್ಕ್ಸ್ ಬ್ಯಾನರ್ನಡಿ ನಿರ್ಮಾಣವಾಗಿದ್ದು, ಕಾಳಿದಾಸನ ‘ಅಭಜ್ನಾನ ಶಾಕುಂತಲ’ವನ್ನು ಆಧರಿಸಿದೆ. ಈ ಚಿತ್ರದಲ್ಲಿ ಸಮಂತಾ ಜತೆಗೆ ಅಲ್ಲು ಅರ್ಜುನ್ ಮಗಳು ಅಲ್ಲು ಅರ್ಹ, ಮೋಹನ್ ಬಾಬು, ಸಚಿನ್ ಖೇಡೇಕರ್, ಗೌತಮಿ ಮುಂತಾದವರು ನಟಿಸಿದ್ದು, ಚಿತ್ರವು ಫೆಬ್ರವರಿ 17ರಂದು ಜಗತ್ತಿನಾದ್ಯಂತ ಬಿಡುಗಡೆಯಾಗಲಿದೆ. (ಏಜೆನ್ಸೀಸ್)