ನಟ ಉಪೇಂದ್ರ ಮನೆಯಲ್ಲಿ ಮದುವೆ ಸಂಭ್ರಮ; 'ಸೀತಾ ಪಯಣ'ದ ನಟ ನಿರಂಜನ್​ ಸುಧೀಂದ್ರ ನಿಶ್ಚಿತಾರ್ಥ​, ಹುಡ್ಗಿ ಯಾರು?

Niranjan gets engaged to Sanjana: ಸೀತಾ ಪಯಣ, ನಮ್ಮ ಹುಡಗರು ಸಿನಿಮಾಗಳಲ್ಲಿ ಮಿಂಚಿದ್ದ ಚಾಕ್ಲೇಟ್​ ಬಾಯ್​ ಉಪೇಂದ್ರ ಅವರ ಅಣ್ಣನ ಮಗ ಹಾಗೂ ನಟ ನಿರಂಜನ್​ ಸುಧೀಂದ್ರ ಅವರು ಬೆಂಗಳೂರಿನ ಖಾಸಗಿ ರೆಸಾರ್ಟ್​ನಲ್ಲಿ ಸದ್ದಿಲ್ಲದೆ ಎಂಗೇಜ್​ಮೆಂಟ್ ಮಾಡಿಕೊಂಡಿದ್ದಾರೆ. ಮೇ.25ರಂದು ಈ ಸಂಭ್ರಮ ಮನೆ ಮಾಡಿದ್ದು, ಸೋಶಿಯಲ್​ ಮೀಡಿಯಾದಲ್ಲಿ ಪ್ರಿಯಾಂಕಾ ಉಪೇಂದ್ರ ಹಾಗೂ ಅವರ ಇಬ್ಬರು ಮಕ್ಕಳ ಫೋಟೋಗಳು ವೈರಲ್ ಆಗಿವೆ.

ನಿರಂಜನ್​ ಸುಧೀಂದ್ರ ಮತ್ತು  ಸ್ತ್ರೀರೋಗ ತಜ್ಞೆ ಸಂಜನಾ ಬಿ ರಾಜ್​ ಉಂಗುರ ಬದಲಾಯಿಸಿಕೊಂಡು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಫೋಟೋಗಳನ್ನು ಪ್ರಿಯಾಂಕಾ ಉಪೇಂದ್ರ ಅವರು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. 

ರೇಷ್ಮೇ ಪ್ರಿಂಟೆಂಡ್​​​ ಹೂಗಳಿರುವ  ಮರೂನ್​ ಕುರ್ತಾವನ್ನು ಉಪೇಂದ್ರ ಧರಿಸಿದ್ದರೆ, ನಟಿ ಪ್ರಿಯಾಂಕಾ ಉಪೇಂದ್ರ ಅವರು ಕೆಂಪು ಬಣ್ಣದ ಸೀರೆ ಅದಕ್ಕೊಪ್ಪುವ ನೆಕ್ಲೇಸ್​​ ಧರಿಸಿ ಸ್ಟನ್ನಿಂಗ್​ ಆಗಿ. ಮಕ್ಕಳ ಜೊತೆಗಿನ ಫೋಟೋ ಕಂಡು ಅಭಿಮಾನಿಗಳು ಫಿದಾ ಆಗಿದ್ದಾರೆ. ಪೋಷಕರಂತೆ ಮಕ್ಕಳು ಎಂದು ಕೊಂಡಾಡಿದ್ದಾರೆ. ಉಪ್ಪಿ ಸರ್​ ನೀವ್ ಮಾತ್ರ ಸಖತ್​ ಆಗಿ ಕಾಣ್ತಿದ್ದೀರಾ, ಬ್ಯೂಟಿಫುಲ್ ಎನ್ನುತ್ತಾ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.

ಈ ಹಿಂದೆ ಆರ್​ಸಿಬಿ ತಂಡದ ಕ್ರಿಕೆಟ್​ ಆಟಗಾರ್ತಿ ಶ್ರೇಯಾಂಕಾ ಪಾಟೀಲ್​ ಮತ್ತು ನಿರಂಜನ್​ ಡೇಟಿಂಗ್​ನಲ್ಲಿದ್ದಾರೆ. ಅವರಿಬ್ಬರೆ ಮದುವೆ ಮಾಡಿಕೊಳ್ಳುತ್ತಾರೆ ಎನ್ನುವ ವದಂತಿ ಇತ್ತು. ನಿರಂಜನ್​ ಅಂದು ಈ ಬಗ್ಗೆ ಕಿಡಿಕಾರಿ ಪೋಸ್ಟ್ ಹಂಚಿಕೊಂಡಿದ್ದರು. ಇನ್ವಿಟೇಶನ್​ ಬಂದ್ರೆ ನಮಗೆ ಒಂದು ಕೊಡಿ. ಫ್ಯಾಕ್ಟ್​ ಚೆಕ್ ಮಾಡಿದ ನಂತರ ಪೋಸ್ಟ್​ ಮಾಡಿ. ಸುಳ್ಳು ಸುದ್ದಿ ಹಬ್ಬಿಸೋದು ಬಿಡಿ ಎಂದು ಕಿಡಿಕಾರಿದ್ದರು.

ನಿರಂಜನ್​ ಅವರು ಬಳ್ಳಾರಿ ನಾಗ ಸಿನಿಮಾದಲ್ಲಿ  ಬಾಲ ನಟನಾಗಿ ಕಾಣಿಸಿಕೊಂಡಿದ್ದರು. ಸೆಕೆಂಡ್​ ಹಾಫ್ ಸಿನಿಮಾದಲ್ಲಿ ಅವರ ಚಿಕ್ಕಮ್ಮ ನಟಿ ಪ್ರಿಯಾಂಕಾ ಉಪೇಂದ್ರ ವಅರ ಜೊತೆ ಕಾಣಿಸಿಕೊಂಡಿದ್ದರು.  ಇತ್ತೀಚೆಗೆ ರಿಲೀಸ್​ ಆಗಿದ್ದ ಅರ್ಜಿನ್​ ಸರ್ಜಾ ನಿರ್ಮಾಣ, ನಿರ್ದೇಶನ ಸೀತಾ ಪಯಣ ಸಿನಿಮಾದಲ್ಲಿ ನಾಯಕ ನಟನಾಗಿ ಮಿಂಚಿದ್ದರು. ಇದರಲ್ಲಿ ಐಶ್ವರ್ಯಾ ಸರ್ಜಾ ಅವರು ನಟಿಯಾಗಿ ಕಾಣಿಸಿಕೊಂಡಿದ್ದರು, (ಏಜೆನ್ಸೀಸ್).