- "ಜಿಮ್ಮಿ' ಚಿತ್ರದ ಟೀಸರ್ ಮತ್ತು ತೆಲುಗಿನ "ಹಿಟ್ 3' ಟ್ರೇಲರ್ನಲ್ಲಿ ಬಿಟ್ಗಳನ್ನು ಹಾಡಿದ್ದರು ಸಾನ್ವಿ ಸುದೀಪ್
- ಮಾರ್ಕ್ ಚಿತ್ರದ ಮಸ್ತ್ ಮಲೈಕಾ ಮೂಲಕ ಗಾಯಕಿಯಾಗಿ ಪದಾರ್ಪಣೆ
- ಮುಂದಿನ ವರ್ಷ ಕ್ಯಾಮರಾ ಮುಂದೆ ಬರಲಿದ್ದಾರೆ ಕಿಚ್ಚ ಸುದೀಪ್ ಪುತ್ರಿ
- ಏಕಲವ್ಯಳಂತೆ ತಾವೇ ಖುದ್ದು ಗಾಯನ ಕಲಿತಿರುವ ಸಾನ್ವಿ ಸುದೀಪ್
Sanvi Sudeep - ಕಿಚ್ಚ ಸುದೀಪ್ ನಾಯಕನಾಗಿರುವ "ಮಾರ್ಕ್' ಹಲವು ವಿಶೇಷತೆಗಳಿಂದ ಕೂಡಿದೆ. "ಮ್ಯಾಕ್ಸ್' ಯಶಸ್ಸಿನ ಬಳಿಕ ಸುದೀಪ್ ಮತ್ತು ನಿರ್ದೇಶಕ ವಿಜಯ್ ಕಾರ್ತಿಕೇಯ ಕಾಂಬಿನೇಷನ್ನಲ್ಲಿ ಬರುತ್ತಿರುವುದು ಒಂದು ಕಾರಣವಾದರೆ ಮಲಯಾಳಂ ನಟ ಟಾಮ್ ಶೈನ್ ಚಾಕೊ, ತೆಲುಗಿನ ನವೀನ್ ಚಂದ್ರ, ತಮಿಳಿನ ಯೋಗಿ ಬಾಬು, ಗುರು ಸೋಮಸುಂದರಂ ಮತ್ತು ದೀಪ್ಶಿಕಾ ಸೇರಿ ಕನ್ನಡದ ಪ್ರತಾಪ್ ನಾರಾಯಣ್, ರೋಷಿನಿ ಪ್ರಕಾಶ್, ಅರ್ಚನಾ ಕೊಟ್ಟಿಗೆ ಸೇರಿ ಬೇರೆ ಬೇರೆ ಚಿತ್ರರಂಗಗಳ ಹಲವು ಕಲಾವಿದರು ತೆರೆ ಹಂಚಿಕೊಂಡಿರುವುದು ಮತ್ತೊಂದು ಕಾರಣ. ಈಗಾಗಲೇ ಚಿತ್ರದ "ಸೈಕೋ ಸೈತಾನ್' ವೈರಲ್ ಆಗಿದ್ದು, ಇತ್ತೀಚೆಗಷ್ಟೆ "ಮಸ್ತ್ ಮಲೈಕಾ' ರಿಲೀಸ್ ಆಗಿದೆ.
ಅಜನೀಷ್ ಲೋಕನಾಥ್ ಸಂಗೀತ, ಅನೂಪ್ ಭಂಡಾರಿ ಸಾಹಿತ್ಯವಿರುವ ಈ ಹಾಡಿಗೆ ನಕಾಶ್ ಅಜೀಜ್ ಜತೆ ಕಿಚ್ಚ ಸುದೀಪ್ ಪುತ್ರಿ ಸಾನ್ವಿ ಧ್ವನಿಯಾಗಿರುವುದು ವಿಶೇಷ. "ಜಿಮ್ಮಿ' ಚಿತ್ರದ ಟೀಸರ್ ಮತ್ತು ತೆಲುಗಿನ "ಹಿಟ್ 3' ಟ್ರೇಲರ್ನಲ್ಲಿ ಬಿಟ್ಗಳನ್ನು ಹಾಡಿದ್ದ ಸಾನ್ವಿ, ವಿಜಯವಾಣಿ ಜತೆ ಚೊಚ್ಚಲ ಹಾಡಿನ ಅನುಭವ ಬಿಚ್ಚಿಟ್ಟಿದ್ದಾರೆ. "ಅಜನೀಷ್ ಸರ್ ಸಂಗೀತ, ಅಪ್ಪನ ಸಿನಿಮಾದಲ್ಲಿ ಒಂದು ಇಡೀ ಹಾಡನ್ನು ನಾನು ಹಾಡಿದ್ದೇನೆ ಅನ್ನೋದನ್ನ ನನಗೇ ನಂಬಲಾಗುತ್ತಿಲ್ಲ. ತುಂಬ ಎಕ್ಸೈಟ್ ಆಗಿದ್ದೇನೆ. ಅಜನೀಷ್ ಸರ್ ನನ್ನಿಂದ ಹಾಡಿಸಬೇಕು ಅಂತ ತುಂಬ ದಿನಗಳಿಂದ ಅಂದುಕೊಂಡಿದ್ದರು. "ಮಸ್ತ್ ಮಲೈಕಾ' ಟ್ಯೂನ್ ಕೇಳಿ ಅಪ್ಪ ನನ್ನಿಂದ ಹಾಡಿಸಬಹುದಾ ಎಂದು ಕೇಳಿದರಂತೆ. ಕನ್ನಡದಲ್ಲಿ ಮಾತ್ರ ನಾನು ಹಾಡಿದ್ದೇನೆ. ಇದುವರೆಗೆ ಇಂಗ್ಲೀಷ್ ಹಾಡುಗಳನ್ನಷ್ಟೇ ಹೆಚ್ಚು ಹಾಡುತ್ತಿದ್ದೆ. ಮೊದಲ ಬಾರಿ ರೆಕಾರ್ಡಿಂಗ್ ಸ್ಟುಡಿಯೋಗೆ ಹೋದಾಗ ಮೊದಲ ಬಾರಿ ಕನ್ನಡದಲ್ಲಿ ಹಾಡುತ್ತಿದ್ದೇನೆ ಅಂತ ಸ್ವಲ್ಪ ನರ್ವಸ್ ಆಗಿದ್ದೆ. ಇನ್ನು ಮುಂದೆ ಹೆಚ್ಚಿನ ಹಾಡುಗಳನ್ನು ಕನ್ನಡದಲ್ಲಿ ಹಾಡಬೇಕು ಅಂತಂದುಕೊಂಡಿದ್ದೇನೆ. ಹಾಡಿನ ಜತೆಗೆ ನನ್ನ ಗಾಯನಕ್ಕೂ ಒಳ್ಳೆ ಪ್ರತಿಕ್ರಿಯೆ ಸಿಗುತ್ತಿದೆ. ಹಾಡು ಭಾರತದಲ್ಲೇ ಏಳನೇ ಸ್ಥಾನದಲ್ಲಿ ಟ್ರೆಂಡಿಂಗ್ನಲ್ಲಿದೆ. ಅಪ್ಪ ಕೂಡ ತುಂಬ ಖುಷಿಯಾಗಿದ್ದಾರೆ. ಹಾಡು ಬಿಡುಗಡೆಯಾದಾಗ ಲೂಪ್ನಲ್ಲಿಟ್ಟು ಹಲವಾರು ಬಾರಿ ಹಾಡನ್ನು ಕೇಳಿ ಎಂಜಾಯ್ ಮಾಡಿದರು' ಎಂದು ಸಂತಸ ಹಂಚಿಕೊಳ್ಳುತ್ತಾರೆ ಸಾನ್ವಿ.
ತಾನೇ ಟೀಚರ್, ತಾನೇ ಸ್ಟೂಡೆಂಟ್!
ಅಂದಹಾಗೆ ಸಾನ್ವಿ ಯಾವುದೇ ಶಿಕ್ಷಕರ ಬಳಿ ಸಂಗೀತ ಕಲಿತಿಲ್ಲ. ಬದಲಾಗಿ ಏಕಲವ್ಯನ ರೀತಿ ತಾವೇ ಕಲಿತಿದ್ದಾರೆ. ವಿಶೇಷ ಅಂದರೆ ಈಗಾಗಲೇ ಹೈದರಾಬಾದ್ನಲ್ಲಿ ಮೂರು ಹಾಗೂ ಬೆಂಗಳೂರಿನಲ್ಲಿ ಒಂದು ಲೈವ್ ಸಂಗೀತ ಕಾರ್ಯಕ್ರಮ ಕೊಟ್ಟು ಸೈ ಎನಿಸಿಕೊಂಡಿದ್ದಾರೆ. "ನನಗೆ ಬಾಲ್ಯದಿಂದಲೂ ಸಂಗೀತದ ಬಗ್ಗೆ ತುಂಬ ಒಲವು. ನಾನೇ ಸ್ವಯಂ ಕಲಿಯತೊಡಗಿದೆ. ಮೊದಲೆಲ್ಲಾ ಹಾಡುವಾಗ ಆಡಿಕೊಳ್ಳುತ್ತಿದ್ದರು. ಆ ಬಳಿಕ ಸಂಗೀತವನ್ನು ಹೆಚ್ಚು ಗಂಭೀರವಾಗಿ ತೆಗೆದುಕೊಂಡು ಕಲಿಯತೊಡಗಿದೆ. ಈಗಲೂ ಪ್ರ್ಯಾಕ್ಟೀಸ್ ಮಾಡುತ್ತೇನೆ. ನನ್ನ ಅಭಿಪ್ರಾಯ ಸರಿ ಇರಬಹುದು ಅಥವಾ ತಪ್ಪೂ ಇರಬಹುದು. ಆದರೆ, ಟೀಚರ್ ಬಳಿ ಸಂಗೀತ ಕಲಿಯಲು ನನಗೆ ಇಷ್ಟವಿರಲಿಲ್ಲ. ಏನೇ ಕಲಿತರೂ ನಾನೇ ಕಲಿಯಬೇಕು ಅಂತನೇ ಅಂದುಕೊಂಡಿದ್ದೆ. ಗಾಯನದ ಜತೆಗೆ ಪಿಯಾನೋ ಮತ್ತು ಗಿಟಾರ್ ಕೂಡ ನಾನೇ ಕಲಿಯುತ್ತಿದ್ದೇನೆ.
ತೆರೆ ಮುಂದೆ ಬರಲು ಸಿದ್ಧತೆ!
"ಮಸ್ತ್ ಮಲೈಕಾ' ಬಿಡುಗಡೆ ಬೆನ್ನಲ್ಲೇ ಸಾನ್ವಿ ಹಾಡಿರುವ ಎರಡನೇ ಸಾಂಗ್ ಬಿಡುಗಡೆಗೆ ಸಿದ್ಧತೆ ನಡೆದಿದೆ. ಅಣ್ಣ ಸಂಚಿತ್ ಸಂಜೀವ್ ನಾಯಕನಾಗಿರುವ "ಮ್ಯಾಂಗೋ ಪಚ್ಚ' ಚಿತ್ರದ ರೊಮ್ಯಾಂಟಿಕ್ ಟ್ರಾ$್ಯಕ್ಗೆ ಸಾನ್ವಿ ಧ್ವನಿಯಾಗಿದ್ದಾರೆ. "ಚರಣ್ ರಾಜ್ ಸರ್ ಸಂಗೀತದಲ್ಲಿ ಹಾಡು ತುಂಬ ಚೆನ್ನಾಗಿ ಮೂಡಿಬಂದಿದೆ. ಶ್ರೀದಲ್ಲಿಯೇ ಆ ಸಾಂಗ್ ರಿಲೀಸ್ ಆಗಲಿದೆ. ಅದಲ್ಲದೇ ಸಂಗೀತ ನಿರ್ದೇಶಕ ಥಮನ್ ಸರ್ ಜತೆ ಹಲವು ತೆಲುಗು ಚಿತ್ರಗಳ ಹಿನ್ನೆಲೆ ಸಂಗೀತದಲ್ಲಿ ಕೆಲಸ ಮಾಡಿದ್ದೇನೆ. ಈಗ ತೆರೆಯ ಮುಂದೆ ಬರುವ ಪ್ಲಾ$್ಯನ್ ಕೂಡ ಇದೆ ಜತೆಗೆ ಇನ್ನಷ್ಟು ಹೆಚ್ಚು ಕೆಲಸ ಮಾಡುವ ಇಂಗಿತವಿದೆ' ಎನ್ನುವ ಸಾನ್ವಿ, ಸದ್ಯ ಮ್ಯೂಸಿಕ್ ವಿಡಿಯೋ ಆಲ್ಬಂನಲ್ಲಿ ಮಿಂಚಲು ರೆಡಿಯಾಗುತ್ತಿದ್ದಾರೆ.