ಬಾಲಿವುಡ್ ಅಂಗಳದಲ್ಲಿ ಸುಶ್ಮಿತಾ ಭಟ್ : ಕನ್ನಡದಲ್ಲಿ ಅಂಬೆಗಾಲಿಡುವ ಮುನ್ನವೇ ಹಿಂದಿಗೆ ಹಾರಿದ ಚಂದನವನದ ತಾರೆ

ಕಲಾವಿದರ ಹುಡುಕಾಟದಲ್ಲಿ ಬಾಲಿವುಡ್‌ನವರು ಗಡಿ ಮೀರಿದ್ದಾರೆ. ಹಾಗಾಗಿ, ದಕ್ಷಿಣದವರಿಗೆ ಅವಕಾಶಗಳು ಸಿಗುತ್ತಿವೆ ಎನ್ನುವ ಸುಶ್ಮಿತಾ, ‘ಕಲಾವಿದರಿಗೆ ಯಾವುದೇ ಗಡಿ ಇಲ್ಲ. ಒಂದು ಭಾಷೆಯಿಂದ ಇನ್ನೊಂದು ಭಾಷೆಗೆ ಕಲಾವಿದರ ವಿನಿಮಯ ಸಾಮಾನ್ಯವಾಗಿದೆ. ಇನ್ನು ಪೌರಾಣಿಕ ಸಿನಿಮಾಗಳು ಎಂದರೆ, ಬಾಲಿವುಡ್‌ನವರು ಹೆಚ್ಚು ದಕ್ಷಿಣ ಕಲಾವಿದರಿಗೆ ಆದ್ಯತೆ ನೀಡುತ್ತಾರೆ’ ಎಂಬುದು ನಟಿಯ ಅನಿಸಿಕೆ. ಸದ್ಯ ಸುಶ್ಮಿತಾ ಕನ್ನಡದ ‘ಕರಾವಳಿ’ ಶೂಟಿಂಗ್ ಪೂರ್ಣಗೊಳಿಸಿದ್ದು, ತೆಲುಗು ಚಿತ್ರದ ಮಾತುಕತೆಯಲ್ಲಿದ್ದಾರೆ. ಪರಭಾಷೆಯಲ್ಲಿ ಮಿಂಚುತ್ತಿದ್ದರೂ, ಕನ್ನಡದಲ್ಲಿ ಅವಕಾಶಗಳು ಹೆಚ್ಚುತ್ತಿಲ್ಲ ಎಂದು ನಟಿ ಬೇಸರಿಸುತ್ತಾರೆ.