ರಂಗಸ್ಥಳಂ ಸಿನಿಮಾ ನಂತರ ಮತ್ತೆ ಒಂದಾದ ನಿರ್ದೇಶಕ ಸುಕುಮಾರನ್ ಹಾಗೂ ನಟ ರಾಮ್ ಚರಣ್
'RC17'ಗೆ ಹೊಸ ಪ್ರಾಜೆಕ್ಟ್ಗೆ ತಂದೆ ಚಿರಂಜೀವಿ ಅವರಿಂದ ಸಿಕ್ತು ಭಾರಿ ಬೆಂಬಲ
ಮೈತ್ರಿ ಮೂವಿ ಮೇಕರ್ಸ್ ಹಾಗೂ ಸುಕುಮಾರ್ ರೈಟಿಂಗ್ಸ್ ಮತ್ತು ಟಿ ಸೀರಿಸ್ ಬ್ಯಾನರ್ ಅಡಿ ಸಿನಿಮಾ ನಿರ್ಮಾಣ
ರಂಗಸ್ಥಳಂ ಸಿನಿಮಾ ನಂತರ ನಿರ್ದೇಶಕ ಸುಕುಮಾರನ್ ಹಾಗೂ ನಟ ರಾಮ್ ಚರಣ್ ಒಟ್ಟಾಗಿ ಸಿನಿಮಾ ಮಾಡಲು ಸಜ್ಜಾಗಿದ್ದಾರೆ. ಭಾನುವಾರ ಇನ್ನೂ ಹೆಸರಿಡದ 'RC17'ಗೆ ಮುಹೂರ್ತ, ಪೂಜಾ ಕೈಂಕರ್ಯ ನಡೆದಿದ್ದು, ಪುತ್ರನ ಹೊಸ ಸಿನಿಮಾಕ್ಕೆ ನಟ ಚಿರಂಜೀವಿ ಕ್ಲಾಪ್ ಮಾಡುವ ಮೂಲಕ ಬೆಂಬಲಕೊಟ್ಟಿದ್ದಾರೆ.
ನ.1ರಂದು ಹೈದರಾಬಾದ್ನಲ್ಲಿ ನಡೆದ ಪೂಜಾ ಸಮಾರಂಭಕ್ಕೆನಿರ್ದೇಶಕ ಸುಕುಮಾರನ್, ನಟ ರಾಮ್ ಚರಣ್ ಮೈತ್ರಿ ಮೂವಿ ಮೇಕರ್ಸ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ನಟ ಚಿರಂಜೀವಿ ಅತಿಥಿಯಾಗಿ ಆಗಮಿಸಿ ತಮ್ಮ ಪುತ್ರನ ಮೊದಲ ಸಿನಿಮಾಕ್ಕೆ ಕ್ಲಾಪ್ ಮಾಡಿದರು. ಈ ಬಗ್ಗೆ ಸಿನಿಮಾ ತಂಡ ಹಾಗೂ ನಟ ರಾಮ್ ಚರಣ್ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ.
ಮೈತ್ರಿ ಮೂವಿ ಮೇಕರ್ಸ್ ಹಾಗೂ ಸುಕುಮಾರ್ ರೈಟಿಂಗ್ಸ್ ಮತ್ತು ಟಿ ಸೀರಿಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಸಿನಿಮಾ ಇದಾಗಿದೆ. ತಾತ್ಕಾಲಿಕವಾಗಿ ಸಿನಿಮಾಕ್ಕೆ ಆರ್ಸಿ 17ರಂದು ಇಡಲಾಗಿದೆ. ಸಿನಿಮಾಕ್ಕೆ ನಟಿ ಯಾರು ಎನ್ನುವ ಮಾಹಿತಿ ಇನ್ನೂ ಸ್ಪಷ್ಟವಾಗಿಲ್ಲ. ರಂಗಸ್ಥಳಂ ನಂತರ ಎಂಟು ವರ್ಷದ ಬಳಿಕ ರಾಮ್ ಚರಣ್ ಹಾಗೂ ಸುಕುಮಾರನ್ ಅವರು ಒಟ್ಟಾಗಿ ಕೆಲಸ ಮಾಡಲು ಸಜ್ಜಾಗಿದ್ದಾರೆ. ಸಿನಿಮಾ ಕಾರ್ಯಕ್ರಮದಲ್ಲಿ ಡೊರೋಥಿ, ಮೊದ ರಾತ್ರಿ ಖ್ಯಾತಿಯ ರಿಷಿಕಾಂತ್ ಸಹ ಹಾಜರಿದ್ದರು. ಅವರು ಸಿನಿಮಾದಲ್ಲಿ ನಟಿಸಲಿದ್ದಾರೆ ಎನ್ನುವ ಚರ್ಚೆಗಳು ಆಗುತ್ತಿವೆ.
ನೀಲಿ ವರ್ಣದ ನವಿಲುಗರಿಯಲ್ಲಿ ಅರ್ಧ ರಾಮ್ ಚರಣ್ ಅವರ ಮುಖವಿದೆ. ನೀವು ಎಲ್ಲವನ್ನೂ ಊಹೆ ಮಾಡಿಕೊಳ್ಳಬಹುದು. ಆದರೆ ಅದು ಎಲ್ಲರ ನಿರೀಕ್ಷೆಗೆ ಮೀರಿದ್ದು ಎನ್ನುವ ಶೀರ್ಷಿಕೆಯಡಿ ಇದೆ. ಪೋಸ್ಟರ್ ಪ್ರಕಾರ ಇದೊಂದು ಆಧ್ಯಾತ್ಮಿಕ ಕೃಷ್ಣನಿಗೆ ಆಧಾರಿಸಿದ ಸಿನಿಮಾವಿರಬಹುದು ಎಂದು ಕೆಲ ನೆಟ್ಟಿಗರು ಊಹೆ ಮಾಡಿಕೊಳ್ಳುತ್ತಿದ್ದರೆ ಇನ್ನೂ ಕೆಲವರು ಇದೊಂದು ಫೀಲ್ ಗುಡ್ ಮೂವಿಯಾಗಿರಬಹುದು ಎನ್ನುವ ಕಾಮೆಂಟ್ಗಳನ್ನು ಮಾಡುತ್ತಿದ್ದಾರೆ.
ಸಿನಿಮಾದ ತಾಂತ್ರಿಕ ತಂಡದಲ್ಲಿ ಛಾಯಗ್ರಾಹಕರಾಗಿ ರತ್ನವೇಲು ಕೆಲಸ ಮಾಡುತ್ತಿದ್ದರೆ, ಅನಿರುದ್ಧ ರವಿಚಂದರ್ ಸಂಗೀತ ನಿರ್ದೇಶಕರಾಗಿ ಕೈ ಜೋಡಿಸಿದ್ದಾರೆ. ಉಳಿದ ತಾರಾಗಣ ಮತ್ತು ಇನ್ನಿತರ ತಾಂತ್ರಿಕ ಮುಖ್ಯಸ್ಥರ ಬಗ್ಗೆ ಸಿನಿಮಾ ತ.ಡ ಮಾಹಿತಿ ನೀಡಬೇಕಾಗಿದೆ. ಕಳೆದ 2024ರ ಮಾರ್ಚ್ನಲ್ಲಿ ರಾಮ್ಚರಣ್ ಅವರು ನಿರ್ದೇಶಕ ಸುಕುಮಾರನ್ ಅವರೊಂದಿಗೆ ಸಿನಿಮಾ ಮಾಡುತ್ತಿರುವ ಬಗ್ಗೆ ಸೋಶಿಯಲ್ ಮೀಡಿಯದಲ್ಲಿ ಮಾಹಿತಿ ಹಂಚಿಕೊಂಡಿದ್ದರು.
ರಾಮ್ ಚರಣ್ ಅವರ ಮಗಧೀರ, ರಂಗಸ್ಥಳಂ, ಆರ್ಆರ್ಆರ್, ಧ್ರುವ, ಚಿರತಾ,ಎವುಡು ಸಿನಿಮಾಗಳು ಸಾಕಷ್ಟು ಹಿಟ್ ಕಂಡಿರುವಂತದ್ದು. ಜೊತೆಗೆ ಇವು ಫೀಲ್ ಗುಡ್ ಸಿನಿಮಾಗಳು. ಹೆಚ್ಚು ಹಿಟ್ ತಂದು ಕೊಟ್ಟ ಸಿನಿಮಾಗಳಾಗಿವೆ. ಆದರೆ, ಪೆದ್ದಿ ಸಿನಿಮಾವು ಅಂದುಕೊಂಡಷ್ಟು ಮಟ್ಟಕ್ಕೆ ಬ್ಲಾಕ್ ಬ್ಲಸ್ಟರ್ ಹಿಟ್ ಕಂಡಿಲ್ಲ. ಜೊತೆಗೆ ಜಾನ್ವಿ ಕಪೂರ್ ಅವರನ್ನು ಸಿನಿಮಾಕ್ಕೆ ಬಳಸಿಕೊಂಡ ವಿಧಾನವು ವಿವಾದಕ್ಕೆ ಕಾರಣವಾಗಿತ್ತು.
ಆರ್ಯ, ಆರ್ಯ2, ನೇನೊಕ್ಕಡೆ, ಪುಷ್ಪ, ಜಗದಮ್ ಎನ್ನುವ ಹಿಟ್ ಸಿನಿಮಾಗಳನ್ನು ಸುಕುಮಾರ್ ಟಾಲಿವುಡ್ಗೆ ಕೊಟ್ಟಿದ್ದಾರೆ. ಆ ಲಿಸ್ಟ್ನಲ್ಲಿ ರಂಗಸ್ಥಳಂ ಸಹ ಒಂದು. 2018ರಲ್ಲಿ ರಿಲೀಸ್ ಆದ ರಂಗಸ್ಥಳಂ ಸಿನಿಮಾ ಬ್ಲಾಕ್ ಬ್ಲಸ್ಟರ್ ಹಿಟ್ ಆಗಿತ್ತು. ರಾಮ್ ಚರಣ್, ಸಮಂತಾ ರುತ್ ಪ್ರಭು, ಜಗಪತಿ ಬಾಬು, ಪ್ರಕಾಶ್ ರಾಜ್ರಂತಹ ಘಟಾನುಘಟಿಯರು ಈ ಸಿನಿಮಾಕ್ಕಾಗಿ ಬಣ್ಣ ಹಚ್ಚಿದ್ದರು. ಸದ್ಯ ಆರ್ಸಿ 17 ಸಿನಿಮಾದಲ್ಲಿ ನಟ ರಾಮ್ ಚರಣ್ ಹಾಗೂ ನಿರ್ದೇಶಕ ಸುಕುಮಾರನ್ ಒಟ್ಟಾಗಿ ಕೆಲಸ ಮಾಡಲಿದ್ದಾರೆ, (ಏಜೆನ್ಸೀಸ್).