ಹೈದರಾಬಾದ್: ಒಂದು ಸಿನಿಮಾದಿಂದ ನಟಿಯೊಬ್ಬರು ಹೊರಗಡೆ ಬಂದರೆ ಮತ್ತೊಬ್ಬ ನಟಿಗೆ ಬಂಪರ್ ಅಂದರೆ ತಪ್ಪಾಗಲಾರದು. ವೈಯಕ್ತಿಕ ಕಾರಣಗಳಿಂದ ಕಾಜಲ್ ಅಗರ್ವಾಲ್ ಅವರು ನಾಗಾರ್ಜುನ ಅಕ್ಕಿನೇನಿ ನಟನೆಯ "ಘೋಸ್ಟ್" ಸಿನಿಮಾದಿಂದ ಹೊರಬಂದಿದ್ದಾರೆ. ಇದೀಗ ಅವರ ಜಾಗಕ್ಕೆ ಸೌತ್ ಬ್ಯೂಟಿ ಅಮಲಾ ಪೌಲ್ ಬಂದಿದ್ದಾರೆ.
ಇನ್ನು "ಘೋಸ್ಟ್" ಸಿನಿಮಾದಲ್ಲಿ ಫ್ಲ್ಯಾಶ್ಬ್ಯಾಕ್ ದೃಶ್ಯವೊಂದು ಇರುವ ಬಗ್ಗೆ ಮಾತುಗಳು ಕೇಳಿಬರುತ್ತಿವೆ. ಫ್ಲ್ಯಾಶ್ಬ್ಯಾಕ್ನಲ್ಲಿ ನಾಗಾರ್ಜುನ ಮತ್ತು ಅಮಲಾ ಪೌಲ್ ಪ್ರೀತಿಯಲ್ಲಿ ಬೀಳುವ ಮತ್ತು ಬೆಟ್ಟಗಳ ಸೌಂದರ್ಯದ ನಡುವೆ ಇಬ್ಬರ ರೊಮ್ಯಾಂಟಿಕ್ ದೃಶ್ಯಗಳಿವೆ. ಈಗಾಗಲೇ ಅದಕ್ಕೆ ಪೂರಕವಾಗಿ ಹೈದರಾಬಾದ್ ರಾಮೋಜಿರಾವ್ ಫಿಲ್ಮ್ ಸಿಟಿಯಲ್ಲಿ ಒಳಾಂಗಣ ಚಿತ್ರೀಕರಣ ಮಾಡಲಾಗಿದೆ.
ಚಿತ್ರದಲ್ಲಿ ನಾಯಕ-ನಾಯಕಿ ನಡುವೆ ಕೆಲವೊಂದು ಇಂಟಿಮೇಟ್ ದೃಶ್ಯಗಳಿದ್ದು, ಅವುಗಳನ್ನು ತುಂಬಾ ರೊಮ್ಯಾಂಟಿಕ್ ಆಗಿ ಚಿತ್ರೀಕರಿಸಲು ನಿರ್ದೇಶಕ ಪ್ರವೀಣ್ ಸತ್ತಾರು ನಿರ್ಧರಿಸಿದ್ದಾರೆ. ಲಿಪ್ಲಾಕ್ ದೃಶ್ಯವು ಒಳಗೊಂಡಿರುವುದರಿಂದ ಇಂಟಿಮೇಟ್ ದೃಶ್ಯಗಳಲ್ಲಿ ನಟಿಸಲು ಅಮಲಾ ಹೆಚ್ಚಿಗೆ ಹಣ ಕೇಳಿದ್ದಾರೆಂದು ಟಾಲಿವುಡ್ ಮೂಲಗಳು ಮಾಹಿತಿ ನೀಡಿವೆ.
ಮೊದಲೇ ನಾಗಾರ್ಜನ ಅವರಿಗೆ ವಯಸ್ಸಾಗಿರುವುದರಿಂದ ಅವರೊಂದಿಗೆ ಇಂಟಿಮೇಟ್ ದೃಶ್ಯಗಳಲ್ಲಿ ನಟಿಸುವುದು ಇರುಸು ಮುರುಸಾಗುವುದು ಸಹಜ. ಹೀಗಾಗಿ ಹೆಚ್ಚಿನ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆನ್ನಲಾಗಿದೆ. ಆದರೆ, ಎಷ್ಟು ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ ಎಂಬುದರ ಬಗ್ಗೆ ಯಾವುದೇ ಸ್ಪಷ್ಟತೆ ಇಲ್ಲ. ಆದರೆ, ಇಬ್ಬರ ನಡುವಿನ ಇಂಟಿಮೇಟ್ ದೃಶ್ಯಗಳು ಚೆನ್ನಾಗಿ ಮೂಡಿ ಬಂದಿವೆ ಎಂದು ಹೇಳಲಾಗುತ್ತಿದೆ.
ಘೋಸ್ಟ್ ಚಿತ್ರ ಪ್ರಗತಿಯಲ್ಲಿದ್ದು, ಇನ್ನೆರಡು ತಿಂಗಳಲ್ಲಿ ಇಡೀ ಚಿತ್ರದ ಶೂಟಿಂಗ್ ಮುಗಿಯಲಿದೆ ಎಂದು ತಿಳಿದುಬಂದಿದೆ. (ಏಜೆನ್ಸೀಸ್)