Priyanka Chopra (ಚಿತ್ರ X)
Priyanka Chopra: ಬಾಲಿವುಡ್ನಿಂದ ಹಾಲಿವುಡ್ವರೆಗೆ ತನ್ನದೇ ಆದ ವಿಶಿಷ್ಟ ಛಾಪು ಮೂಡಿಸಿರುವ ಜಾಗತಿಕ ತಾರೆ ಪ್ರಿಯಾಂಕಾ ಚೋಪ್ರಾ (Priyanka Chopra), ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಹೇಗೆ ಎಲ್ಲರ ಗಮನ ಸೆಳೆಯಬೇಕು ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಕೇವಲ ತಮ್ಮ ಅದ್ಭುತ ಉಡುಪುಗಳ ಆಯ್ಕೆಯಿಂದ ಮಾತ್ರವಲ್ಲದೆ, ತಮ್ಮಲ್ಲಿರುವ ಅದ್ಭುತ ಆತ್ಮವಿಶ್ವಾಸ ಮತ್ತು ವರ್ಚಸ್ವಿ ವ್ಯಕ್ತಿತ್ವದ ಮೂಲಕ ಅವರು ಹೋದ ಕಡೆಯಲ್ಲೆಲ್ಲಾ ತಕ್ಷಣವೇ ಎಲ್ಲರ ಆಕರ್ಷಣೆಯ ಕೇಂದ್ರಬಿಂದುವಾಗುತ್ತಾರೆ. ಬುಧವಾರ (ಜೂ 24), ಫ್ರಾನ್ಸ್ನಲ್ಲಿ ನಡೆಯುತ್ತಿರುವ ಪ್ರತಿಷ್ಠಿತ ಐದು ದಿನಗಳ ಅಂತರರಾಷ್ಟ್ರೀಯ ಸೃಜನಶೀಲತೆಯ ಉತ್ಸವವಾದ ‘ಕ್ಯಾನೆಸ್ ಲಯನ್ಸ್’ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಮೂಲಕ ಈ ನಟಿ ಮತ್ತೊಮ್ಮೆ ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಹೊಸ ಸಂಚಲನ ಮೂಡಿಸಿದ್ದಾರೆ.
ವೇದಿಕೆಯ ಮೇಲೆ ಕಥೆ ಹೇಳುವಿಕೆ , ಸ್ವಂತಿಕೆ ಮತ್ತು ಮನರಂಜನಾ ಉದ್ಯಮದಲ್ಲಿ ಬೆಳೆಯುವಾಗ ಒಬ್ಬರು ತಮ್ಮದೇ ಆದ ವೈಯಕ್ತಿಕ ದೃಷ್ಟಿಕೋನ ಹಾಗೂ ದೂರದೃಷ್ಟಿಯನ್ನು ಹೇಗೆ ಬದಲಾಗದಂತೆ ಹಾಗೆಯೇ ಇಟ್ಟುಕೊಳ್ಳಬೇಕು ಎಂಬ ವಿಷಯದ ಕುರಿತು ಮಾತನಾಡಿದರು. ಈ ವೇಳೆ ಅವರು ಸಿಲ್ವಿಯಾ ಟ್ಚೆರಾಸ್ಸಿ ಅವರ ಬಣ್ಣ-ಬ್ಲಾಕ್ಡ್ ಹಾಲ್ಟರ್ ಉಡುಪನ್ನು ಧರಿಸಲು ಆಯ್ಕೆ ಮಾಡಿಕೊಂಡರು.
1.8 ಲಕ್ಷದ ಉಡುಪಿನಲ್ಲಿ ಮಿಂಚಿದ ಪ್ರಿಯಾಂಕಾ!
ಕ್ಯಾನೆಸ್ ಉತ್ಸವದಲ್ಲಿ ಪ್ರಿಯಾಂಕಾ ಬರೋಬ್ಬರಿ 1,80,900 ರೂಪಾಯಿ ಬೆಲೆಯ ಸಿಲ್ವಿಯಾ ಟ್ಚೆರಾಸ್ಸಿ ಹಾಲ್ಟರ್ ಮ್ಯಾಕ್ಸಿ ಡ್ರೆಸ್ನಲ್ಲಿ ಮಿಂಚಿದರು. ಗುಣಮಟ್ಟದ ಇಟಾಲಿಯನ್ ಬಟ್ಟೆಯ ಕಾಲಮ್ ಸಿಲೂಯೆಟ್ ವಿನ್ಯಾಸ ಹಾಗೂ ಹಿಂಭಾಗದ ಟೈ ವಿವರಗಳುಳ್ಳ ಈ ಉಡುಗೆ ನಟಿಗೆ ಅತ್ಯಂತ ಚಿಕ್ ಲುಕ್ ನೀಡಿತ್ತು. ಅವರ ಈ ರಾಯಲ್ ಫ್ಯಾಷನ್ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಎಲ್ಲರ ಕಣ್ಣು ಕೋರೈಸುವಂತೆ ಮಾಡಿತು.
ಆದಾಗ್ಯೂ, ನಟಿ ತನ್ನ ಲುಕ್ ಅನ್ನು ಪೂರ್ಣಗೊಳಿಸಲು, ಅವರು ಡ್ರೆಸ್ ಅನ್ನು 35,574 ರೂ . ಮೌಲ್ಯದ ಫ್ರೆಡಾ ಸಾಲ್ವಡಾರ್ ಲೆದರ್ ಥಾಂಗ್ ಕಂಪನಿಯ ಚಪ್ಪಲಿಗಳೊಂದಿಗೆ ಜೋಡಿಸಿಕೊಂಡಿದ್ದರು.
ಅವರು ತಮ್ಮ ಕೂದಲುಗಳನ್ನು ಸಡಿಲವಾದ ಅಲೆಗಳಂತೆ ವಿನ್ಯಾಸಗೊಳಿಸಿದ್ದರು. ಗುಲಾಬಿ ಬಣ್ಣದ ಹಾರ ಮತ್ತು ರೋಲೆಕ್ಸ್ ಡೇ-ಡೇಟ್ 40 ಚಾಕೊಲೇಟ್ ಡಯಲ್ ಗಡಿಯಾರದೊಂದಿಗೆ ಅಲಂಕರಿಸಿದ್ದರು. ಮೇಕಪ್ಗಾಗಿ, ಬೇಸ್ ಮ್ಯಾಟ್ ಅನ್ನು ಇಟ್ಟುಕೊಂಡಿದ್ದು, ಹೈಲೈಟರ್ ಸೇರಿಸಿಕೊಂಡಿದ್ದಾರೆ.
ಥಿಯೇಟರ್ನಿಂದ ಹೊರಬಂದ ಮೇಲೂ ಕಾಡುವ ಚಿತ್ರಗಳೇ ಬೆಸ್ಟ್!
ಕ್ಯಾನೆಸ್ ಲಯನ್ಸ್ ಅಂತರರಾಷ್ಟ್ರೀಯ ಉತ್ಸವದ ಡೆಬಸ್ಸಿ ಥಿಯೇಟರ್ ವೇದಿಕೆಯಲ್ಲಿ ಜಾಗತಿಕ ತಾರೆ ಪ್ರಿಯಾಂಕಾ ಚೋಪ್ರಾ ಅವರು ಚಿತ್ರರಂಗದಲ್ಲಿ ಕಥೆ ಹೇಳುವಿಕೆ ಮತ್ತು ಸ್ಕ್ರಿಪ್ಟ್ ಆಯ್ಕೆಯ ಕುರಿತು ತಮ್ಮ ಯಶಸ್ಸಿನ ರಹಸ್ಯವನ್ನು ಹಂಚಿಕೊಂಡಿದ್ದಾರೆ.
ಅವರು ಮಾತನಾಡಿ, "ನಾನು ಸಿನಿಮಾಗಳನ್ನು ಆಯ್ಕೆ ಮಾಡುವಾಗ ತಾತ್ಕಾಲಿಕ ಟ್ರೆಂಡ್ಗಳನ್ನು ಎಂದಿಗೂ ಅನುಸರಿಸುವುದಿಲ್ಲ. ಏಕೆಂದರೆ ಇಂದು ಜನಪ್ರಿಯವಾಗಿರುವ ಟ್ರೆಂಡ್, ಮುಂದಿನ ವಾರವೇ ತನ್ನ ಪ್ರಸ್ತುತತೆಯನ್ನು ಕಳೆದುಕೊಳ್ಳಬಹುದು. ಸಾಮಾನ್ಯವಾಗಿ ಒಂದು ಸಿನಿಮಾ ನಿರ್ಮಾಣವಾಗಿ ಪ್ರೇಕ್ಷಕರ ಮುಂದೆ ಬರಲು ಕನಿಷ್ಠ ಒಂದು ವರ್ಷ ಬೇಕಾಗುತ್ತದೆ. ಹಾಗಾಗಿ, ಮುಂದಿನ ವರ್ಷದ ಹೊತ್ತಿಗೆ ಪ್ರೇಕ್ಷಕರಿಗೆ ಆ ಟ್ರೆಂಡ್ನ ಮೇಲೆ ಆಸಕ್ತಿ ಇರುತ್ತದೆಯೇ ಎಂಬುದು ಖಾತರಿಯಿರುವುದಿಲ್ಲ" ಎಂದಿದ್ದಾರೆ.
ನಾನು ಕಥೆಗಳನ್ನು ಓದುವಾಗ ಪ್ರವೃತ್ತಿಗಳಿಗಿಂತ ಹೆಚ್ಚಾಗಿ, ಆ ಕಥೆ ಪ್ರೇಕ್ಷಕರಲ್ಲಿ ಎಂತಹ ಭಾವನೆಯನ್ನು ಮೂಡಿಸುತ್ತದೆ ಎಂಬುದರ ಬಗ್ಗೆ ಯೋಚಿಸುತ್ತೇನೆ. ನಾವು ಚಿತ್ರಮಂದಿರದಿಂದ ಹೊರಬಂದ ಮೇಲೂ ನಮ್ಮನ್ನು ಕಾಡುವ, ಮತ್ತೊಮ್ಮೆ ನೋಡಬೇಕೆನಿಸುವ ಸಿನಿಮಾಗಳೇ ಸದಾ ನೆನಪಿನಲ್ಲಿ ಉಳಿಯುತ್ತವೆ. ಸ್ಕ್ರಿಪ್ಟ್ ಓದುವಾಗ ಈ ಸಿನಿಮಾ ನೋಡಿದರೆ ನನಗೆ ವೈಯಕ್ತಿಕವಾಗಿ ಹೇಗೆ ಅನಿಸುತ್ತದೆ ಎಂಬುದನ್ನೇ ನನ್ನ ಅಂತಃಪ್ರಜ್ಞೆಯಾಗಿ ಇಟ್ಟುಕೊಳ್ಳುತ್ತೇನೆ" ಎಂದು 'ಸಿಟಾಡೆಲ್' ನಟಿ ತೀರ್ಮಾನಿಸಿದ್ದಾರೆ (ಏಜೆನ್ಸೀಸ್).