ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತು ತೆಲುಗಿನ ಪ್ರಿನ್ಸ್ ಮಹೇಶ್ ಬಾಬು ಒಟ್ಟಾಗಿ ಕೆಲಸ ಮಾಡುತ್ತಾರೆ ಎಂಬ ಸುದ್ದಿ ಬಹಳ ಹಿಂದೆಯೇ ಹಬ್ಬಿ ಹಾಗೇ ಮಾಯವಾಗಿತ್ತು. ಈಗ ಮತ್ತೆ ಇವರಿಬ್ಬರ ಕಾಂಬಿನೇಷನ್ಗೆ ಜೀವ ಬಂದಿದೆ.
ಈ ಬಾರಿ ಈ ಚಿತ್ರವನ್ನು ತೆಲುಗಿನ ಖ್ಯಾತ ನಿರ್ವಪಕ ಅಲ್ಲು ಅರವಿಂದ್ ನಿರ್ಮಾಣ ಮಾಡುತ್ತಾರಂತೆ. ಹೌದು, ಮಹೇಶ್ ಬಾಬು ಈಗಾಗಲೇ ಅಲ್ಲು ಅರವಿಂದ್ಗೆ ಡೇಟ್ಸ್ ನೀಡಿದ್ದಾರೆ. ಅದಕ್ಕಾಗಿ ಅಲ್ಲು ಅರವಿಂದ್ ನಿರ್ದೇಶಕರು ಮತ್ತು ಉತ್ತಮ ಕಥೆಯನ್ನು ಹುಡುಕುತ್ತಿ ದ್ದಾರೆ. ಈ ಸಮಯದಲ್ಲಿ ಅರವಿಂದ್ ಅವರಿಗೆ ಪ್ರಶಾಂತ್ ನೀಲ್ ಬಗ್ಗೆ ಮಹೇಶ್ ಬಾಬು ಅವರೇ ಹೇಳಿದ್ದಾರೆ ಎಂಬ ಸುದ್ದಿ ಟಾಲಿವುಡ್ನಿಂದ ಬಂದಿದೆ. ಪ್ರಶಾಂತ್ ನೀಲ್ ಈ ಹಿಂದೆಯೇ ಮಹೇಶ್ ಬಾಬುಗೆ ಕಥೆ ಹೇಳಿದ್ದರು. ಆ ಕಥೆಯೂ ಮಹೇಶ್ ಬಾಬುಗೆ ಇಷ್ಟವಾಗಿತ್ತು, ಅದೇ ಕಥೆಯನ್ನು ಅಲ್ಲು ಅರವಿಂದ್ಗೆ ಅವರು ಹೇಳಿದ್ದಾರಂತೆ. -ಏಜೆನ್ಸೀಸ್