ಮಾಲಿವುಡ್ನಲ್ಲಿ ಬಿಡುಗಡೆಯಾಗಿ ಕಡಿಮೆ ಸಮಯದಲ್ಲಿ ನೂರು ಕೋಟಿ ಗಳಿಸಿ ದಾಖಲೆ ಬರೆದ ‘ಲೂಸಿಫರ್’ ಸಿನಿಮಾ ಈಗ ತೆಲುಗಿನಲ್ಲೂ ಬರುವ ಸಾಧ್ಯತೆಗಳಿವೆ. ಹಾಗಾದರೆ ತೆಲುಗಿನಲ್ಲಿ ಹೀರೋ ಯಾರು? ಅದಕ್ಕೆ ಮೆಗಾಸ್ಟಾರ್ ಚಿರಂಜೀವಿ ಹೆಸರು ಕೇಳಿಬರುತ್ತಿದೆ. ಹೌದು, ಹೀಗೊಂದು ಪ್ರಯತ್ನಕ್ಕೆ ಕೈ ಹಾಕು ಎಂದು ನಟ ಪ್ರಭಾಸ್ ಕಡೆಯಿಂದ ನಿದೇರ್ಶಕರಿಗೆ ಬಂದಿದೆಯಂತೆ. ಅಂದರೆ, ಸಾಹೋ ಸಿನಿಮಾ ನಿರ್ದೇಶಕ ಸೂಜಿತ್ಗೆ ಲೂಸಿಫರ್ ಸಿನಿಮಾ ರಿಮೇಕ್ ಮಾಡು ಎಂದು ಹೇಳಿದ್ದು ಇದೇ ಪ್ರಭಾಸ್. ಅಷ್ಟೇ ಅಲ್ಲ ಮೋಹನ್ಲಾಲ್ ಮಾಡಿದ ಪಾತ್ರ ಮೆಗಾಸ್ಟಾರ್ಗೆ ಹೊಂದಾಣಿಕೆ ಆಗುತ್ತದೆ. ಹಾಗಾಗಿ ಆದಷ್ಟು ಬೇಗ ರಾಮ್ಚರಣ್ರನ್ನು ಭೇಟಿಯಾಗಿ ಸಿನಿಮಾ ಬಗ್ಗೆ ಮಾತನಾಡುವಂತೆ ಹೇಳಿದ್ದಾರೆ. ಒಂದು ವೇಳೆ ಈ ಸಿನಿಮಾ ಒಪ್ಪಿಕೊಂಡಿದ್ದೇ ಆದರೆ, ತೆಲುಗಿನ ಜತೆಯಲ್ಲಿ ತಮಿಳು ಮತ್ತು ತೆಲುಗಿನಲ್ಲೂ ಸಿನಿಮಾ ಬರುವ ಸಾಧ್ಯತೆ ಇದೆ.
ಇನ್ನು ಈಗಾಗಲೇ ಹೊಸ ಸಿನಿಮಾವೊಂದರ ಸ್ಕ್ರಿಪ್ಟ್ ಮೇಲೆ ಸೂಜಿತ್ ಕೆಲಸ ಮಾಡುತ್ತಿದ್ದು, ಸ್ವತಃ ರಾಮಚರಣ್ ಆ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಇತ್ತ ಚಿರಂಜೀವಿ ಕೊರಡಾಲ ಶಿವ ನಿರ್ದೇಶನದಲ್ಲಿ ಸಿದ್ಧವಾಗುತ್ತಿರುವ ಆಚಾರ್ಯ ಸಿನಿಮಾದಲ್ಲಿ ಬಿಜಿಯಾಗಿದ್ದು, ಎಲ್ಲ ಅಂದುಕೊಂಡಂತೆ ಆದರೆ ಆಚಾರ್ಯ ಮುಗಿದ ಬಳಿಕ ಲೂಸಿಫರ್ ಸಿನಿಮಾ ಶುರುವಾಗಲಿದೆ. (ಏಜೆನ್ಸೀಸ್)