ಜನ ನಾಯಗನ್​ ಶೂಟಿಂಗ್ ಸೆಟ್‌ನಲ್ಲೇ ವಿಜಯ್ ಗೆಲುವಿನ ಭವಿಷ್ಯ ನುಡಿದಿದ್ದ ಪೂಜಾ ಹೆಗ್ಡೆ; ವಿಡಿಯೋ ವೈರಲ್​..Pooja Hegde

ವಿಜಯ್​ ಅವರ ಟಿವಿಕೆ ಪಕ್ಷವು ಭರ್ಜರಿ ಗೆಲುವು ಕಂಡ ನಂತರ ನಟಿ ಪೂಜಾ ಹೆಗ್ಡೆ ಇನ್​ಸ್ಟಾಗ್ರಾಂನಲ್ಲಿ ವಿಡಿಯೋ ಹಂಚಿಕೊಂಡಿದ್ದಾರೆ. ನಾನು ಮೊದಲೇ ಗೆಸ್​​ ಮಾಡಿದ್ದೆ ಎನಿಸುತ್ತದೆ. ಈ ಬಾರಿ ಚುನಾವಣೆಯಲ್ಲಿ ವಿಜಯ್​ ಗೆಲುವು ಕಾಣುತ್ತಾರೆ ಎನ್ನುವುದನ್ನು. ಕನಸುಗಳು ನನಸಾಗುತ್ತದೆ ಅಭಿನಂದನೆ ವಿಜಯ್​ ಸರ್​ ಎಂದು ನಟಿ ಪೂಜಾ ಹೆಗ್ಡೆ ಶೀರ್ಷಿಕೆ ಕೊಟ್ಟಿದ್ದಾರೆ.

ಮೊದಲು ವೈಟ್​ ಬೋರ್ಡ್​​​ ಮೇಲೆ ಕೈ ಮುಚ್ಚಿ ಹಿಡಿಯುವ ಪೂಜಾ ಹೆಗ್ಡೆ ನಂತರ, ಕೈ ತೆಗೆಯುತ್ತಾರೆ. ಅದರ ಮೇಲೆ ಮುಂದಿನ ಎಲೆಕ್ಷನ್​ನಲ್ಲಿ ಗೆಲ್ಲೋದು ಯಾರು ಎಂದಿತ್ತು. ನಂತರ ಅವರು ಅಲ್ಲೇ ನಿಂತಿದ್ದ ವಿಜಯ್​ ವಿನ್​ ಆಗೋದು ಎಂದು ಸನ್ನೆ ಮಾಡಿ ತೋರಿಸುತ್ತಾರೆ. ಆಗ ವಿಜಯ್​ ನಾಚಿ ನೀರಾಗಿ ಮುಂದೆ ಸಾಗುತ್ತಾರೆ.

ಮತ್ತೊಂದು ಪೋಸ್ಟ್​ನಲ್ಲಿ ಓ ಮೈ ಗಾಡ್​, ಅಭಿನಂದನೆ ವಿಜಯ್​ ಸರ್​​. ಈಗ ಪಾರ್ಟಿ ಮಾಡುವ ಸಮಯ. ದಳಪತಿ ಕಚೇರಿ ಈಗ ದೊಡ್ಡಾದಾಗುತ್ತಿದೆ ಎಂದು ಬರೆದುಕೊಂಡು ಜನನಾಯಗನ್​ ಸಿನಿಮಾ ಶೂಟಿಂಗ್​ ವೇಳೆ ತೆಗೆದುಕೊಂಡ ಪಟವನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ನಮ್ಮಂತೆ ಪೂಜಾ ಹೆಗ್ಡೆಯವರಿಗೂ ಸಹ ಭವಿಷ್ಯ ಹೇಳೋಕೆ ಬರುತ್ತದೆ ಎಂದು ಅಭಿಮಾನಿಗಳು ಕಿಚಾಯಿಸಿದ್ದಾರೆ. ಹಲವರು ಒಳ್ಳೆಯ ನಟಿ ಎಂದು ಕಾಮೆಂಟ್ ಮಾಡಿದ್ದಾರೆ.

ತಮಿಳುನಾಡಿನಲ್ಲಿ 234 ಕ್ಷೇತ್ರಗಳಿಗೆ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ವಿಜಯ್​ ನೇತೃತ್ವದ ಟಿವಿಕೆಯು ಸ್ಥಾನಗಳನ್ನು ಪಡೆದುಕೊಂಡಿದೆ. ಘಟಾನುಘಟಿ ಪಕ್ಷವಾದ ಡಿಎಂಕೆ ಮತ್ತು ಎಐಎಡಿಎಂಕೆ ಕೋಟೆಯನ್ನು ಹೊಡೆದುರುಳಿಸಿದೆ. ಆದರೆ, ಸರ್ಕಾರ ರಚನೆ ಮಾಡಲು 118 ಸ್ಥಾನಗಳ ಬಹುಮತದ ಕೊರತೆ ಇರುವ ಕಾರಣ ಮೈತ್ರಿ ಕಾರ್ಯಾಚರಣೆ ನಡೆಯುತ್ತಿದೆ. ವಿಜಯ್​ ಅವರು ಈಗಾಗಲೇ ರಾಜ್ಯಪಾಲರಿಗೆ ಈ ಬಗ್ಗೆ ಪತ್ರ ಬರೆದಿದ್ದಾರೆ.

ಇನ್ನು ಮೊದಲ ಬಾರಿ ಚುನಾವಣೆಯಲ್ಲಿ ನಿಂತು ಗೆದ್ದ ವಿಜಯ್​​ ಅವರಿಗೆ ರಜನಿಕಾಂತ್, ಕಮಲ್ ಹಾಸನ್, ರಶ್ಮಿಕಾ ಮಂದಣ್ಣ ಮತ್ತು ಎ.ಆರ್. ರೆಹಮಾನ್, ಶಿವರಾಜ್​ ಕುಮಾರ್​, ವಿಕ್ರಮ ಸೇರಿದಂತೆ ಹಲವು ಗಣ್ಯರು ಹಾಗೂ ರಾಜಕೀಯ ನಾಯಕರು ಅಭಿನಂದಿಸಿದರು, (ಏಜೆನ್ಸೀಸ್).