ವಿದೇಶದಲ್ಲಿ '3 Idiots' ಸಿನಿಮಾ ಪ್ರದರ್ಶನಕ್ಕಾಗಿ ಇಡೀ ಥಿಯೇಟರ್ ಬಾಡಿಗೆಗೆ ಪಡೆದ ಪಾಕ್​ ಟೆಕ್ಕಿ; ಕಾರಣ ಏನು ಗೊತ್ತಾ?

ಇಂತಹ ಸ್ಪೂರ್ತಿದಾಯಕ ಸಿನಿಮಾವನ್ನು ನೊಂದು-ಬೆಂದು, ಒತ್ತಡದಲ್ಲಿ ಬದುಕುತ್ತಿರುವ ವಿದ್ಯಾರ್ಥಿಗಳು ಅದರಿಂದ ಹೊರಬರುವಂತೆ ಮಾಡಲು, ಪಾಕಿಸ್ತಾನಿ ಮೂಲದ ಉದ್ಯಮಿ ಮತ್ತು ತಂತ್ರಜ್ಞಾನ ಸಂಸ್ಥಾಪಕ ಫರ್ಜಾ ಮಜೀದ್ ಮಹತ್ವದ ಹೆಜ್ಜೆಯೊಂದನ್ನಿಟ್ಟಿದ್ದಾರೆ. ಹೌದು, ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ 250 ಆಸನವುಳ್ಳ ಥಿಯೇಟರ್​ನ್ನು ಬಾಡಿಗೆ ಪಡೆದುಕೊಂಡು 3 ಈಡಿಯಟ್ಸ್ ಅನ್ನು ಪ್ರದರ್ಶಿಸಿದ್ದಾರೆ. ಇವರ ಈ ಸಾಧನೆಯೀ ಎಕ್ಸ್​ನಲ್ಲಿ ವೈರಲ್​ ಆಗುತ್ತಿದೆ.

'ನಾನು ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ 250 ಆಸನವುಳ್ಳ ಥಿಯೇಟರ್​ ಬಾಡಿಗೆ ಪಡೆದುಕೊಂಡಿದ್ದೇನೆ ಏಕೆಂದರೆ, ವಿಶ್ವದಲ್ಲೇ ಸಾಕಷ್ಟು ಸಕ್ಸಸ್​ ಕಂಡಿರುವ ಸಿನಿಮಾವಾದ '3 ಈಡಿಯಟ್ಸ್' ಅನ್ನು ಪ್ರದರ್ಶಿಸಲು ಎಂದು ಬರೆದುಕೊಂಡಿದ್ದಾರೆ. ಭಾರತದ ಹಿನ್ನೆಲೆಯ ಸಿನಿಮಾವಾಗಿದೆ. ಮೂವರು ಸ್ನೇಹಿತರು ತಮ್ಮ ಜೀವನದಲ್ಲಿ ಏನು ಮಾಡಬೇಕು ಎಂದು ತಿಳಿಯದೇ ತಮ್ಮನ್ನು ತಾವು ಹುಡುಕಿಕೊಳ್ಳುವ ಸುಂದರ ಕತೆಯಾಗಿದೆ. ನಿಮ್ಮ ಜೀವನದಲ್ಲಿ ನೀವು ಜಿಗುಪ್ಸೆ ಕಂಡಿದ್ದರೆ, ಯಾರಿಂದಲೋ ಸ್ಪೂರ್ತಿ ಕಂಡುಕೊಳ್ಳಲು ಬಯಸುತ್ತಿದ್ದರೆ, ಮನಸಾರೆ ನಗಬೇಕೆನ್ನುವ ಹಂಬಲವಿದ್ದರೆ ದಯವಿಟ್ಟು ಈ ಸಿನಿಮಾ ನೋಡಿ' ಎಂದು 'X' ಖಾತೆಯಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಫರ್ಜಾ ಮಜೀದ್ ಟ್ವೀಟ್ ಮಾಡಿದ್ದಾರೆ.

'ಮರೀನಾ ಥೀಯೇಟರ್​ನಲ್ಲಿ ಮೇ.24ರಂದು ಸಿನಿಮಾ ಪ್ರದರ್ಶನವಿದೆ. ಮಧ್ಯಾಹ್ನ 12:30ರಿಂದ ಸಂಜೆ 4ರವರೆಗೂ ಪ್ರದರ್ಶನವಿರಲಿದ್ದು, ಒಬ್ಬರಿಗೆ ಒಂದು ಟಿಕೆಟ್‌ನಂತೆ ಕೇವಲ ಹತ್ತು ಡಾಲರ್​​​​​ ಶುಲ್ಕ ನಿಗದಿಪಡಿಸಲಾಗಿದೆ. ಅಂದರೆ, ಭಾರತದ ರೂಪಾಯಿಗಳಲ್ಲಿ 964ರೂಪಾಯಿಯಾಗಿರಲಿದೆ.' ಎಂದು ಹೇಳಿಕೊಂಡಿದ್ದಾರೆ

'ಇದು ಬಾಲಿವುಡ್​ನ ಅತ್ಯುತ್ತಮ ಸಿನಿಮಾ. ನನಗೆ ಜೀವನದಲ್ಲಿ ಸ್ಪೂರ್ತಿ, ನಗು ಬೇಕಾದಾಗ, ಹತಾಶೆಯಿಂದ ಇದ್ದಾಗ ಈ ಸಿನಿಮಾ ನೋಡುತ್ತೇನೆ. 30 ಬಾರಿ ನೋಡಿದರು ಬೇಸರವಾಗೋದೆ ಇಲ್ಲ. ಪ್ರತಿ ಬಾರಿ ಈ ಸಿನಿಮಾ ನೋಡಿದಾಗ ನಾನು ನಗುತ್ತೇನೆ, ಅಳುತ್ತೇನೆ, ಭಾವನೆ ತುಂಬಿ ಬರುತ್ತದೆ' ಎಂದು ಫರ್ಜಾ ಹೇಳಿಕೊಂಡಿದ್ದಾರೆ.

ಫರ್ಜಾ ಮಜೀದ್​ ಅವರ ಈ ಪೋಸ್ಟ್​ಗೆ ವಿದೇಶಿ ಪ್ರಜೆಗಳು ಪೋಸ್ಟ್ ಹಂಚಿಕೊಂಡಿದ್ದಾರೆ. ಸಿನಿಮಾ ತುಂಬಾನೆ ಇಷ್ಟವಾಯಿತು ಎಂದಿದ್ದಾರೆ. 3 ಈಡಿಯಟ್ಸ್ ನೆಚ್ಚಿನ ಸಿನಿಮಾದಲ್ಲಿ ಒಂದಾಗಿದೆ ಎಂದಿದ್ದಾರೆ. ಭಾವನಾತ್ಮಕ ಮತ್ತು ಕತೆ ಹೇಳುವಿಕೆ ಚೆನ್ನಾಗಿದೆ ಎಂದು ಶ್ಲಾಘಿಸಿದ್ದಾರೆ, (ಏಜೆನ್ಸೀಸ್).