Shruti Haasan : ಯಶಸ್ಸು ಮತ್ತು ವೈಫಲ್ಯಗಳು ಸಹಜ. ಯಾರೊಬ್ಬರು ಕೂಡ ಇದಕ್ಕೆ ಹೊರತಾಗಿಲ್ಲ. ಸಾಕಷ್ಟು ಹಿಟ್ ಸಿನಿಮಾಗಳನ್ನು ಸಕಲಕಲಾವಲ್ಲಭ ಕಮಲ್ ಹಾಸನ್ ಆಗಿರಲಿ ಅಥವಾ ಮರೆಯಲಾಗದ ಚಿತ್ರಗಳನ್ನು ನೀಡಿದ ನಿರ್ದೇಶಕ ಮಣಿರತ್ನಂ ಕೂಡ ಏಳುಬೀಳುಗಳನ್ನು ಕಂಡಿದ್ದಾರೆ.
ಕಮಲ್ ಹಾಸನ್ ಇತ್ತೀಚೆಗೆ ನಾಯಕನಾಗಿ ವಿಕ್ರಮ್ ಮತ್ತು ನಿರ್ಮಾಪಕನಾಗಿ ಅಮರನ್ ನಂತಹ ಸಿನಿಮಾಗಳ ಮೂಲಕ ಯಶಸ್ಸು ಸಾಧಿಸಿದರು. ಅದೇ ರೀತಿ, ನಿರ್ದೇಶಕ ಮಣಿರತ್ನಂ ಪೊನ್ನಿಯಿನ್ ಸೆಲ್ವನ್ ಅನ್ನು ನಿರ್ದೇಶಿಸಿ ಯಶಸ್ಸನ್ನು ಸಾಧಿಸಿದರು. ಆದರೆ, ಅವರ ಇತ್ತೀಚಿನ ಚಿತ್ರ ಥಗ್ ಲೈಫ್ ಭಾರಿ ನಿರಾಶೆಗೊಳಿಸಿತು. ಅದೇ ರೀತಿ, ನಾಯಕ ಕಮಲ್ ಹಾಸನ್ ಥಗ್ ಲೈಫ್ ಮತ್ತು ಇಂಡಿಯನ್ -2 ನೊಂದಿಗೆ ಭಾರಿ ವೈಫಲ್ಯ ಅನುಭವಿಸಿದರು.
ಆದರೆ, ಇದಕ್ಕೆಲ್ಲ ಕುಗ್ಗದ ಮಣಿರತ್ನಂ, ಪ್ರಸ್ತುತ ಯುವ ಸ್ನೇಹಿ ಪ್ರೇಮಕಥೆಯನ್ನು ಮಾಡಲು ಪ್ರಯತ್ನಿಸುತ್ತಿದ್ದಾರೆ. ಇತ್ತ ಕಮಲ್ ಹಾಸನ್ ಅವರು ಸ್ಟಂಟ್ ಮಾಸ್ಟರ್ಗಳಾದ ಅನ್ಭರಿವ್ ಅವರನ್ನು ನಿರ್ದೇಶಕರಾಗಿ ಪರಿಚಯಿಸುವ ಮತ್ತು ಪ್ರಮುಖ ಪಾತ್ರದಲ್ಲಿ ನಟಿಸುವ ದೊಡ್ಡ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಇದರ ನಡುವೆ, ಕಮಲ್ ಹಾಸನ್ ಅವರ ಉತ್ತರಾಧಿಕಾರಿ ಮತ್ತು ನಟಿ ಶ್ರುತಿ ಹಾಸನ್ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ತಮ್ಮ ತಂದೆಯ ಮನಸ್ಥಿತಿಯ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ.
ಥಗ್ ಲೈಫ್ ಚಿತ್ರದ ವೈಫಲ್ಯದ ನಂತರ ಕಮಲ್ ಹಾಸನ್ ಅವರ ಮಾನಸಿಕ ಸ್ಥಿತಿ ಹೇಗಿತ್ತು ಎಂದು ಪ್ರಶ್ನಿಸಿದಾಗ, ಅದಕ್ಕೆ ಉತ್ತರ ನೀಡಿದ ಶ್ರುತಿ ಹಾಸನ್, ಚಿತ್ರದ ವೈಫಲ್ಯವು ನಮ್ಮ ತಂದೆಗೆ ಯಾವುದೇ ರೀತಿಯಲ್ಲಿ ನೋವುಂಟು ಮಾಡಿಲ್ಲ ಎಂದರು. ನನ್ನ ತಂದೆ, ಗಳಿಸಿದ ಎಲ್ಲ ಹಣವನ್ನು ಯಾವಾಗಲೂ ಚಲನಚಿತ್ರಗಳಲ್ಲಿ ಹೂಡಿಕೆ ಮಾಡುತ್ತಾರೆ. ಆ ಹಣದಿಂದ ಎರಡನೇ ಮನೆ ಅಥವಾ ಮೂರನೇ ಕಾರು ಖರೀದಿಸಲು ಅವರು ಬಯಸುವುದಿಲ್ಲ. ಎಲ್ಲವೂ ಚಲನಚಿತ್ರಗಳಿಗೆ ಹೋಗುತ್ತದೆ. ಜನರು ಯೋಚಿಸುವಂತೆ ಈ ನಂಬರ್ ಗೇಮ್ ತನ್ನ ತಂದೆಯ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಶ್ರುತಿ ಹಾಸನ್ ಹೇಳಿದ್ದಾರೆ.
ಇದೇ ಸಂದರ್ಭದಲ್ಲಿ ಇತ್ತೀಚಿಗೆ ಬಿಡುಗಡೆಯಾದ ಕೂಲಿ ಚಿತ್ರದಲ್ಲಿನ ತಮ್ಮ ಅಭಿನಯಕ್ಕಾಗಿ ಶ್ರುತಿ ಹಾಸನ್ ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ಪ್ರಸ್ತುತ ವಿಜಯ್ ಸೇತುಪತಿ ಜೊತೆ ಟ್ರೈನ್ ಚಿತ್ರದಲ್ಲಿ ನಟಿಸುತ್ತಿರುವ ಈ ಸುಂದರಿ, ತೆಲುಗಿನಲ್ಲಿ ಒಂದು ಚಿತ್ರ ಮಾಡುತ್ತಿದ್ದಾರೆ. (ಏಜೆನ್ಸೀಸ್)