ಬೆಂಗಳೂರು:
"ಎಡಗೈಯೇ ಅಪಘಾತಕ್ಕೆ ಕಾರಣ' ಬಳಿಕ ಸಮರ್ಥ್ ಕಡಕೋಳ್ ಆ್ಯಕ್ಷನ್&ಕಟ್ ಹೇಳುತ್ತಿರುವ "ಬೆಲ್ ಬಾಟಮ್' ಖ್ಯಾತಿಯ ಸಂತೋಷ್ ಕುಮಾರ್ ನಿರ್ಮಿಸುತ್ತಿರುವ ಸಿನಿಮಾ "ಹುಬ್ಬಳ್ಳಿ ಹಂರ್ಟಸ್'. ವಿಶೇಷ ಅಂದರೆ ಉಡಾಳ್ ಪಾವ್ಯ ಪವನ್ ಕೃಷ್ಣ, ವನು ಪಾಟೀಲ್, ಸುಮಿತ್ ಸಂಕೋಜಿ, ಧನ್ಯಶ್ರೀ, ಚೇತನ್ ಮಾರಂಬೀಡ್, ವಿನಯ್ ದೊಡ್ಡಮನಿ ಸೇರಿ ಹಲವು ಕರ್ನಾಟಕದ ಸೋಷಿಯಲ್ ಮಿಡಿಯಾ ಇನ್್ಲೂಯೆನ್ಸರ್ಗಳು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಹಾಗೇ "ದ ಕಪಿಲ್ ಶರ್ಮಾ ಶೋ', "ಇಂಡಿಯಾ ಗಾಟ್ ಲೇಟೆಂಟ್', "ಬ್ಯಾರಿಸ್ಟರ್ ಬಾಬು', "ಜುಗ್ ಜುಗ್ ಜೀಯೋ' ಖ್ಯಾತಿಯ ಬರಹಗಾರ, ನಟ, ಸ್ಟ್ಯಾಂಡಪ್ ಕಾಮಿಡಿಯನ್ ನಮನ್ ಅರೋರಾ "ಹುಬ್ಬಳ್ಳಿ ಹಂರ್ಟಸ್' ಮೂಲಕ ಸ್ಯಾಂಡಲ್ವುಡ್ಗೆ ಪದಾರ್ಪಣೆ ಮಾಡುತ್ತಿದ್ದಾರೆ. ಇತ್ತೀಚೆಗಷ್ಟೆ ವಿಜಯವಾಣಿ ಜತೆ ಮಾತಿಗೆ ಸಿಕ್ಕಿದ್ದ ಅವರು, ""ಹುಬ್ಬಳ್ಳಿ ಹಂರ್ಟಸ್' ನನ್ನ ಮೊದಲ ಕನ್ನಡ ಹಾಗೂ ಹಿಂದಿಯೇತರ ಸಿನಿಮಾ. ಸಮರ್ಥ್ "ಇಂಡಿಯಾ ಗಾಟ್ ಲೇಟೆಂಟ್' ನೋಡಿದ್ದರು. ನಾನು ಆರ್ಎಂಡಿ ಆಕ್ಯಾ ಪಾತ್ರಕ್ಕೆ ಹೊಂದುತ್ತೇನೆ ಅಂತನ್ನಿಸಿ, ಸಂಪರ್ಕಿಸಿದರು. ಅವರು ನಿರ್ದೇಶಿಸಿದ್ದ "ಎಡಗೈಯೇ ಅಪಘಾತಕ್ಕೆ ಕಾರಣ' ನೋಡಲು ತಿಳಿಸಿದರು. ನನಗೂ ಆ ಸಿನಿಮಾ ಇಷ್ಟವಾಯಿತು. ಆಗ "... ಹಂರ್ಟಸ್' ಬಗ್ಗೆ ತಿಳಿಸಿ ಯಾವುದೇ ಆಡಿಷನ್ ಇಲ್ಲದೇ ನನ್ನನ್ನು ಆಯ್ಕೆ ಮಾಡಿಕೊಂಡರು. ನನಗೆ ಕನ್ನಡ ಹೊಸತು. ಭಾಷೆಯ ಜತೆಗೆ ಪಾತ್ರಕ್ಕೂ ತುಂಬ ಸಿದ್ಧತೆ ಬೇಕಿತ್ತು. ನಾನು ಇದುವರೆಗೆ ನಟಿಸಿರುವ ಎಲ್ಲ ಸಿನಿಮಾಗಳಲ್ಲೇ ಅತಿ ಹೆಚ್ಚು ಶ್ರಮ ಕೇಳಿದ ಚಿತ್ರವಿದು. ಪಾತ್ರದ ಬಗ್ಗೆ ಈಗಲೇ ಹೆಚ್ಚೇನೂ ಹೇಳಲಾರೆ. ಆದರೆ, ಸರ್ಪ್ರೈಸ್ಗಳಿವೆ. ಅವನ್ನು ಸಿನಿಮಾದಲ್ಲಿ ನೋಡಿದರೆ ಚಂದ. ಸಿನಿಮಾ ಜತೆಗೆ ನನ್ನ ಪಾತ್ರ ಕೂಡ ಎಲ್ಲರಿಗೂ ಇಷ್ಟವಾಗುವ ಭರವಸೆಯಿದೆ' ಎಂದು ಹೇಳಿಕೊಳ್ಳುತ್ತಾರೆ.
ವಿಶೇಷ ಅಂದರೆ ತಮ್ಮ ಚೊಚ್ಚಲ ಚಿತ್ರದಲ್ಲೇ ನಮನ್ ಕನ್ನಡದಲ್ಲಿ ಡಬ್ ಮಾಡಿದ್ದಾರೆ. "ಹಿಂದಿಗೆ ಡಬ್ ಆಗಿರುವ "ಕೆಜಿಎ್', "ಕಾಂತಾರ'ದಂತಹ ಕನ್ನಡದ ಕೆಲ ಕಲ್ಟ್ ಸಿನಿಮಾಗಳನ್ನು ನೋಡಿದ್ದೆ. ಆದರೆ, ನಾನು ಕನ್ನಡದಲ್ಲಿ ನಟಿಸುತ್ತೇನೆ ಅಂತ ಎಂದಿಗೂ ಅಂದುಕೊಂಡಿರಲಿಲ್ಲ. ಈ ರೀತಿಯ ಸಿನಿಮಾ, ಪಾತ್ರ ಮಾಡಬೇಕು ಅಂತ ಪ್ರತಿಯೊಬ್ಬ ಕಲಾವಿದರಿಗೂ ಆಸೆಯಿರುತ್ತದೆ. ಅಂತಹ ಅವಕಾಶ ನನಗೆ ಕನ್ನಡದಲ್ಲಿ ದೊರೆತಿದ್ದು ಖುಷಿಯಿದೆ. ಸೆಟ್ನಲ್ಲಿ ಕೆಲವರಿಗೆ ಹಿಂದಿ ಗೊತ್ತಿತ್ತು, ಜತೆಗೆ ನಾನೂ ಕನ್ನಡ ಕಲಿಯಲು ಆರಂಭಿಸಿದ ಕಾರಣ ಶೂಟಿಂಗ್ ಸಮಯದಲ್ಲಿ ಸಮಸ್ಯೆಯಾಗಲಿಲ್ಲ. ಜತೆಗೆ ಪಾತ್ರ ನ್ಯಾಚುರಲ್ ಆಗಿರಲಿ ಅಂತ ನಾನೇ ಡಬ್ಬಿಂಗ್ ಮಾಡಿದ್ದೇನೆ' ಎಂದು ಹೇಳಿಕೊಳ್ಳುತ್ತಾರೆ. ಅಂದಹಾಗೆ, ಕನ್ನಡದ "ಹುಬ್ಬಳ್ಳಿ ಹಂರ್ಟಸ್' ಜತೆಗೆ ನಮನ್ ಬಾಲಿವುಡ್ನ ನಾಲ್ಕು ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ.